مرافق♥️ { مكتملة}

بارت ١٨

بعد رجوعهم بيومين
متعب : ماتبغين نروح للبيت احسن
ميس هزت راسها بالنفي : لا مابغى اروح بجلس هنا
متعب بتامل للمكان : هنا سكن اخوي واهله يعني
ميس ابتسمت : سكنا ب ٦ بيوت وهذي الشقه اللي تركها ابوي لي واللي مايعرف مراد عنها اي شي
متعب بستغراب : كيف مايعرف
ميس : لانها مسجله باسم ابو سماح
متعب بستغراب : من ابو سماح ذا
بدت تحكي له حكايه ابو سماح
نروح لشهاب ببيته
كان واقف مبتسم يناظرها جايته
وفاء ضمته بقوه رعيونها مليانه دموع : اشتقت لك ياروحي
شهاب ضمها : الحمدلله على سلامتك ياروح اخوك
حازم تقدم منهم وسسلم على شهاب : شخبارك شهاب
شهاب اول مره يبتسم لحازم لدرجه انصدمو اثنينهم منه : بخير وانت عسى مازعلت حلوتي
حازم : لا مازعلتها قلت لك بعيوني ما ازعلها
شهاب : يلا ادخلو حياكم
حازم بتذكر : لا انا لازم استئذن الحين بروح للشركه عندي اوراق لازم استلمها ووفاء اصرت علي تجي عندك لما الليل فا اترككم وبرجع الليل
شهاب بتاكيد : بتتعشاء معنا ترا
حازم لوح بيده وراح
وفاء ضمت اخوها : الشوق تعدى حدوده
شهاب : يلا تعالي ندخل نتكلم داخل
بعد ساعتين
وفاء ببتسامه : ايوه اخذت اخباري عطني اخبارك وش سويت وش ماسويت وش تسوي بالدمام اذا توك راجع
شهاب ببتسامه: امم ذكرتيني بقول لك سالفه بس لاتقاطعيني
وفاء بحماس : تكلم
شهاب بدا يحكي لها السالفه وهي تستغرب مرات وتنصدم مرات : ولما جاء بعده بيوم قررت اني ببتعد عنه وقلت له اني مارح اجيبه من الدوام وان راجح بيجيبه
وفاء بتشوق : طيب ؟!
شهاب : رجعت للبيت حصلت طلال جالس ينتظرني
نرجع لليوم اللي وصل فيه شهاب ميس وقال لها ان راجح رح يجي ياخذها
شهاب فتح الباب ودخل انتبه لطلال اللي جالس
شهاب : سلام
طلال ببتسامه : وعليكم السلام تعال اجلس شهاب
شهاب بستغراب جلس ينتظر طلال يتكلم
طلال : شهاب لو اقول لك شي عن تميم بيصدمك رح تتركه ؟!
شهاب : مافهمت
طلال : تميم فقد اهله وفقد عمه اللي كان شبه توام روحه مع ان الفارق بالسن كبير فقد مربيته مايتحمل فقد شخص ثاني فا بقول لك اللي عندي بس بشرط توعدني
شهاب للحين مو فاهم شي : وش ؟! ترا الى الحين مو فاهم كلامك ولا قصدك
طلال : اوعدني ان بعد اللي بقوله انك رح تبقى مع تميم واذا مارح تبقى معه تروح من الحين ولا عاد اشوفك حوله ثاني مره
شهاب انصدم من كلام طلال وتركه يكمل
طلال كمل كلامه : تميم بنت
شهاب تغيرت ملامحه وبعدم تصديق وببتسامه : ها تمزح معي ؟!
طلال : لا ما امزح
شهاب ظل ساكت
طلال : ميس بنت عانت بحياتها كثير وكانت تهرب من ولد عمها واهل ابوها وعلشان تختفي منهم لازم تمثل شخصيه غير شخصيه غير شخصيتها يكفي اللي صار لها في حياتها هذا اللي عندي لك اتمنى اذا ناوي تتركه من الحين تروح
قبل وصول ميس
طلال : مارح تبقى
طلع شهاب بدون مايتكلم
طلال توقعت هالشي يصير مارح يتحمل اللي صار
شهاب اللي طلع وركب السياره بعصبيه بنت ؟! بنت لييه بعد ماكان يعتبر ان اخوه رجع للحياه تطلع بنت بس فيها شبه من امي عيون امي واخوي بعد تفكير وصراع
لازم ارجع واخليها لي ومن نصيبي
نرجع للواقع
بعد ما انهى كلامه لسالفه الزواج
وفاء بصدمه : كل ذااا صار وبالنهايه تميم يطلع بنت واسمها ميس يالله يا اخوي كيف متحمل
شهاب: احبها
وفاء مسكت وجهه : وانا مارح اتركك ورح اروح ازورها
شهاب بتسرع : لا للحين شخصيتها تميم عطيتهل مهله لليل تعطيني قرارها اذاا رح توافق رح ترجع ميس ونتزوج
وفاء بضيق : فيه ناس يعانون كذا ؟!
شهاب سكت فتره وتكلم بقهر : لو كنت اعرفها من قبل ماتركتها تسوي بنفسها كذا
وفاء : ياقلبي لاتحاتي ان شاء الله تكون من نصيبك بس عادي اسالك سوال
شهاب ناظرها : وش ؟!
وفاء بتفكير : ما اتوقع بنت توافق تتزوج بهالسرعه من شخص كذا شهاب فيه شي صاير وانا ما اعرفه ؟!
شهاب : فيك تقولين ان عىهذا الزواج طلبته منها كلعبه قدام ولد عمها علشان ينساها
وفاء بصدمه : يعني ماقلت لها انك تحبها
شهاب بتحذير : ماقلت لها ومابي اجبرها على شي هي ماتبيه ويويلك تجيبيني لها طاري
وفاء بستسلام : اللي تشوفه ياخوي
بشقه عند ميس
متعب يلعب بشعرها : ميس
ميس بهمهمه : همم
متعب : انتي متاكده انك تبين هذا الزواج
طلال قاطعه : قالت لك تبيه خلاص
متعب عطاه نظره : اذا فيك شي قولي لي انا ابوك قبل اكون عمك كل ما احاول اصحح اللي صار من قبل ترفضين
ميس : ياعم والله مايحتاج تعوض عن شي يكفي انك عندي الحين ومعي
متعب باس راسها : باقي شوي ويجي شهاب ياخذ اجابتك روحي اتسعدي
ميس راحت لغرفتها ووقفت قدام المرايه تشوف نفسها وبضيق ليتك معي يمه وينك يبه تجي تشوف بنتك وينكم عني وعن قلبي اللي تاه من بعدكم اشتقت لكم واشتقت لكل شي معاكم
* بدت دموعها تنزل قرب من وراها وضمها *
متعب حس بضيق الدنيا : ليه ليه هالدموع
ميس لفها له ودفنت نفسها بحضنه : اشتقت لابوي وامي تمنيتهم معي
متعب الله يرحمهم وينك ياخوي ليه تتركنا كذا : خلاص ياعيوني الميت مايجوز عليه الا الرحمه
ميس : الله يرحمهم
سمعو صوت الجرس غسلت وجهها وطلعت لهم بفتسان من فساتينها جلست معاهم
شهاب : اخبارك ميس
ميس : بخير وانت
شهاب : بخير
ميس رفعت راسها وناظرته فتره هز راسه بالايجاب وتكلمك : شهاب انا موافقه
شهاب ببتسامه : تمام تقدرون تحددون موعد الزواج والملكه واختي وفاء رح تجيك تسالك عن كل ماتحتاجينه
ميس اكتفت بالصمت كعلامه موافقه بعد مرور شهر من اختفى مراد وتخطيط لزواج ميس بيوم الزواج
الجد : يابنتي متاكده انك بخير
ميس ابتسمت : اي بخير ياجدي بس مرتبكه شوي وخايفه
الجد بحنيه : لاتخافين ربي بيرزقك على قد نيتك
ببيت حازم
كانت ترتب ثوبه : حبيبي
حازم اللي كان منهمك بالاب : عيونه
وفاء : بقول لك عادي لو اروح اليوم اجلس عند ميس واجهزها تعرف زواجهم اليوم
حازم ناظر الساعه : الساعه ٤ الفجر
وفاء : ادري بس تعرف لازم العروس من الصبح تكون صاحيه وتتعدل لزواجها
حازم : تمام فهمت روحي تجهزي يلا علشان اوديك
وفاء بحب : مشكووور حبيبي
حازم ابتسم على حماسها اما وفاء اتصلت بشهاب
شهاب اللي كان نايم فز بخوف من رنت جواله : الو
وفاء باحراج : اسفه صحيتك !
شهاب بثقل : لا عادي كم الساعه
وفاء : ٤ الفجر
شهاب عقد حواجبه : فيك شي زوجك فيه شي ؟!
وفاء بنفي : لا لا الحمدلله مافينا شي بس بقول لك ابي رقم ميس كل مره باخذ رقمها انسى
شهاب بستغراب : ليه ؟!
وفاء بنغزات : تغار !!
شهاب بصدمه: اغار اغار من ايش بس كنت اقصد ليه
تبينه هالوقت
وفاء : بروح لها
شهاب زاد تعجبه : يوه مارح تفهميني
وفاء:: مارح تفهم اكيد لاني كنت بيوم زواجي عند اهل حازم الحين لازم احد يكون مع العروسه ويهتم فيها وبعدين علشان كذا
شهاب : طيب طيب بتصل عليها
وفاء : لييه ؟!
شهاب : بشوف صاحيه ولا لا
وفاء : اقول هات رقمها ولا لك شغل بكرا سو اللي تبي
شهاب عطاها الرقم وسكر منها اما وفاء على طول اتصلت بميس
ميس اللي كانت جالسه مع عمها وجدها دق جوالها
متعب بستغراب : من بيتصل عليك هالوقت
ميس ناظرت الجوال : رقم دقيقه الو
وفاء : اهلين ميس
ميس : هلا مين ؟!
وفاء : انا وفاء اخت شهاب
ميس : يا اهلن
وفاء : بختصر الموضوع رح تنامين ؟!
ميس ناظرت متعب اللي مو فاهم شي: لا ما اتوقع ابدا
وفاء بحماس : تمام طيب عادي اجيك
ميس بستغراب : تجيني
وفاء : يب اليوم زواجك وابي اكون معاك من الصباح للمساء لما تروحين لعند زوجك
ميس انحرجت : تمام مو مشكله
وفاء : يلا جايتك الحين انتظريني
سكرت منها والتفتت لمتعب وجدها
متعب : من ؟!
ميس : اخت شهاب تقول تبغى تكون معي اليوم كله علشان تجهيزي
متعب بتفكير : والله تسوي خير تساعدك وتكون بجنبك
ميس : بتجي الحين
متعب بستغراب : الحين
ميس ضحكت : اي
متعب وقف : يلا يبه نترك البنات بروحهم
ميس مسكت ثوبه وكانت نظراتها كفيله بانه يفهمها
متعب : رح اكون تحت لحتى تجي تمام كذا
ميس هزت راسها بالايجاب اول ماطلعو بدت ترتب المكان كله
بعد دقايق وصلت وانتبهت للسياره عرفت اللي فيها قربت منه
وفاء : متعب صح ؟!
متعب التفت لانه كان واقف وابوه بالسياره نايم : هلا اي
وفاء : ميس وين ؟!
متعب : فوق
وفاء التفتت للي واقف وراها : شهاب ارسل معي حارس لانه حسب حساب انكم بتروحون من الشقه ورح تتركونا
متعب التفت له وبتذكر : قد شفتك انا بمكان
تقدم منه ومد يده : راجح كنت حارس تميم قبل يكون مويد
متعب بتفهم : ايي تذكرتك تمام اجل
وفاء : باي دور ؟!
متعب فتح الباب : يبه
الجد فز : وش
متعب : بروح اوصل اخت شهاب لميس وبجي
الجد : تمام لاتطول
اما قبل مده لما طلع متعب وبدت ترتب دق جوالها
ميس : هلا
شهاب : كيفك
ميس : بخير
شهاب : اسف على لقافه وفاء
ميس ببتسامه: بالعكس كنت محتاجه احد يكون معاي بهاليوم
شهاب : تحتاجين شي ؟! اخليها تجيبه
ميس : لا مايحتاج
شهاب : تمام انتبهي لنفسك وطمنيني بس توصل لك وفاء
ميس : اوك
نرجع للواقع
وفاء صعدت مع متعب اللي دق الباب وانتظر ميس تفتح دقايق فتحت الباب واستغربت
ميس : عمي ؟
متعب بعد عن الباب : جات ضيفتك
وفاء قربت بسرعه وضمة ميس : اهللللين ياروحي انتي
ميس تفاجئت بس ابتسمت
متعب ناظرها وهمس : بروح انا وبترككم
ميس هزت راسها بالايجاب وسمعت جوالها يدق راحت وفتحته على طول
مراد اللي كان جالس بالمكتب : اذا الزواج هذا تم انسي شهاب وانه يكون بحياتك بيوم من الايام واهنيك انك بتكوني ارمله قبل يكون زوجك
ميس اسودت الدنيا بعيونها وبدا تنفسها يثقل