مرافق♥️ { مكتملة}

بارت ٢٧

شهاب ابتسم : تعالي
ميس ناظرته بستغراب وراحت للسرير وقف وغطاها باس راسها: تصبحين على خير ياروحي
ميس اكتفت ببتسامه غمضت عيونها بمحاوله للنوم بعد ساعه ونص فتحت عيونها وهي تتذكر كلام ابوها اللي مو مخليها تنام او تعيش عادي الا لما تعرف وش قصده بخصوص راجح ناظرت بجنبها ماحصلت شهاب وقفت طالعه من الغرفه سمعت صوت المويه بالحمام عرفت انه يتروش طلعت تمشي بالبيت ولاحظت الهدوء كان فيه صوت بالمطبخ نزلت للدور اللي تحت ودخلت للمطبخ
الطباخ : هل هنالك شيئ تحتاجينه سيدتي ؟!
ميس ببتسامه: اريد حليب دافئ
الطباخ: حسنا سوف اجلبه لكِ
بعيد عنهم ببيتهم
مويد بعدم تصديق : تمززح صح ؟!
راجح هز راسه بيئس : ليتني امزح والله
مويد : راجح يعني بتقول لها بعد هالسنوات
راجح: مويد انا تعبت وانا اشوفها بعيده عني كذا
تنهد مويد بقله حيله: طيب بتقول لعمها اكيد صح
راجح بتفكير : مدري للحين
مويد بضحكه وتخوف من الجاي:لاااا هذا الشي لازم تقوله لعمها ولشهاب متعب ممكن يكون عادي يعني بس شهاب مستحيل يتقبل قربك منها وهو مايعرف وش العلاقه اللي تربطكم
راجح اللي كان ساند راسه على السرير : مويد تكفى لاتصعب علي الامور
مويد وقف : قوم معي يلا
راجح بستغراب: وين ؟!
مويد : لمتعب
راجح بصدمه: تمزح صح وش اسوي عنده
مويد : راجح قوم بسرعه ولاتراددني
راجح بنبره غريبه استغربها مويد: ترا انا الكبير للحين لاتتهور بكلامك
مويد ضحك وقرب من اخوه : يارووووح اخوك انت والله يالكبير ماعليك للحين انت الكبير بس لو اتركك كذا تضيع الدنيا تسمع قوم يلا بتصل عليه انا الحين
طلع مويد وماترك لراجح اي فرصه يتكلم
مويد وهو متوجه لسيارته
متعب : هلا والله
مويد : وينك ؟!
متعب ؛ بالبيت ليه ؟!
مويد : فاضي عندي موضوع ضروري اتكلم معك فيه
متعب ناظر الساعه: اي عادي
مويد : يلا بس مسافه الطريق ونكون عندك
سكر منه وركب بالسياره ينتظر اخوه طلع راجح وكانه متردد ركب بالسياره
راجح : مويد خايف
مويد ابتسم بحنيه ومسك يد اخوه : لاتخاف بتكونون قريب كذا وماحد رح يبعدها عنك
راجح تنهد وسند راسه على الكرسي
توجهو لبيت متعب
نرجع لبيت شهاب
شهاب طلع من الحمام وشاف السرير فاضي استغرب وين بتروح يمكن راحت للحمام بغرفتها بدل وتعطر وللحين ماجات طلع يدورها وانتبه لباب البيت اللي كان مفتوح وانتبه للطباخ معه كوب الحليب
شهاب : انتظر
الطباخ رفع راسه للدرج : سيدي
شهاب : اين الانسه ؟!
الطباخ: بالخارج لقد طلبت مني صنع الحليب الدافئ
شهاب اخذ الكوب منه : شكرا لك بامكانك الذهاب للنوم
طلع وشافها جالسه وعليها شالها تناظر السماء سمعت الخطوات وراها التفتت
ميس بخجل : اسفه طلعت بس
شهاب قاطعها : ليه تبررين ماله داعي
مد عليها كوب الحليب
جلس بجنبها بعد ثواني حط راسه على رجولها بدت تلعب بشعره
شهاب : ميس كيف كنتي تعيشين قبل اتعرف عليك ؟!
ميس ببتسامه وهي تسترجع ذكرياتها الحلوه : امم في مثل هالايام كنت اطلع انا وميرفت لحديقه البيت ونسوي الحليب ونسولف بقصص وايش صار بيومي لما كنت اداوم
شهاب بتذكر : صدق ايش كنتي تداومين فيه قبل تنتقلين للشركه
ميس : فيك تقول مديره حسابات بس بشركه صغيره كانت للتصدير الخارجي
نروح منهم لبيت متعب وصلو
متعب كان عند الباب استغرب وجود راجح مع مويد بس انه مسوول عن ميس يمكن فيه شي يخصها
مويد سلم عليه وبعدها سلم على راجح
مويد : اعرفك اخوي راجح
متعب بستغراب ناظرهم فتره : اخوك ؟!
مويد ضحك على ردت فعل متعب : اي اخوي بس ماعرفتك عليه صح المره اللي راحت
متعب : حياكم
دخلو وجاب لهم القهوه وجلسو
متعب : اي قلت تبيني بموضوع مهم
مويد ناظر راجح فتره: بصراحه الموضوع يخص راجح
متعب استغرب : تكلمو ايش فيكم ترا بديت اخاف
راجح : امم بالبدايه كنت ابقول
نروح منهم لشهاب
شهاب ببتسامه : وجابك ربي لي هديه
ميس لعبت بشعره وهي تبتسم مسك يدها وباسها غمض عيونه بعد ماحس ان وجودها بجنبه يفيده كثييير ويريحه
ميس : ندخل برد الجو وانت مو لابس شي دافي ؟!
شهاب وقف ومسك يدها دخلو سوا
نرجع لمتعب
متعب بعدم تصديق : يعني انت ؟!
راجح برتباك : اي
متعب بصرخه وعتب : ليييه ماجيت من اول وانا من وصلت للسعوديه ادورك بكل مكان
راجح عقد حواجبه بستغراب مو فاهم
متعب اخذ نفس : اسمع بقول لك اخوي ارسل لي رستله وحده من سافرت الى توفى الله يرحمه كانت عنك ويوصيني لما ارجع ادور ميس واخذها عندي وحكى لي عن ايش العلاقه اللي تربطه فيك واني ما اتركك بروحك واخليك ترجع عندنا
راجح ابتسم: الحمدلله
متعب : بس لازم ميس تدري
راجح : فيك تقول عرفت جزء من الحكايه
متعب: لاتتكلم بالالغاز قول وش صار
راجح حكى له عن اللي صار بالمستشفى : وهذا اللي صار قلت لها بكلمك بعدين بالموضوع
متعب وقف وبدا يمشي رايح جاي بتفكير : بكرا لازم بكرا تتكلم معها دقيقه
اخذ جواله واتصل عليه
عند ميس وشهاب
كانو بغرفتهم وبالاصح بالسرير شهاب كان ضام ميس له وفز على صوت الجوال بنزعاج
شهاب فتح الخط بدون مايشوف من بنزعاج : الو
متعب : الو شهاب
راجح ناظر مويد بعدم تصديق بقصد وش يسوي هذا
شهاب : هلا متعب
ميس اللي كانت هاديه بحضن شهاب واستغربت اتصال عمها بهالوقت
متعب : شهاب بقول لك بكرا راجح يبغى يجي يكلم ميس بموضوع وياليت تخليه تمام ولاتستعجل بس يخلصون اعرف وش صاير تمام
شهاب استغرب الطلب وبالاصح ماعجبه: همم طيب
سكر متعب
ميس بتسغراب : ايش فيه؟!
شهاب : مدري يقول بكرا راجح يبي يجي يكلمك بموضوع ضروري
ميس كانت شبه نايمه فتحت عيونها بثقل مو مستوعبه كلام شهاب اللي رجع ضمها له وطلب منها تكمل نوم
اليوم الثاني
صحى وكان يلبس ثوبه ميس صحت
ميس : وين ؟!
شهاب : الدوام عندي اجتماع مهم يحتاجوني فيه كمدير للشركه  ارتاحي انتي بجي بوقت الغدا واخذك نطلع نتغدا
ميس رجعت غطت نفسها وكانها تذكرت شي فزت بتذكر : شهاب متى بيجي راجح
شهاب كان يعدل ازرار ثوبه ومو عاجبه الوضع ولا اهتمام ميس في الموضوع بزياده : مدري تعالي نفطر يلا
بعد ما انتهو ودعت شهاب بحيث راح لدوامه وهي ظلت بالحديقه بما انو الجو حلو
بشقه راجح
مويد بطفش : راجح ترا من رجعنا من عند متعب وانت كذا اجلس ياخي ريح بالك صدقني رح تتقبلك و
راجح قاطعه بضيق : بس يامويد هي ممكن ماتتقبلني كا اخ يعني شوف فرق السن
مويد وقف ومسك يد اخوه : تعال اجلس تكفى بتجنني الساعه كم الحين
راجح شاف الساعه وبنفس اللحظه دق جواله فز : مويد تتصل
مويد ضحك : وش فيك كانها حبيبتك وخايف منها
راجح عطاه نظره : مو وقتك ابد
مويد ضحك : طيب طيب رد
راجح : الو
ميس : صباح الخير
راجح : صباح النور
ميس : راجح انا فاضيه الحين تقدر تجي ولا ؟!
راجح بنفي : لا لا فاضي يلا جاي الحين
سكر والتفت لمويد : تعال معي
مويد ماقدر يمسك نفسه وانفجر ضحك: اقول روح روح
راجح اخذ نفس وشرب كوب المويه اللي كان بالطاوله وطلع متوجه للقصر وقف برتباك مو اقل من ارتباك ميس وخوفها من الجاي دخل وانتبه لها جالسه بالحديقه
راجح : السلام عليكم
ميس وقفت لما شافته جاي : وعليكم السلام
راجح ببتسامه باهته: اخبارك
ميس : بخير تفضل
جلس راجح وهو مرتبك
ميس : تقدر تقول الحين ايش السالفه
راجح يناظر يده اللي شوي ويقطعها من كثر مايشابكها ويحكها : بالاول اوعديني انو اذا خلصت كلامي ماتتركيني وتدخلين داخل
ميس استغربت طلبه : اوعدك
راجح : واوعديني ماتتركيني ابد
ميس بدت تشك بالوضع من الوعود : راجح ايش فيه
راجح : اول اوعديني واتكلم
ميس خذت نفس : اوعدك قول
راجح : بصراحه ياميس انا اكون قريب لك
ميس بعدم فهم : من اهلي ؟!
راجح : ميس  بقول لك قصه امي تزوجت ابوي وجابتني بعدها صارت مشاكل بينهم وانفصلو انتركت مع ابوي وامي تزوجت من شخص من عايله كبيره سمعه واموال ومناصب ابوي كان من العايلات المتوسطه
ميس بتاكيد وتبيه يكمل : طيب
راجح : بيوم تعبت وخذوني للمستشفى امي ماستحملت وجاتني المستشفى طلع عندي مرض بالقلب اذا مازرعو لي قلب يناسبني رح اموت كان عمري وقتها ١٣ وخلوني بالمستشفى جاء زوج امي وامي واجرو التحاليل ابوي تزوج بعد امي وماصار يهتم فيني زوج امي اللي كان يهتم فيني ويداريني تطابقت التحاليل مع زوج امي وطلب النقل ررفضت انا بصفتي المريض امي رفضت بعد لان كان عندهم طفل وماتبيه يخسر ابوه وامه طلبت تقدم باوراق صار عمري وقتها ١٥ لما صار لامي وزوجها حادث بنفس اليوم اللي بلغوني قالو لي انه وصل لي قلب قبل كم يوم اجريت العمليه بدافع اني رح اكون بخير واخذ الطفل يعيش عندي دخلت بغيبوبه بعد مااجريت العمليه صحيت من الغيبوبه وانا عمري ١٩
رفع راسه يشوف تعابير ميس اللي كانت متلهفه يكمل كلامه : طيب
راجح : لما صحيت شفت عمي طلال وهو اللي كان مسوول عن حالتي وحالة امي وزوجها وطفلتهم سالته عن الطفل قال لي انها بنت وطلعت من المستشفى بس صحت وان زوج امي هو اللي تبرع لي بقلبه
ميس كانت ماسكه شهقاتها وعيونها مليانه دموع ماقدرت تكمل تسمع قاطعته : يعني ؟! انا هذي الطفله وانت اخوي وابوي هو اللي
راجح هز راسه بالايجاب : اي ابوك تبرع لي بقلبه وصح انا اخووك من امك
ميس وقفت تحس الدنيا تدور فيها وراسها يالمها التفتت ناظرته وبنبره مليانه عتب وحزن : وين كنت ؟!
راجح ناظر الارض : عارف مالي وجه اواجهك فيه بس اني من بعد ماطلعت من المستشفى كنت اراقبك من بعيد كنت اشوف مراد يجي ويروح وهو ولد عمك كنت بحاله خوف من تقبلك لي وكيف رح تكون ردت فعلك لما تعرفين عن نقل القلب وتكرهيني
ميس بنفي : لا
وقف راجح بيمشي وقفه صوتها : بتتركني اليوم بعد ؟!
راجح التفت وكانت تعابيره كله تدل على الندم والضيق تكلم ببحه : ميس تسامحيني
ميس ضحكت وسط دموعها : كيف ما اسامحك وانت اخوي وابوي
راجح قرب منها وضمها اما هو دخل بالسياره وانتبه لهم انصدم بس قرر مايتهور كالعاده وقف السياره ونزل
وتوجه لهم
ميس بعدت عن راجح وهي تمسح دموعها شافت شهاب جاي ابتسمت تعرف انه الحين يفكر الف فكره عنهم وكيف كان وضعهم
ميس : بتركك مع شهاب تحكي له عن علاقتك فيني بسوي قهوه واجيبها
راجح كان يناظرها ومايبيها تبعد عنه لحظه طول عمره كان يراقبها من بعيد مو قادر يقرب منها يضمها يكون الكتف اللي تستند عليه : طيب
جاء شهاب وجلس بدا راجح يحكي له الحكايه
شهاب بتعجب : والله الدنيا غريبه شوف كيف تفرق وتجمع
راجح : من جد شهاب انا اسف لو ماقلت لك من قبل بس كنت خايف
شهاب ضحك على تفكيره اللي كان يفكر فيه وان راجح يحب ميس ويبغى ياخذها منه وبستيعاب وميس كانت جايه معاها اكواب القهوه : بس انت اخو مويد صح ولا فيها شي ذي
راجح ضحك على تفكير شهاب : لا انا اخو مويد من اب واخو ميس من ام
شهاب بتعجب : غريب من كنا بالمتوسط سوا ولا قد تكلم لي عنك
راجح : اي لاني كنت بعيد ووظيفتي بعيده
شهاب بتفهم: اي فهمت الحين
مر الوقت وراجح كل ماتكلمو يناظر ميس بحب وشوق لها اخته وانحرم منها وبنفس الوقت قلب الاب بداخله