اخشى النهايـــــات دوماً ..
فقد اعتدت على أن افقد شيئـــاً في النهايــة 💔...
___________________________________🦋
كان الصمت سائد بين آسر وتارا لغاية ما وصلوا مكان كدا...كان قصر كبييييييير شدييد والحراس منتشرين حولو....دخلوا عبر البوابة الحديدية الكبيرة..وكان في حديقة كبيييرة واي نوع زهرة او شجرة بخطر على البال قاعد في الحديقة دي...وكان فيها نافورة كبييييرة في النص وبعدها جلسات مصنوعة من الخشب...
احمد (الجد):يلا اتفضلوا.
دخلت ورا آسر وجده الصالة...وكانت رووووووووعة وكلمة روووعة بسيطة عليها كان فيها لوحات زيتيه كتييرة والثريات النازلة من السقف المهم كانت خطيييرة شديييد... لمن دخلوا شافتهم متجمعين...
نتعرف عليهم...
الجد احمد زي ما عرفنا سابقاً انو سفير السودان في امريكا حازم وجادي بس طيووب...وآسر عندو خط احمر...اي شئ الا آسر...
الجدة فاطمة حبابة وطيبة شديد بتحب حفيداتها واحفادها وبرضو آسر دا فوق الكل...
مصطفى خال آسر الكبير مسؤول في الحكومة عندو ولدين وبتين مرتو اسمها منال...احمد 27 متزوج وعندو ولد واحد وهو الماسك شركات آسر...ومحمد 24 ما متزوج بس خاطب...فاطمة (توتة) 20 بتقرأ ادارة اعمال مجنونة شوية كدا...فَيْ عمرها 18 سنة امتحنت مع تارا...
منى خالتو ظريفة شديد وبتحب آسر دا موووووووت عندها بت واحدة وولدين...محمد 26 سنة ماسك شركات ابوهو...جنى 22 سنة عاقدين عليها...الولد التاني ح نعرفو لقدام...راجلها متوفي وهي قاعدة مع ابوها...
مزار خالتو التانية وامو بالرضاعة يعني مرضعاهو ودي ام روان خطيبة محمد اخو تارا فهمتو...المهم عندها روان 20...اخوانها الكبار توأم ريان ورامي 25 سنة ريان متزوجة..بس رامي خاطب...رامز فكاهي لدرجة عمرو 22 سنة صاحب آسر...
محمد عندو اياد 24 سنة عبارة عن زير نساء...مرام 20 سنة بتقرا مع فاطمة مسكينة وهادية شدييييد..ميرال 18 سنة...
متوكل عندو بتو اسمها يسرى عمرها 19 سنة...وولدو اسمو عمر عمرو 23 سنة...
ميرال دي ام آسر وهي اصغر واحدة في البيت عشان كدا كانوا كلهم بحبوها واتأثروا شديد لموتها وفراقها..
____________________________________🦋
المهم سلمت عليهم وسلموا عليها بحب وفرح وروان دي فرحت فرح والجد فهمهم انو آسر عقد على واحدة وخاف انها تطير منو عشان كدا عرسها واقترح انها تتم الجامعة معاهو عشان كدا جابها وقعدها معاهو...البنات حبوها شدييييد والاولاد اخفو صدمتهم من سماحتها...قعدوا معاهم والجد عاين لجنى بت منى وقال ليها:اخوك وين؟!
جنى:مشى مشوار وجاي اسي.
الجد:كيف يعني مشوار ناوليني التلفون دا...ادتو التلفون بخوف وهو ضرب تلفون:انت وين.
