مرافق♥️ { مكتملة}

بارت ٦

ميس قبل ماتروح لغرفتها انتبهت لرسالة اللي كانت لشهاب من ميرفت
لما قرتها خذت نفس براحه ان مافيها اي شي يخص عن هويتها او عن اللي صاير بينها وبين مراد بس كان مكتوب
سيد شهاب اتمنى منك ان تعتني بابني فهو امانة لديك اذا كنت تقراء هذه الرسالة فقد رحلت عن هذه الحياه اتمنى منك ان لاتبتعد عنه ابدا لانه مثل الطفل يخاف كثير ولايفصح عن مافي داخله الا عندما اجبره كثيرا لا اعلم ان كنت قد عثرت عليه ولكني متاكده انك سوف تعود ولن تتركه
تركت الرساله على الدولاب وطلعت متوجهه لغرفتها
نرجع للواقع
شهاب بعد ماخلص رجع للبيت فتحه بالمفتاح ودخل ماسمع صوت او حركه البيت هادي دخل لغرفته على طول رمى نفسه بالسرير وبهاللحظه دق جواله رفع بدون نفس لما شاف اسم المتصل ابتسم
رد
وفاء بحماس : شهاااب اخبارك
شهاب بهدوئه للمعتاد : بخير ياروح شهاب وانتي !
وفاء: انا بخيير الحمدلله ومبسوطه
شهاب : طيب ياقلبي انتي كيف رحلتكم وصلتو واستقريتو ؟!
وفاء : اي وهذا حازم يبي يكلمك
شهاب : هلا والله
حازم : هلا فييك وش اخبارك واخبار الديره
شهاب : بخير الحمدلله كل شي تمام التمام عاد ماوصيك عليها
حازم : بعيوني هي يلا هاك اياها لاني بكمل اجراءات الفندق
وفاء : اييوه يقولون انك سافرت اول مارحت انا وش صاير !!
شهاب ابتسم : اي والله بتعرفين بعدين
وفاء بحماس : لاتقوولها
شهاب بستغراب : ايش ؟!
وفاء : انك حبيت
سكت فجاءه وضحك على كلامها : لا لا ماحبيت لاتخافين ما احب من وراك بس اني فيك تقولين رحت للدمام اغير جو بما انك مو بجنبي
وفاء : اها فهمت الحين طيب يلا انا مضطره اسكر انتبه لنفسك واحبك مرررررره
شهاب ابتسم  : وانا اموت فيك مره
اندق باب غرفته
شهاب : ادخل
ميس دخلت ووقفت عند الباب : تبغى شي من برا او من البقالة ؟!
شهاب : لا سلامتك بتطلع ؟
ميس : عندي شي محتاجه ضروري وبروح اجيبه
شهاب بتردد : اروح معك
ميس كان واضح عليها الارهاق والتعب : لا مايحتاج اذا بغيت شي اتصل علي
طلعت وبدت تدور بالحاره وبعدها طلعت لمكان ثاني ماتدري وين رايحه بس كانت تمشي وتمشي لحد ماتتوقف عند نقطه معينه بعد ٣ ساعات من المشي
جلست بكرسي قريب من الحديقه سمعت احد يناديها
ميس التفتت وماشافت احد قرب منها
فهد : تمييم
ميس التفتت وحاولت تبتسم : ياهلا فهد
فهد بستغراب : انت ساكن بحارتنا؟!
ميس: لا والله بس كنت امشي
فهد بتفهم: اها ووش ناوي تسوي
ميس رفعت كتوفها: مدري والله للحين
فهد : تمام شرايك تجي معي ؟!
ميس: وين ؟
فهد : مدري نروح ندور ونشوف الحياه وارجعك بيتك ومنه اقول لك وش صار لمن طلعت
ميس بعدم فهم : وش تقصد ؟!
فهد : تعال معي وتعرف عاد
ركبت معاه وراحو لمول وبدو يدورون فيه
فهد : تذكر الشخص اللي قلت لك يبغاك بعد ماطلعت اتصل ثاني مره يسال عنك ولما قلت له انك مو موجود قال لي احجز لك بكرا
ميس : فهد عادي اطلب منك طلب
فهد استغرب اول مره يقول تميم يبي شي : امرني
ميس : بكرا مابغى مراجعين كثير
فهد مافهم وش قصدها بس اول مره تطلب منه طلب حتى رصيد الاجازات ماكانت تاخذه : ابد تم
ميس ابتسمت : مشكور
بالطريق
ميس : بس نزلني هنا
فهد التفت عليها: بيتك هنا ؟
ميس : اي بمر السوبر ماركت وامشي لبيتنا مشكور
فهد : امر عليك الصبح ؟
ميس : اذا صحيت مرني اذا ماصحيت بتشوفني قبلك بالمكتب
فهد ضحك: بقوم وبجيك وافطر معاك ترا
ميس : حيياك
سكرت الباب ودخلت للسوبرماركت واشترت منها كل اللي ناقص بالبيت قبل ماتوصل لبيتها اتصلت بطلال انتظرت يرد بس مارد فا كملت المشي للبيت اول ماوصلت فتحت الباب شافته جالس يقراء بالحديقه
شهاب انتبه لفتحة الباب ونزل الكتاب من يده: وين كنت؟!
ميس تركته وهي ماشيه لداخل البيت : قلت لك بطلع
شهاب وقف ومسك الاغراض منها : قلت لي بتطلع بس ماقلت بتجلس ٦ ساعات برا
ميس بدت تحس بغشاوه على عيونها : شهاب اتركني بحالي
دخل الاغراض تاركها وراه عند الباب جلست ويدها على عيونها ماتدري ليه تحس بدوخه وتعب دق جوالها طلعته من جيبها حاولت تفتح وتغمض تشوف الاسم بس طاحت على الارض اما شهاب كان يرتب الاغراض لما سمع صوت شي طاح ترك اللي بيده وراح يركض لعندها اول ماشافها ماعرف وش يسوي اول مره يصير شي قدامه تذكر اخوه لما جابوه له وكان طايح بالارض ميت وهو مايقدر يسوي له شي بدت الذكريات تجي قدامه رجفة يده خوفه توتره انه فيها شي بس
شهاب جابوه بمثل هالطريقه وحطوه قدامي بس تميم لازم استجمع نفسي لازم اكون بوعيي قرب منها وشالها لغرفته كان تنفسها ثقيل وحرارتها شوي مرتفعه انتبه لجوالها اللي يدق طلال هو الوحيد اللي رح يساعدني بهالموقف
شهاب : الو
طلال اول ماسمع الصوت استغرب : من معي ؟!
شهاب : انا شهاب صديق تميم
طلال شهااب كيف عرف مكانها : هلا بك وينه تميم
شهاب كان يناظرها قدامه : بقول لك بس لاتتوتر
طلال بخوفف : شهاب تميم صاير له شي وينه خلني اكلمه
شهاب : اغمي عليه وحرارته مرتفعه شوي مو مره
طلال : متعرض لضغوط اليوم او امس ؟!
شهاب : اتوقع لانه شكله من امس مو طبيعي
طلال : برسل لك اسماء علاجات وعطه اياها وان شاء الله بكرا بيكون بخير
شهاب : تمام
سكر وارسل له اسماء الادويه شهاب جلس يناظرها بيتركها ؟؟ ولا وش يسوي اتصل بالسايق اللي مكلف بانه يكون معاه طول رحلته هذي وعطاه الورقه وطلب منه انه يستعجل فيها بعد ماعطاها الدواء جلس وقرر يسوي لهم شوي اكل بس مايعرف يطبخ تذكر وصفات وفاء قبل ماتسافر وكلامها
وفاء : اسمع ارسلت لك وصفات الاكل اذا بغيت منهم شي تطلب من الخدم او انت تسويها بنفسك
شهاب : تمام عرفت خلاص
ابتسم وهو يتذكر وفتح جواله شاف اسهل وصفه واللي يقدر يسويها بسرعه مكرونة وشاف المكونات موجوده اخذها كلها بدا يطبخ
بالرياض
طلال كان قلق على ميس بس نساه لما سمع الباب : ادخل
فتح باب الغرفة : يبه
طلال وقف وضم ولده : ياهلا والله يبه اخبارك
بدر : بخير وانتو وكيف امي
طلال : كلنا بخير * تذكر شي * يوه امك نسيت اخذها من بيت جدك
بدر باس راس ابوه : لاتحاتي يبه بروح انا اجيبهم واجي
طلال : انتبه لنفسك زين
بدر : ان شاء الله
طلال وقفه بسواله : اخبار تميم ايش ؟!
بدر ابتسم : بخير يبه تعشاء عندي امس ورجع لبيته
طلال : ماكان معه احد ؟!
بدر رفع كتفه : يبه انت اكثر واحد عارف انه ماعنده اصحاب الا قليل وبرا يعني مايجيبهم للبيت
طلال بتفهم : اي صح
بدر : بس يبه انت صح دخلته لحياتنا بس عادي اسال من اهو واي من اصحابك هو ولده
طلال ابتسم : صديق قديم ماتعرفونه وتوفى قبل لاتشوفونه ومابقى له الا هالولد
بدر : اها تمام يبه يلا بروح اجيب امي واجي
عند شهاب جلس على الكرسي ينتظر الطبخه تخلص اما هي صحت من النوم وانتبهت انها بسريره حاولت تتذكر وحست بصداع قامت وهي للحين تحس بدوخه مشت لبرا الغرفه وشمت ريحة طبخ استغربت رجعت بها الذاكره لما كان عمرها ١٢ سنه وهي جايه من المدرسه وريحة طبخ امها بالمكان ابتسمت وعيونها تلمع سندت نفسها على باب المطبخ
ميس ببتسامه: يعطيك العافيه
شهاب التفت بفزع : يعافيك بسم الله ليه تقوم من السرير ؟!
ميس مشت لعنده ووقف مسك يدها: مالي بالجلسه بالفراش كثير حدي كم ساعه
شهاب : بكرا اجازه؟!
ميس : لا بداوم بس بيكونون المراجعين قليل عندي
شهاب : تميم وين كنت لما طلعت
ميس رفعت عينها وصارت بعينه: لها الدرجة يهمك ؟!
شهاب : اي يهمني لانك طلعت وقلت بتروح مشوار وطولت ولما رجعت ما امدى الا اغمي عليك من التعب
ميس مافهمت: شتقصد؟!
شهاب سكت فتره: انت تعاني من مرض او شي ؟!
ميس : ليه من قال
شهاب عرف انها بتلف وتدور : عمك دق عليك ورديت عليه ولما رديت قلت له اتصل عليه طمنه
ميس التفتت : وين جوالي
شهاب : على الطاوله
ميس خذت الجوال واتصلت بطلال على طول
طلال بفزع : الو
ميس : هلا
طلال : ميس انتي بخير صار لك شي ؟!
ميس ابتسمت : لا لاتخاف ماصار شي تطمن تعب خفيف لاني مانمت عدل من امس
طلال برتياح : الحمدلله طيب انتبهي لنفسك يابنتي
ميس : لاتخاف علي
طلال : الا صدق هو شهاب اللي رد علي نفسه اللي كان عندك قبل
ميس قاطعته : اي هو بنفسه بعدين احكي لك اللي جرى الحين اتركك ترتاح اكيد تو منتهيه مناوبتك
طلال ببتسامه : اي والله وصدق نسيت اقول لك بدر رجع ترا وصل عندنا وطلع يجيب امه
ميس : يخليه لك ياعم زين الحمدلله
وهم جالسين ياكلون
شهاب لاحظ انها ماتاكل وتلعب بالمعلقه : شفيك ؟!
ميس رفعت راسها : هاا لا مافي شي
شهاب : وقف انا اسف لو ضايقتك بكلامي اليوم الصباح او زعلتك
ميس انتظرته يخلص كلامه بس هو خلص وطلع وقفت بسرعه مسكت يده : شهاب بطلب منك طلب
شهاب التفت عليها: وش ؟!
ميس : عطني فرصه لبكرا الصباح
شهاب : تمام
ميس : تعال اكل طيب ولا بتخليني اكل بروحي ؟!
شهاب هز راسه بالنفي : يلا ناكل