عندما تتنازل كثيرا يتوقع البعض بمرور الوقت...
انه واجــــب عليك وليس فضــــلاً منك...
_____________________________________🦋
قضو يومهم عادي ورجعوا بيوتهم....رزان رجعت مع تارا البيت...اول م دخلوا غرفة تارا رزان استلمتها ليك...
رزان:زفتة دا شنو القلتوهو انتي وبقة دا؟!!!
تارا:شنو؟!
رزان:اخوي واختي واخت جدي دا كلام شنو دا؟!
تارا نزلت راسها:دا الكان مفروض يحصل من زمان.
- انتي بتهظري ولا بتلعبي 😡.
- ولا واحد.
- انتي بتحبيهو وبتموتي فيهو طيب الحصل شنو مالكم فجأة.
تارا بعد معاناة حكت ليها عارفين اول حاجة رزان عملتها شنو اول شي بعد ما تارا خلصت كلامها عملت ليها كدة 👋 وتارا عاينت ليها كدة 😳....
رزان:انتي واحدة متخلفة ومنفسنة ومعقدة ما اكتر...وريني سبب واحد يخليك ترفضي بقة بالقسوة والبرود دا 😡😡😡.
تارا نزلت راسها بدون ما ترد...ورزان تابعت:شابكاني ما بحبني وما بعرف ايه ولمن اعترف ليك مشيتي بكل هبالة وتخلف قلتي ليهو انا ما بعتبرك اكتر من اخ...انتي عندك اعاقة في المخ وانا ح اسأل خالتو حنان لمن كانت حامل بيك الحصل شنو اكلت حاجة ولا كانت صايمة ولا الحنك شنو عشان تطلع ليها بت بالتخلف والاعاقة دي 😡😡😡😠😠😠👿👿👿.
تارا:رزان انتي ما فاهمـ.....
رزان:وبرضو انا ما فاهمة انتي يا بت متخلفة عايني من يوم الليلة يا تارا لا بعرفك لا بتعرفيني فهمتي.
تارا باستنكار:مستحيل تنهي علاقتنا عشان موضوع زي دا صاح؟!
رزان:لا معليش ح اخيب ظنك يا تارا لمن ترجعي لي مخك تعالي اتكلمي معاي....وشالت شنطتها وطلعت....تارا قعدت في الارض وهي ماسكة راسها وابليس اخدها فرصة وبقا يوسوس ليها طوالي ختت في بالها انو آسر السبب بسببو بقت تخسر في صحباتها وهدي اولهم رزان (لااااا😿😿)...
____________________________________🦋
في شقة آسر...
كان معاهو بكري....
آسر:عارف يا بكري لمن اعترفت ليها كنت مفتكر %99 انها ح توافق وواحد في المية انها ح ترفض....ابتسم بسخرية وتابع:بس طلع العكس رفضتني بكل سهوله وبكل برود..عارف لدرجة انا شكيت انو فيني حاجة او فيني غلط شكيت في نفسي عديل كدة..كلامها كان جارح وحار..خلت دا (اشر على قلبو) خلتو ينزف انا ما كنت قادر اعمل اي حاجة ولا شي كل القلتو ليها خلينا زي ما نحنا...كنت بقول ليها اختي ونحنا اخوان عشان ما دايرها تفتكر انو أنا لسة عندي ليها مشاعر بس أنا بتجرح وبتوجع ترليون مرة لمن اقول ليها كدة اعمل شنو انا يا بكري اعمل شنو بس 😥💔.
بكري خت يدو في كتفو:ما تزعل يا بقة يمكن هي ما عرفت قيمتك او ما حست بيك مش يمكن اكيد ما عارفها هي حاسة بشنو بس حاول انساها او اتناساها ومع الايام ح تنساها أن شاء الله وتابع حياتك عادي اصلا حياتك ما وقفت عليها حواء والدة يا صحبي 😉.
