اخاف من اللحظة التي قد يأتوني بها ويقولون ..
وفــــاء البشــــر قــد انقـــــرض 💔..
_______________________________________🦋
طلعوا من الكافيه وبعدها اتمشوا في شارع النيل بكري وآسر كانوا ماشين مع بعض وتارا كانت قدامهم لابسة سماعاتها وماشة وطبعاً لابسة الطاقية ولا سبيبة منها طالعة 😂😂😂...كانت ماشة وهي ما منتبهة بس فجأة في شباب اعترضوا طريقها...
- على وين يا مزة.
تارا طنشتو وجات عشان تمشي بس اعترض طريقها وقال ليها:على وين لسة ما اتعرفنا لكن.
تارا اخدت نفس وطلعت سماعاتها وقالت ليهو:اسمع يا ولد الناس عليك الله زح من طريقي ولا ما ح يحصل ليك خير.
واحد تاني:وااو بتعرفي تهددي كمان 😏.
تارا اتجاهلتو وجات تمشي بس مسك يدها وقال ليها:انتي تعالي معانا ونحنا بنعزك 😉.
- هههه غايتو انا الاول شوف جسمها دا صااارووووخ كيف.
تارا اتصدمت وجرت يدها منو وجات عشان ترد ليهو...بس فجأة الولد طاااار هنااااك وهو ماسك وشو...عاينت لآسر الكان واقف قدامها وعيونو بتبث شرااار 🔥🔥...الولد قام على حيلو وجا على آسر وهو رافع يدو عشان يضربو بس آسر مسك يدو واداهو بوكس في وشو...جا واحد من وراهو وشايل ليهو مطوة (سكينة صغيرة) داير يطعن بيها آسر...بكري شافو وجاهو جاري وضربو في راسو...الولد اتلفت على بكري وجرحو في يدو...المهم الشكلة دووورت وفي اولاد جو وقفو مع ناس آسر لأنو ديك كانوا كتار بالجد....
المهم بعد الشكلة اتفضت حتن يادوب آسر انتبه ليد بكري...جاهو بخوف وهو بقول:بكري مالها يدك 😨؟؟؟
بكري:لالا جرح عادي.
آسر:الدم دا كلو وتقول لي عادي مجنون انت 😡😡😡.
المهم مشو ركبوا العربية وآسر دور على المستشفى نزلوا وعقمو لبكري جرحتو وضمدوها ليهو ولحسن الحظ ما كانت عميقة شديد....رجعوا الشقة وبكري طوالي ركب عربيتو ومشى رغم تحانيس آسر في انو يقعد معاهو بس رفض....طبعاً آسر نهائي ما فتح خشمو مع تارا...دخلوا الشقة وقفل الباب...
تارا:آسـ......................
قاطعها وهو بصرخ:انا قلت ليك شنووووو....قبل ما نطلع انا قلللت ليك شنووو 😡😡😡😡😡😡😡😡.
تارا خنقتها العبرة:آسر انا...................
قاطعها للمرة التانية:اسكتي 😡😡.
- آسر 😢😢😢😢😢😢😢😢😢.
صرخ فيها بغضب:قلت ليك اسكتي ما داير اسمع صوتك....عاجباك الحالة دي انتي عاجباك....الماشي والغاشي يتفرج في جسمك ويعلق....اكيد الموضوع عاجبك صاح عاجبك 😡😡😡😡😡😡😡😡😡.
