مرافق♥️ { مكتملة}

بارت ١٠

اليوم الثاني
صحت ميس ورتبت غرفتها بدلت للدوام رتبت اشيائها وكلت علاجها طلعت من الغرفة متوجهة للمطبخ
ميس ابتسمت : صباح الخير
طلال : صباح النور ياقلبي
ميس تثاوبت : متى نمت وماحسيت ؟!
طلال ابتسم وقرب منها باس راسها : نومتك المعتاده
قطع حديثهم صوته : صباح الخير
ميس : صباح النور
طلال : صباح النور
راجح : بكون برا اذا احتجتو شي
ميس : انتظر وين بتروح ونت ماكلت شي
راجح ابتسم : لاتهتم تتدبر
ميس بتشديد : اقول تعال وكل وبعدها اطلع بكيفك
وقفت وبيدها الفطيره ويدها الثانيه كوب الحليب : يلا انا بروح للدوام
شهاب دخل : انتظر بوصلك
ميس ناظرته فتره: صاحي من زمان ؟!
شهاب : لي ساعه
ميس : تمام كلت ؟!
شهاب : اي
تقدم للطاولة واخذ منها فطيره وطلع قدامها رجعت للمطبخ وراحت لطلال همست باذنه بشي وطلعت
ميس بفضول : وش بتسوي بخصوص جواهر
شهاب سكت فترة يناظر الطريق : ماعليك بتصرف المهم تكون انت بعيد وبخير
ميس حركة رجولها : تمام
شهاب : متى يخلص دوامك !!
ميس : بيخلص تقريبا ١ونص ليه ؟!
شهاب ببرود : لان راجح اللي بيجي ياخذك
ميس سكتت اول ماوصلو : مع السلامه وانتبه لنفسك
راح شهاب تاركها وراه ميس حست ان حركته معها غريبه وانه مو شهاب المعتاد دخلت للشركة
فهد : صباح الخير ياجميل
ميس ابتسمت : هلا صباح النور
فهد : اخبارك
ميس : بخير
فهد ظل يناظر الباب : غريبه ماجاء معك شهاب
ميس : لا مارح يجي اليوم
فهد : اها فيك شي
ميس : لا مافيني شفيك ؟!
فهد : مدري وجهك اصفر مو طبيعي
ميس ابتسمت : لا لاتحاتي مافي شي
فهد تنهد عارف ان فيها شي وحالتها متغيره نهاية الدوام
فهد : اقول تميم عمك لمتى بيجلس عندك ؟!
ميس : مدري والله ماسالته بس على الاغلب يوم يومين ليه
فهد بتفكير : يعني فكرت انو نتجمع وكذا معاه
ميس : ان شاء الله بكلمه اليوم واشوفه
مشت بتجاه الباب بس وقفها صوته وراجح كان داخل للدور وسمع كلامه : تميم * ميس التفتت عليه * انتبه لنفسك وضعك مو عاجبني هالكم يوم
ميس : لاتحاتي انا بخير
فهد : من عرفتك وانت تقول انك بخير وتنقلب حالك
ميس لوحت له : مع السلامه
طلعت وحصلت راجح واقف ابتسمت له : هلا والله
راجح : هلا فيك
مشى وراها بخطوه التفتت له : ليه ماتمشي بجنبي ؟!
راجح : عاجبني وضعي كذا
ميس رفعت كتوفها
راجح * الكلام اللي قاله فهد ذا صح وضع تميم مو زين الصباح وجهه اصفر الحين وعيونه حمرا غريب وضعه هالتميم *
ركبو وتوجهو للبيت سمعت جوالها
ميس : هلا حمد
حمد : هلابك ياحلو وينك ؟!
ميس : بالطريق للبيت ليه ؟!
حمد : جد اجل مرني عندي موضوع ابي اتكلم معاك فيه شوي
ميس : تمام وين البيت ولا المحل
حمد : لا البيت ومنه نتغدا سوا
ميس : يلا اجل جايك بس بعطي عمي خبر وارد لك تمام
حمد : تمام
ميس سكرت منه : انتظر شوي راجح خفف
اتصلت على طلال
طلال : طيب بتتاخر ؟!
ميس : لا ساعه بالكثير وارجع دايخ بنام بس علشانه قال لي انو موضوع ضروري
طلال : اجل تمام انتبه لنفسك
ميس سكرت منه وبدت توجه راجح لبيت حمد كان البيت كبييير كانه قصر
راجح : بنتظرك هنا
ميس التفتت بتشديد : لا توقف تنتظرني ارجع ومتى ماقررت ارجع بتصل عليك
راجح ناظرها فتره : متاكد ؟!
ميس : اي روح ولا تحاتي
راجح : تمام
راح تاركها وراه اتصلت على حمد
حمد : يلا فتحت الباب ادخل
دخلت وسلمت جلست معاه وتغدو وبعد الغدا
حمد : وهذا اللي صار فا علشان كذا كنت بسالك اذا عمك بيروح نروح سوا اذا بيجلس خلاص خيرها بغيرها
ميس بتفكير : مدري والله بس بستشير عمي اكيد
حمد : تمام رد لي خبر قبل ال خميس علشان اجهز كل شي
ميس ضحكت : ليه عرس !
حمد بجديه : تميم انت فيك شي
ميس : لا يلا تاخرت على عمي وراجح ينتظرني برا
حمد : راجح ؟!
ميس : اي صح ماقلت لك هذا حارس وفيك تقول مرافق
حمد : اها تمام
طلعت من عنده للبيت وبالطريق
ميس : عمي وشهاب وين ؟!
راجح : استاذ شهاب طلع اما عمي بالبيت وقال بيطلع يمشي
ميس : اي تمام
نرجع لقبل لما رجع راجح للبيت
راجح : وهذا اللي صار وانا ملاحظ تميم متغير حاله لا من اكل ولا من تصرفات
شهاب : تمام اترك الموضوع علي
راجح : تامر استئذن
دخل عليهم طلال : شهاب ماطلعت
شهاب : لا بطلع الحين
طلال: وين تميم شوي ويجي نتغدا
شهاب : مايحتاج تغدو انتو عليكم عافيه انا اذا رجعت باكل اي حاجه
بعد ماوصلت
طلال كان داخل بنفس الوقت : هلا والله
ميس ابتسمت له وباست خده : هلابك عمي
طلال انتبه لتعابيرها : فيك شي ؟!
ميس : لا مافيني ليه
طلال : تمام تعال ندخل يلا
ميس دخلت معه للبيت وراحت لغرفتها على طول بدلت
ورجعت عنده
ميس : اكلت ؟!
طلال : لا جالس انتظرك
ميس : ليه كان كلتو
طلال : شهاب طلع وجلست انتظرك
ميس عقدت حواجبها : طلع ؟!
طلال : اي
ميس : تمام وش جدولك لليوم ومتى بترجع الرياض
طلال بضيق : مستعجله على رجعتي ؟!
ميس ابتسمت : لا بروح معك بس ابي اشوف متى بتروح
طلال بعدم استيعاب : تمززحين صح
ميس ضحكت من ردت فعله : لا والله ما امزح
طلال : يعني شالطاري عليك سنه مارحتي لها ؟!
ميس : اي اصلا هو فيه سالفة بس للحين افكر
طلال : وش فيه ؟!
ميس : حمد كلمني اليوم انه بيروح للرياض وانو نروح معه لان اخوانه هناك زي ماقلت لك
طلال بتفهم : اها الحين فهمتك مدري والله يمكن اليوم الليل اروح او بكرا على حسب موعد اللي حاجزه بدر
ميس : يعني اجي او لا ولو بجي مارح اجلس عندك
طلال : تعالي وعارف بتجلسين بالشقه
ميس : اي
طلال : خلاص دقيقه بس
اخذ جواله من الطاوله واتصل في بدر اللي كان نايم وفز من صوت الجوال
بدر بصوت ناعس : هلا يبه
طلال : بدر متى موعد رحلة رجوعي
بدر : الليل ٨
طلال : تمام يلا كمل نومك
سكر منه وشاف الساعه : باقي ٥ساعات وش نسوي فيها
ميس ابتسمت : شرايك نطلع نتمشى بالشرقيه
طلال حب الفكرة وبدلو علشان يطلعون
بجهة ثانيه كان يسوق بغير هدف
بالرياض
جاسر : شفت قلت لك فيه ان بالموضوع
مؤيد : يعني صدق هي الوحيده اللي تنقل له المعلومات
جاسر: اكيدد حتى اليوم جاتني بحجة انها بتسال بس ماسالت وراحت
مؤيد : خلاص عند شهاب الموضوع صار
جاسر : ماهو فيه مشكله ومشكله كبيره بعد
مؤيد استغرب : اللي هي ؟!
جاسر : تتوقع شهاب بدا يصير بارد تجاه تميم علشان مايصير له شي بما انو اكتشف ان مراد بهالقرب منه
مؤيد بتفكير : صادق اخوه لما كان صغير صارت له نفس القصه بس مع شخص ثاني كان مترصد لهم اثنينهم
جاسر : اي واتذكر اللي صار بوضوح بعد ماعرف شهاب ان فيه احد يراقبهم هو واخوه بدا يتجاهل اخوه ومايلتقي فيه لا بمدرسته الداخليه ولا حتى برا والمكالمات بالنادر يتصلون على بعض وكل التواصل اللي بينهم كان مجرد محادثات
مؤيد : اتمنى مايعيد نفس الغلط
بالدمام كانو بالمطار
طلال : خلاص اتصل علي بس تقرر انك بتجي علشان اجهز لك الشقه
ميس : تمام انتبه لنفسك وقول لبدر لايحاتي اقدر اعيش بروحي تعودت على الوحده
راجح كان واقف وراهم بعيد شوي بس يسمعهم
طلال قرص خدها : لاتقول تعودت على الوحده بزورك من فتره لفتره بس جهز غرفتي
ميس ابتسمت له : غرفتك موجوده دايم وانت عارف
طلال : اي يلا جاء وقت الطياره انتبه لنفسك
ميس ضمته : ان شاء الله وانت بعد
طلال ابتسم لراجح : انتبه له وانتبه لنفسك
راجح هز راسه بالايجاب
بالسياره
راجح : تميم عادي اسالك
ميس اللي كانت سرحانه وتناظر الطريق انتبهت له : اسال
راجح : انت من متى هنا بالدمام
ميس : لي سنه
راجح : ولا رحت للرياض ولا مره
ميس : فيك تقول اهرب من الرياض لان ذكرياتي كلها سيئه ولما التقيت شهاب بنفس الفتره صارت لي مواقف انجبرت فيها اترك الرياض واكي هنا
راجح بتفهم: اها اسف على سوالي
ميس ابتسمت : لاتحاتي ماصار شي
كملو طريقهم بصمت اول ماوصلو نزلت وطلعت المفتاح كان الجو بارد درجه الحراره ١١ شفايفها جفت كانت ترجف وهي تفتح الباب جاء من وراها واخذ المفتاح من يدها
راجح : ادخل برد الجو مره
ميس ابتسمت له : مشكور حتى انت ادخل برد عليك بالسياره
راجح : لما يجي استاذ شهاب
ميس تجاهلت كلامه ودخلت تاركه الباب مفتوح وراها : تعال مارح يجي
راجح عقد حواجبه :قال لك ؟!
ميس : لا بس مارح يجي
راجح دخل وراها بصمت اما هي دخلت ولبست تيشيرت وبلوفر وسروال صوف من البرد لبست كبوسها وهي تبتسم وتتذكر الموقف
الماضي
ميرفت : عزيزتي لقد صنعت لكي قبعه تحمي راسك
ميس بفرح : شكرا لكِ انها جميلة جدا
ميرفت : جميلة لانها تليق باميرة مثلكِ
الحاضر
خذت لحافها وطلعت برا ولعت النار وجلست عندها كانت تحس بتعب بعد ساعتين فزت بخوف من فتح الباب
دخل والتفت لها ماكان يتوقع يحصل احد قايم : سلام
ميس : وعليكم السلام
شهاب ببرود : ليه جالس بروحك وين عمك وراجح
ميس : عمي رجع الرياض وراجح قلت له ينام مو لازم يسهر على الفاضي
شهاب كان بيدخل وقفه صوتها
ميس بخنقه : شهاب
مشت لما وقفت قدامه وبضيقه : انا سويت شي يضايقك ؟! او شفت علي شي يضايق
شهاب مو فاهم كلامها : لا ليه
ميس بدت عيونها تسكر تكلمت بثقل : ليه تتجاهلني اجل ؟!
انهت جملتها وطاحت بحضنه ضمها على طول علشان ماتطيح مصدوم من اخر كلامها ولا على اللي صار لها الحين شالها ودخلها لغرفته