لا تغضب اذا انفجر البالون في وجهــــك... فأنت من نفخه واعطاه
اكبر من حجمــه...
كذلك بعض البشر 💔...
______________________________________🦋
تارا وصلت البيت..لقتو فاضي ابوها في الشغل ومحمد في الجامعة وامها كان عندها قضية هي محامية...
طلعت فوق غرفتها اخدت شاور غيرت ملابسها ورقدت في السرير....اول م قعدت كدة اتذكرت ضحكة آسر....ما عارفة الذكرها ليها شنو...شالت تلفونها عشان تطرد الافكار دي.....
نامت شوية وصحت اتكشحت في كتبها....زي الساعة تسعة كدة محمد جاها في الغرفة....
- زفتونة 😀.
تارا عاينت ليهو كدة 😒 وقالت:خير يا زفتين.
- عايني...
تارا فجأة قامت على حيلها وقالت ليهو:محمد انا بحبك 😀❤️.
عاين ليها بملل وقال:حديقة ولا ايسكريم ولا مطعم 😑😑.
ضحكت بعفوية وقالت:حبيبي البفهمني انا من الصباح بقرا وجعانة وزهجانة وغير كدة مسخنة برضو 😘.
عاين ليها كدة 😳😳😳 وقال:دا كلو..وبعدين كيف مسخنة وانتي فاتحة المكيف والشبابيك والجو باارد 😳.
تارا مسكت في يدو وقالت:بليييز يا حمودي 😢.
محمد قال ليها:امممم طيب اجهزي سريع زاتو عندي ليك موضوع.
تارا بفرحة:جدا 😀.
محمد:اسمعي.
تارا:اها.
محمد:اقشري بالله 😉.
تارا ضحكت وقالت:حااااضر 😂.
محمد طلع وهي سريع لبست جيب شورت كحلي مخطط بالابيض..
وبودي واسبورت ابيض..وجكت لون زينب فاتح..والشعر كالعادة كعكة..
خلصت ونزلت لمحمد...
عاين ليها وقال:مع أنو مافي طرحة لكن حلوة..ممكن بس تغيري التسريحة دي.
تارا:ابيييت 😝.
امها:تعالي خليني اضفرها ليك.
محمد:لالا يا امي هي ما شاء الله شعرها طويل وبتك ربنا يحفظها م بتلبس طرحة 😑😑.
تارا:اصلا م دايرة.
محمد:اذا ماف مشي 😒.
تارا قعدت لامها بزهج وهي سرحتها ليها بطريقة م بتبين طول شعرها وفي نفس الوقت جميلة...
طلعت مع محمد وفي العربية قالت ليهو:اها دي اسمها منو.
محمد وهو مركز في السواقة:منو هي؟؟!.
- السايقني عشان اشوفها 😉.
محمد ضحك وقال ليها:فديت الفاهماني.
- اها ياخ انجز.
- اسمها روان ❤️.
- ودي لعب ولا ثابتة؟؟.
