سلام على هؤلاء البارعين في ان يخفوا ما بداخلهم ..
اولئك الذين يواسون انفسهم بأنفســـــهم ♥️..
____________________________________🦋
تارا صحت الصباح وهي زهجانة...دخلت الحمام اتسوكت واخدت ليها شاور وبعدها طلعت صلت وقعدت في السرير وهي بتتلفت في الغرفة...طلعت منها على امل انو نور تكون جات بس اتذكرت انو الليلة الجمعة...زفرت بضيق...عاينت لغرفة آسر وبعدها مشت دخلت بدون ما تدق الباب لقتو مافي بس باب غرفة الملابس فاتح طوالي دخلت لقتو لابس بنطلون وداير يلبس التيشيرت عاين ليها بخلعة...وهي غطت عيونها وقالت ليهو:اتستر يا قليل الادب 🙈🙈🙈.
آسر وهو بكمل لبس التيشيرت بتاعو:انتي اللي داخلة على في غرفتي مدرعمة وانا قليل الادب 😒.
نزلت يدها من عيونها وقالت ليهو: whatever 🙄...المهم اسمع.
آسر:خير 😒.
تارا:اول حاجة حسن اسلوبك...تاني حاجة انا زهجت ودايرة اطلع.
كتف يدينو وهو بعاين ليها:اها وانا اعمل شنو في الحالة دي.
تارا:اقوول ليك دايرة اططططلع.
آسر:اوكي اطلعي هداك الشارع.
تارا بشوية عصبية:انت غبي انا اقول ليك دايرة اطلع تقول لي هداك الشارع.
آسر هز راسو بعدم فهم:لحدي اسي ما فهمت المطلوب مني شنو.
تارا بعصبية:ياخ أن شاء الله ما تفهم...دا شنو السغيل دا 😡.
آسر ضحك وقال ليها:اها يعني قصدك اني اطلعك؟!
تارا عاينت ليهو بغيييظ:حمد الله على السلامة.
آسر:ههههه طيب اجهزي وبجي اسوقك بعد الصلاة.
تارا بفرحة بس حاولت تخفيها:احم خلاص طيب.
جات عشان تطلع بس وقفتها كلمة آسر:مافي شكراً.
تارا بدون ما تتلفت عليهو قالت ليهو بغرور:هه اصلاً دا حقي عليك عشان كدا ما مفروض اشكرك.
وهي طالعة سمعتو همس:طيب وحقوقي عليك.
طلعت سريع ودخلت غرفتها...وقت الصلاة جا...طلعت من الغرفة ويا ليت لو ما طلعت...شافت آسر واقف ولابس ليهو على الله سوداء ساااادة...ولابس ساعة وجزمة لونهم عودي..وريحة العطر براها بالدنيا وما لابس طاقية تغطي شعرو الاسود الكتييير...بقت واقفة تعاين ليهو بصدمة واعجاب ما قدرت تخفي اعجابها...
آسر لاحظ لنظراتها...عض شفتو السفلية وهو بحاول يكتم ضحكتو....لاحظت ليهو وهو بحاول يكتم في ضحكتو..شتمت نفسها وعاينت ليهو بغيييظ وقالت:خيير أن شاء الله بتضحك مالك 😡.
آسر:يا بت قولي بسم الله اسي انا سألتك ولا ضحكت معاك...حتى يوم الجمعة الجن راكبك اعوذ بالله من الشيطان الرجيم.
