يا وردة الحــي ..
يا معجــــزة هذا الزمــــان ...
____________________________________🦋
مرت الحفلة بسلام..كل الناس مشو وكان باقي بس الاهل واصحاب آسر حتى ناس رزان مشو...لكن نور كانت قاعدة لانو تارا حنستها شديييد...
نور:تارا خلاص كفاية والله البيت بعييد وبعد دا الزمن اتأخر.
تارا بوزت:بيتي معاي.
نور ضحكت:يا ريت والله...بس امي براها خليت معاها مرة الجيران والله.
في:اسي كيف ح تلقي ترحال بعد دا؟!
نور:والله من قبيل بحاول بس مافي واحد ولا بالغلط داير يستجيب لي 💔.
جنى شافتها فرصة وقالت ليها:اممم بكري يوصلك...صاح يا بكري 😉.
بكري ابتسم لاختو وقال ليها:ايوة حتى انا كنت داير اقول ليك كدا.
نور بشوية احراج:لالا مافي ليهو داعي انت ارتاح وانا بلقى لي امجاد ولا مواصلات.
بكري:اول حاجة مافي امجادات اسي..وتاني حاجة دايرة تمشي بالمواصلات زي الزمن دا براك ومن هنا لحدي امدرمان (❤️❤️ العشق 😍😍) انتي شكلك بتهظري.
ميرال:عادي يا نور خليهو يوصلك فيها شنو يعني..ماهو اصلاً صايع يعني مشوار بسيط زي دا ما ح يأثر معاهو.
بكري:قلتي صايع ولا انا بتهيأ لي 😒.
ميرال وهي بتمثل البرائة:منو انا؟!!وبعدين منو الصايع؟!!...شهقت بتصنع وقالت:لا ما تقول لي الصايع دا انت بس 😳.
بكري:ح اتجاوزك ما اكتر.
فاطمة:ح تقضوها تخلف ولا ح توصل البت.
بكري:اي ثواني اجيب المفاتيح واجي.
بكري مشى جاب مفاتيحو ونور ودعت تارا وناس آسر ومشت معاهو...
__________________________________🦋
اثناء ما آسر وتارا واولاد اهل آسر قاعدين بتونسوا.. وآسر كان خاتي جاغوار في رجلينو وبلعب معاهو...فجأة ومن حيث لا يحتسبون جات بت طايرة وخاشة شمال عاملة بوهيات المهندس في وشها ولابسة ليها فستان شدة ما ضيق لمن تحس نفسها كااااتم..والبت ما سمينة جسمها عادي بس الفستان ضيق لدرجة انو مظهر طيات لحمها 💔...
المهم جات وعاينت لتارا من فوق لتحت بقرف واستحقار ثم حولت نظراتها لآسر وكانت نظرات حب وغرام وعشق ووله وكلوو مدت ليهو يدها وقالت بدلع يطمم البطن ويجيب حول في الأنف وانسداد في الطحال والكبد 🤦🤦🤦💔...المهم قالت ليهو:آسوري مبروك.
آسر ما مد يدو وقال ليها ببرود:الله يبارك فيك...وعقبالك.
همست بنفس صوتها:قصدك عقبالنا 😉.
آسر عمل فيها ما سامع...وفاطمة قالت ليها:ليه ما باركتي لتارا يا رفاء.
حولت نظرها لتارا وقالت بقرف واستعلاء:هه ما تستاهل.
