ولا وجـــــع كفقـــد روح لن تراها مهما..
بكيـــــــت ..
_________________________________🦋
مرت تلاتة شهور...
تلاتة شهور بكري راقد في السرير دا وما بتحرك...تلاتة شهور ما سمعوا صوتو ولا صوت ضحكتو...
امو كانت معاهو الوقت كلو...آسر كان بمشي الجامعة وبجي بقعد معاهو اليوم كلووو وببيت معاهو...
نور كانت بتمشي الجامعة يوم بعد يوم...يوم ما تمشي تجيهو من الصباح وتقعد تحكي ليهو وتتونس لمن تتعب...ولمن تمشي بتجيهو تقعد معاهو لحدي بليل وبعدها ترجع...
تارا كانت بتجي مع آسر ويحكو لبكري اي شي حصل...ومرات مع ميرال...
عبير جاتو مرتين...وناس ماهر بجو بعد الجامعة وبرجعوا بالليل...
___________________________________🦋
في القصر...
تارا كانت قاعدة في الحديقة مع آسر اليوم دا ما مشو المستشفى لانو الدكتور طلب منهم ما يجو وخلى بس منى ام بكري...
آسر كان بتونس معاها...اثناء الونسة قام ضحك قامت تارا باستو في الغمازة وقالت ليهو:ايوة اضحك كدا..ياخي زمن من ضحتك وغمازاتك المجنناني.
آسر ابتسم وقال ليها:ما كان عندي نفس اضحك.
مسكت يدو وقالت ليهو:آسر خلاص ادعي ليهو وبعدين انت ما سمعت الدكتور قال في تحسن كبيييير في حالتو ويعني احتمال كبير شديييد ح يصحى ويرجع ويتونس معاك...ويقل ادبو معاي تاني.
ضحك وقال ليها:انتي البتبدي.
تارا رفعت كتوفها وقالت ليهو:بنرفٍز بعض نحنا.
آسر:بالظبط كدا..
ضحكوا وهم غافلين عن الزول الشايفهم...
__________________________________🦋
كانت بتعاين ليهم بغيرة وحقد...همست:آسر دا مفروض يكون لي انا وبس...مفروض يكون قاعد معاي انا القعدة دي...مفروض انا اخفف عنو ما انتي..
اتنهزت الفرصة لمن شافت آسر قام منها وهي فضلت براها...جابت الباقة الكانت كابة فيها الزيت المغلي...
همست بضحكة حاقدة وخبيثة:هههه جسمك وشعرك العاجبينك ديل انا ح انتهي ليك منهم انتي بس اصبري لي.
جات عشان تكشح الزيت في تارا بس رجلها فلتت من الكرسي ووقعت والزيت وقع بفوق ليها...صرخت بألم لانو الزيت كان مغلي شديد وحااار...جسمها شعرها وشها كلها اتشوهت...سبحان الله جات تشوه تارا بس اتشوهت هي...
تارا سمعت الصرخة المرعبة دي وقامت جارية فوق...لقت الجد والجدة والخالات وكل العائلة كانوا واقفين وبعاينوا لرفاء بصدمة...
__________________________________🦋
اليوم التاني...
نور كانت مع بكري...كانت بتقرا ليهو في قرآن بعد خلصت باست يدو الكانت ماسكاها وقالت ليهو بدموع:بكري خلاص كفاية كدا ما تعبت من الرقاد بليييز قوم ياخي قووم.
حست باصابعو بتتحرك تحت يدها...عاينت ليها بصدمة في اللحظة الممرضة جات داخلة نور وقفت وقالت ليها:حرك اصابعو انا متأكدة حسيت حسيت بيها تحت يدي...معناها معناها صحى صاح.
الممرضة ابتسمت ومشت عليهو وبعدها استدعت الدكتور وجا كشف ل
عليهو...
د.محمود بفرحة:بكري بدا يستعيد وعيو الحمد لله يا رب الحمد لله.
نور بدموع:متأكد يا دكتور؟!
د.محمود:ايوة متأكد ما تبكي يا بتي احمدي ربك.
في اللحظة دي منى جات داخلة بعد ما مشت تصلي اتخلعت من الدكاترة والممرضين الكانوا قاعدين في الغرفة وقالت ليهم بخوف:ولدي مالو...قول لي يا دكتور بكري حصل ليهو شنو؟؟
نور حشنت منى وقالت ليها:خالتوو بكري بدا يستعيد وعيو..يا خالتو خلاص بكري ح يصحى.
منى بصدمة:شنو...بعدها انفجرت بالبكاء. هي بتقول:الحمد الله يا رب الحمد لله..
__________________________________🦋
خلال ثواني كل العائلة عرفت...وبكري نقلوهو لغرفة خاصة لانو بعد دا خلاص مافي داعي يقعد في العناية....كانوا فرحانين شديد والحلاوات والبارد والشوكلاتات والورود...ناس الجامعة والاهل كلهم جو عشان يحمدلوا لبكري السلامة...بعد ما طلع من موت محقق...
نهاية اليوم...
الغرفة كانت فاضية بس في بكري ونور...
بكري اشر لنور وهي جات جنبو ومسكت يدو وهو قال ليها بتعب:كيفك؟!
نور:تمام بشوفتك وسماع صوتك يا قلبي...تمام الحمد لله.
بكري:نور ما تنسيني واول ولد ليك سميهو فهد.
نور:قصدك لينا انا وانت...وبعدين انا قلت ليك شنو مش قلت ليك ما تجيب لي سيرة الموت.
بكري:نور انا عارف انو ايامي في الدنيا دي معدودة...بعد ما اموت اتزوجي وعيشي حياتك واول ولد ليك سميهو فهد طيب...بس ما تنسيني ما تتشاكلي مع راجلك عشاني.
نور بخوف:بكري انت ليه بتقول كدا انت ح تطلع كويس وح نتزوح انا وانت...بكري بليييز ما تخوفني 😭😭😭💔.
شافت اصبعو وهو برفعو وبتمتم بصوت متقطع:اشهد ان لا اله الا الله..
وبعدها يدو نزلت وانفاسو اتقطعت ونبضو وقف...
نور بصراخ هز المستشفى:بكــــــــــــــــــــــــــــــــــــــــــــــــــــــــــــري..
_________________________________🦋
# لها بقيـــة...
