عندما قررت الحياة أن تتزين ...
تزينت بالإنــــــاث 😉❤️...
__________________________________🦋
آسر فتح باب الشقة وندم انو فتحو لانها كانت مقلوبة فوقاني تحتاني...شتم بكري في سرو لمن قال بس...عض على شفتو باحراج وتوعد لبكري بعد ما شاف نظرات تارا...كانت بتعاين الشقة بازدراء وحيرة لانها بالجد كانت اوووووفر...الملابس موقعة في الارض وكراتين بيتزا وباقات بيبسي ومشربات طاقة ووووووو....غايتو حالتها كانت مستعصية...آسر دخل وعاين لتارا الكانت واقفة برا وقال ليها:اتفضلي.
عاينت ليهو نظام ادخل الكوشة دي؟!!
آسر فهمها وقال في نفسو "الحيوااااان بكري مشى وما نضفها بس خليني الم فيهو بكرة والله الا تتمنى الموت يا كلللب "
تارا سكتت ودخلت وآسر قفل الباب...حك راسو بأحراج وقال:معليش بس الشقـ..............
قبل ما يتم كلامو جاهو صوت بكري وهو طالع من المطبخ وشايل تفاحة: بُـــقة اخيرا جيـ.........
قطع كلامو لمن شاف تارا عاين ليها باستغراب وبدون شعور قال ليها:انتي الجابك هنا شنو 😕؟!!!
تارا عاينت ليهو بحقد وقبل ترد آسر قال اختصاراً للمشاكل والحروب الأهلية الحا تحصل:تارا ح تسكن معـــــــاي.
بكري فتح خشمو تلاتة وتلتين متر وعيونو سبعة وخمسين متر والتفاحة وقعت من يدو وكان بعاين لآسر بنظرات بتقول انت كداب (بصوت محمد هنيدي)...
آسر اتجاهل نظرات صحبو المصدومة وشال شنطة تارا عشان يوديها ليها غرفتها وهو مطنش بكري البيسأل فيهو....جا عشان يمشي من جنب بكري بس بكري مسكو من يدو وقال بصوت شبه عالي:بتكلم معاك انا...ما تطنشني انت بتهظر صاح؟!!
آسر فك يدو من يد صاحبو:لا انا جادي وكل الجد كمان.
بكري عاين لتارا ورجع ببصرو لآسر وقال بصدمة وبدون وعي:كيف يعني ح تسكن معاك انت مستوعب البتقول فيهو دا...يعني ح تسكن معاك بالحرام 😱.
تارا عاينت ليهو بصدمة وكانت ح تزفو بس آسر سبقها وقال بهدوء عشان عارف صحبو من الصدمة بقا خارج نطاق التغطيه:لا يا بكري بالحلال لانها مرتـــــــــــــــي ❤️.
يا شباب بيكو من الصدمة لمن بقا شايف طشاش طشاش...انتو مقدرين موقفو صاح وخاتين نفسكم مكانو....يعني تكون قاعد مع صحبك في امان الله وفجأة يضربو لي صحبك ويمشي ويجيك بعد سويعات وهو معررررس...طييييب ما مشكلة العرس...ولا مشكلة الزواج السريع دا ولا مشكلة عمرو الما تم 20 سنة...المشكلة في تاااارااا زاتها كيف هي قبلت وكيف اهلها وافقوا يعرسوا بيها واحد ما تم عشرين سنة ولسة بقرا في المدرسـ...... اقصد الجامعة والفي عمرو لسة بشيلوا مصروفهم من ابهاتهم...
بكري قعد في الارض بصدمة وهو بعاين ليهم...آسر شال الشنطة ودخل بيها غرفة وتارا دخلت وراهو...خت ليها الشنطة وقال:اتفضلي دي غرفتك.
