تارا

١٨

البعض تعيش معه عُمــر لا تتذكر منه لحظــة ...
والبعض تعيش معة لحظــة تتذكرها طول العمــر ❤️...

___________________________________🦋

مر باقي اليوم عادي...تارا كلمت باقي صحباتها واتصدموا صدمة عمرهم وحلفوا الا يجوها بس قالت ليهم ما ضروري...آسر ما كلم اصحابو بس بكري...

اليوم التاني الصباح...
غرفة تارا...
تارا صحت من النوم اتوسعت عيونها بصدمة وهي بتعاين في الغرفة يمين وشمال....بعدها اتذكرت انها ما في بيتها...دمعة وحيدة يتيمة اتسللت لخدها بس مسحتها بسرعة وقالت في نفسها:لا يا تارا انتي ما ح تنزلي اي دمعة...عشان شنو عشان اهلك اللي ما صدقوك اوعى تنزلي دموعك عشانهم 💔.

قامت من السرير ودخلت الحمام الملحق بالغرفة...طلعت من الحمام بعد ما اتسوكت واخدت ليها شاور....طلعت من الغرفة وهي بتتلفت يمين وشمال بس ما سمعت صوت معناه انو آسر لسا نايم....اتجولت في الشقة وهي بتستكشف فيها....كانت كبيييرة شديد فيها اربعة غرف وحمام خارجي وفي غرفتين فيهم حمام داخلي غرفة آسر وتارا...ومطبخ انجليزي راقي...كان احمر بأسود فيهو تربيزة دائرية متوسطة وتلاتة مقاعد وقدامو في صفرة متوسطة....وصالة كبيرة فيها جلوس راقي وحلو وبلازما ماخدة نص الحيطة...و unit مرصوصة فيهو تحف وصور بتاعت آسر وشلتو....وبلكونة كبيرة شكت انو آسر دا ماخد الطابق كلو لانو شقتو كبييييرة شديد وهي لمن جات ما شافت باب تاني في الطابق غير بابو دا...المهم ياخ مشت على البلكونة وكانت كبيرة فيها جلوس بالخشب ومرجيحة من الخشب برضو واصايص زهور حلوة وشكلو معتني بيها شديد....مشت على واحدة من الغرف وفتحتها..شكلها كانت غرفة ضيوف كانت حلوة بالبني والبيج وفيها سريرين وكرسيين وستاير بالبني فيها اشكال كدا بالبيجي....طلعت منها ومشت على الغرفة التانية حاولت تفتحها بس كانت مقفولة استغربت افتكرتها غرفة آسر عشان كدا مشت للغرفة البعديها وفتحتها بس لفحتها ليك برودة الغرفة..استغربت من الضلام هبشت في الحيطة وحاولت تفتح النور بس سمعت صوت خلاها تتجمد في مكانها...

آسر بنعاس:نووور جيتي؟!

تارا عيونها توسعت بصدمة وقالت في نفسها"نووور 😳 نور منو..وكمان لمن بتجيهو في الشقة 😳...بعدها ابتسمت بسخرية وتابعت في سرها "هه اتوقع شنو من زير نساء زيو 😏"...

آسر لمن ما سمع رد استغرب واستغرابو زاد اكتر لكن سمع صوت الباب قفل...تارا طلعت من غرفتو وقفلت الباب..اتوجهت على غرفتها وغصتها خانقاها...بدون ما تحس دموعها نزلت...وكل ما تمسحهم كل ما يزيدوا بقت تبكي بكت وبكت لمن بقت تشهق...
تارا:خلاااص يا ربي والله ما قادرة والله ما قادرة انا ح امووووت 😭😭 يا رب خد روحي وريحني يا الله 😭😭😭😭😭💔.

بكت كدا لحدي ما سكتت براها....رقدت في السرير وهي حاسة بوجع جسم ووجع بطن عجييب بلعت مسكن...وحاولت تنوم بس ما قدرت....ما كانت عارفة بالزمن المرّ وهي بتتأمل في سقف الغرفة لحدي ما سمعت صوت الجرس...قعدت مسافة بس ما سمعت صوت الباب فتح...تاني الجرس ضرب...قامت على حيلها وطلعت من الغرفة ومشت على الباب...فتحتو وكانت بت...