في هذه الحيــــاة الطويـــلة سنواجه الكثيــــر من الأقنعة..
والقليـــــــــــل من الوجوه !..
_____________________________________🦋
المزرعة كانت مزينة بطريقة حلوووة شديد...وكان في معازيم كتااار...اما نور رفضت تمشي الكوفير فاقترحوا انهم يجيبوا بيها الكوفير هنا...الغرفة كانت ملااانة بالميكاب ارتيست وخبيرات البشرة...شغالين في نور شغل جد من الصباح...ما خلوا ليها بدكير ولا ساونا ولا حمام مغربي ولا حتى حنة دا كلو عملوا ليها...وبما انها محجبة والخطوبة كانت مختلطة كانت لابسة فستان محجب كان مظرز بالذهبي ولابسة حجاب حلو وكعب ذهبي كانت حلوة شدييييد ورااائعة هاادية ورزينة وبالجد احلى مافيها الحجاب ❤️...

بعد ما خلصوا بدوا البنات يلبسوا...
روان وهي بتتكلم مع تارا:تارا وين فستانك؟؟
تارا ابتسمت وقالت ليهم:احم احم surprise 😁.
في:لااا دا ما عدل يا تارا انتي شفتي فساتينا 😤.
رفعت كتوفها بعدم مبالاة وقالت ليها:يلا انا ماشة البس.
طلعت من الجناح وهي بتسمع في تذمراتهم وتضحك...دخلت جناحها...اخدت شاور وطلعت فستانها اتأملتو وبعدها ابتسمت...عاينت لشعرها في النهاية قررت تعلمو استريت وفي النهاية تسويهو ويفي...فكتو وبدت تعملو وتعبت فيهو لانو كان تحت خصرها وبعد الويفي بقا مع خصرها طوالي...لبست الفستان وكان احمر من الدانتيل طويل واكمامو طويلة من الدانتيل الشفاف وواحد من الاكمام جاي كم فرنسي...كان ضيق ومبين تفاصيل جسمها بقوة...عقد الماس وحلق الماس طويل كمل اللبسة...عملت آي شادو اسود دخاني وروج احمر...وبرشة عطر اختتمت مشوار التجهيز للخطوبة...

- i can't believe it .
دا كان صوت آسر وهو بعاين ليها باعجاب وصدمة واندهاش...نزلت راسها بخجل من نظراتو...وهو قرب منها وهاجمتو ريحة عطرها...لف خصلة من شعرها في اصبعو وهو بستنشق في عبيرها...قرب وجهه منها بس هي وقفتو وختت يدها في شفتها...عاين ليها باستغراب وهو رافع حاجب وهي قالت ليهو:ح تخرب لي شكلي.
بعد منها وعاين ليها من فوق لتحت بتفحص وميل شفتو بمعنى ما بطال (احلف بس 😏) بعدها عقد حواجبو بانزعاج لمن شاف شعرها وكيف انو الفستان ضيق ومبين جسمها قال ليها:انتي ما طالعة كدا صاح؟!
عقدت حواجبها وقالت:ليه مالو شكلي؟!!
جاوب بحدة:شوفي الفستان عاامل كيف وتقولي لي شكلي مالو...مجنونة انتي.
اتنهدت بضجر وقالت ليهو:آسر ياخ ما تبدأ عليك الله.
آسر بحدة:شنو ما تبدأ دي...لا بالجد شكلك جنيتي وكمان فاكة لي شعرك.
تارا:آسر شنو يعني كان فكيت شعري ما تتجنن فيني 😤.
قرب منها ومسك يدها وقال ليها بغضب:لا ح اتجنن تارا افهمي انا بغيييير.
