احيانا عندما تسترجع احداث حياتك...
ستكتشف أن اكثر شخص انت مدين له بالاعتذار هو...
أَنْــــــــــــــــــــــت💔...
_________________________________🦋
في شقة آسر....
ماهر:ياخ قوم بطل سغالة.
آسر:اقسم بالله م عندي نفس اطلع.
- عارف انو انت اسغل انسان قابلتو في الكون 😤.
رد ببرود ينرفز:عارف 😊.
ماهر:😤😤😤😤😤😤😤😤😤😤😤.
- رايك شنو نلعب.
- نلعب 😳 انت يا ولد مجنون.
- الحمد لله على نعمة المخ 😑 قصدي بليستيشن.
- اها اوكي طيب.
آسر وصل البلايستيشن وادا ماهر يد وقعدو يلعبو... لعبو نص ساعة وساعة
وساعة ونص وساعتين وتلاتة وهم م حاسين بشي...الجرس ضرب وواحد فيهم قام من مكانو ماف...الجرس اتكرر كم مرة بس هيهات الاولاد لمن يقعدو في البلايستيشن م بحسو بشي (أسأل مجرب😫)...الجرس ضرب كتييير وبعدها تلفوناتهم بدت تضرب بس زول جايب خبر ماف...
برا الشقة....
بكري وهو بتكلم مع مازن:الحمير م بردو لي.
مازن:يمكن مافي.
بكري:لا في صوت زي التلفزيون كدة.
مازن:م يكون حصلت ليهم حاجة.
بكري اتوتر:م عارف يمـ....
قبل م يتم كلامو الكهرباء قطعت....
جوة...
الكهرباء قطعت ليهم...حتى هم ختو اليد...
ماهر:اووووف ياخ م لقت تقطع الا اسي.
آسر:اصلا مفروض تحمد ربك انها قطعت ولا كان غلبتك.
- شنـ....
قبل م يتمها سمعو صوت الباب بضرب...ماهر قام على حيلو وفتح الباب...
شاف بكري ومازن وكانوا زي البركان وبكري دا لمن عيونو حمر 😂😂😂😂😂😂😂😂...
مازن:حمد لله على السلامة نحنا واقفين لينا اكتر من ساعة هنا.
ماهر ببلاهة:وم تضربو الجرس.
بكري كور يدو وجا عليهو داير يضربو 😂😂😂😂😂...(هظار)...
بكري:انت يا ماهر شارب حاجة يا ود انت معاااق 😡...
آسر جا:ما شاء الله اتفضلوا اتفضلوا مع انكم اتأخرتو بس مقبولة.
بكري قرب ينجلط ومازن دا بس يضحك....
دخلوا وبكري قال:بس شوفو تلفوناتكم عليكم الله شوفوهم...
ماهر فتح تلفونو كان في 23 مكالمة فائتة من بكري و 16 من مازن...
ماهر:ديشاااااك وليه دا كلو 😰😰😰.
مازن:نحنا قلنا حصلت ليكم حاجة.
آسر وهو بغمز ليهم:يعني خوفتو علينا 😉.
