تارا

٥

الظروف تكشف لنا معادن الناس....
بعضهم خاب فيهم الظـــن 💔..
وبعضهم اجمل بكثير مما كنا نظــــن ❤️..

__________________________________🦋

آسر ركبها معاهو في العربية واتحرك بيها وهي نهائي م فتحت خشمها...فضل سايق لغاية م وصل شارع النيل مكان كدة هادي وما فيهو زول...نزل بدون م يتكلم معاها وهي طوالي نزلت وراهو...بقو قاعدين وهم بعاينوا للنيل....

تارا:انا م كنت كدة...كنت بت بمعنى الكلمة صحيح انو عمري كان صغير بس برضو...كنت غير الفساتين م بحب البس حاجة...وشعري دا هه كان كل يوم تسريحة شكل...لغاية م جا اليوم داك...مستحيل انسى اليوم داك كان يوم سئ سئ بمعنى الكلمة...كان يوم اربعاء كان جا صاحب ابوي في البيت....
# Flash _ Back...
# قبل _ بضع _ سنين...
تارا كان عمرها 9 سنين كانت لابسة فستان لونو وردي قصيير وفاكة شعرها...جات تسلم على صاحب ابوها عمو علي (بياع الزيت..ساق مرتو وداها البيت وفي البيت عامل زعلان وفي البنبر وقع اتشنقل 😂😂😂)
نرجع لروايتنا اخدنا فترة استكانة كافية 😔...

المهم..هي كان بتحب عمو علي دا عشان كان دايما بجيب ليها شوكلاتات وهدايا....تارا جات كالعادة عشان تسلم عليهو....سلمت عليهو وحضنها بطريقة مقززة...بس مافي زول لاحظ ليهو لانو هو وعثمان ابو تارا اتربوا مع بعض....

المساء جاها وقال ليها:توتة حبيبتي تعالي شيلي حاجاتك الجبتها ليك.
تارا ضحكت ومشت ليهو بحسن نية طلعت معاهو الغرفة..واول م دخلوا قفل الباب وعلمل عمليتو... اغتصبها وم راعا لشعورها كطفلة 💔...اغتصبها وم راعا انها بت اخوهو وصحبو 💔..بعد خلص اداها شوكلاتات كتييرة وقال ليها:توتة حبيبتي م تكلمي زول كويس.

اما هي كانت بتبكي من الالم...قال ليها:اذا في زول سألك قولي ليهو وقعت واصلا اذا اتكلمتي انتي بت وضعيفة عشان كدة مافي زول بصدقك.
تارا طلعت وصادف انها لاقت ترتيل اختها سألتها مالك وتارا حكت ليها الحقيقة...ترتيل ولا هظرت سريع مشت لامها وحكت ليها وحصل مووضوع طويل وفي النهاية علي دا ودوهو السجن..ومن اليوم داك تارا بقت بتكره نفسها وتكره انها تكون بت واكتر شي بتكره الرجال...مرت عليها فترة حتى ابوها ومحمد اخوها م كان بتحبهم 💔💔...كم مرة حاولت تقص شعرها وم قدرت لانو امها كانت بتقبضها...وكانت بتحاول تهتم ليها بشعرها شديد لغاية الان هي بتهتم لتارا بشعرها....
المهم دي قصة تارا مع الرجال...
# Back...
آسر كان بعاين ليها وهو مصدوم كيف طفلة صغيرة في عمر زي دا تحصل ليها حاجة زي دي...وتارا في عمرها الاسي دا مفروض تكون زي الباقين شي خلطات وعروكات وحاجات البنات دي بس ابدا....

آسر بدون شعور منو مسكها وحضنها عليهو شديد وهو بربت على ضهرها بينما هي حضنتو وبقت تبكي وكانت بتحاول تفرغ كل الطاقة السلبية الجواها...بكت لمن ارتاحت....

آسر حس بيها ارتاحت حاول يزح منها بس هي مسكت فيهو قوي 🙈...
آسر ربت على كتفها وخلاها في حضنو...