مرافق♥️ { مكتملة}

بارت ١٢

صحت اليوم الثاني بدلت وجهزت نفسها لبست بلوزه بكم قصير بيضاء وجنز ومعاه جكيت لونه رمادي عدلت شعرها وتعطرت وخذت شنطتها طلعت شافته لابس ثوبه وعطره المميز موجود ريحته
شهاب ابتسم لها : صباح الخير
ميس : صباح النور
راجح : كل شي جاهز نمشي ؟!
ميس : ايي يلا بس دقيقه
طلعت جوالها واتصلت عليه
حمد : هلا والله بهالصوت
ميس ابتسمت : هلابك وينك ؟!
حمد : مشيت قبلكم معي الوالده تبي تشوف العيال وقالت بتروح معي وانتو ؟!
ميس : الحين بنمشي
حمد : عطني شهاب
ميس استغربت وناظرت شهاب اللي استغرب نظرتها له : شهاب ؟!
مدت الجوال له : هلا والله
حمد : هلابك شهاب اسمع انتبه لتميم بالطريق تراه مو راعي طرق واعرف انك شخص قريب منه وتخاف عليه بس تميم عنده خوف من الطرق علشان كذا خليك معه ولاتحسسه بالطريق
شهاب : تمام مشكور
ميس بستغراب : شيبي فيك !!
شهاب ابتسم : يقول انتبهو للطريق
ميس حست انه يكذب وركبو السياره هي وراء وراجح يسوق شهاب بجنبه مشو لما طلعو من الدمام ووصلو قريب منطقه ومحطه
راجح : بوقف اعبي بانزين اللي يبي الحمام او يبي البقالة
ميس هزت راسها بالايجاب نزلو ميس وشهاب اما راجح راح لمنطقه البانزين
ميس كانت تناظر الحمام بخوف ماتبي تروح وخايفه تقول لشهاب يروح معها وتجيه تساؤلات عليه
شهاب ناظرها وتردد : تعال نروح
ميس : لا عادي بقدر اروح لحالي
شهاب : من قال لك اني رايح علشانك
ميس اول مادخلت كان فيه ٢يناظرونها مانتبهت لهم التفت شهاب لهم بنظره انتبه لهم يتهامسون
ميس اخيرا حصلت حمام نظيف دخلت وقف شهاب عند الباب ينتظرها لما خلصت طلعت وانتبهت له واقف
ميس : مارحت ؟!
شهاب : لا غسلت وجهي بس
ميس بتفهم : تمام
مشو بجنب بعض لما طلعو ماحلصو راجح لانه لسه ماخلص شهاب تلفت حوله
شهاب مسك يدها ومشى : تعال نشوف شي من السوبر ماركت ناخذه لنا
ميس مسكت يده واكتفت انها تمشي معه اللي يشوفهم يقول انو اخ واخوه الصغير بسبب فارق للطول بينهم والشكل اول مادخلو للسوبر ماركت
شهاب ناظر المكان : وش تبي
ميس ناظرت المكان بعدم اهتمام وبروح اجبر شهاب انه هو اللي يروح للممرات لما تحصل اللي تبيه وقفت عند الحلويات وهو ما انتبه لها بس لما مشى عنها شدت يده التفت بستغراب وظل يناظر باللي واقفه عنده
شهاب : تبيه ؟!
ميس رفعت راسها : عادي ؟
شهاب ابتسم واخذ منه ٤ حبات
ميس رجعت تمشي معاه وكل ماشافت شي توقف عنده وشهاب يفهم عليها وياخذ منه اللي تبي كان فيه واحد وزوجته يناظرونهم
الزوجه بحب : شووف ضعهم كيف
الزوج ابتسم : اي
الزوجه ناظرت اللي ببطنها : يارب يكونون مثل كذا
بعد ما انتهو من الحساب طلعو وهم متشابكين باليد
واجح وقف قدامهم ونزل من السياره ميس خذت الاكياس من شهاب وراحت قبلهم للسياره
شهاب وقف مع راجح : بروح انا وراء
راجح : تمام بشتري لي حليب واجي
ركب شهاب بجنبها استغربت بس حاوطها بيده وقربها له : نام شوي على مانوصل
ميس كانت بتبعد بس صدق كانت تحتاج النوم سكتت وغطت بنوم العميق ركب راجح وكملو مسيرتهم للرياض
بالرياض
طلال اول مادخل البيت انتبه لهم جالسين بالمجلس
دخل وجلس
بدر : ياهلا والله يبه
طلال : وش عندكم
معاذ دخل : انا جايهم
طلال التفت ببتسامه : ياهلا والله
راكان : انا وابوي طفشنا بالبيت قلت نجي لبدر
طلال : حياكم البيت بيتكم ببدل واجي
اول ماطلع طلاال وقف بدر ولحقه
بدر : يبه
طلال لف له : شفيك؟!
بدر : يبه ماقلت لي متى بيجي تميم ووين بيجلس
طلال : بيجلس عند صاحبه وتحصله الحين بالطريق
بدر : تمام
رجع للخيمه اما طلال دخل للبيت
وداد ام بدر : ياهلا الحمدلله على سلامتك
طلال عطاها الشنطه اللي بيده : يسلمك ربي
وداد : اجهز لك الفطور ؟!
طلال : لا بس بنام انا وهاك
وداد استغربت وش بيعطيها طلع جواله : اذا اتصل تميم هو الوحيد اللي صحيني علشانه
وداد هزت راسها بالايجاب طلال صعد لغرفته وبدل ثايبه
طلال * وداد للحين ماسالتني عن علاقتي بتميم * قطع حبل افكاره صوت الباب
وداد ابتسمت له : ادري ان فيه سوال يدور ببالك انو ليه ماسالتك عنه مارح اسال لاني اعرفك عدل وعارفه انو تميم ذا معك من ٨ سنوات يعني اعتبرك انك مربيه
طلال ابتسم : طول عمرك تفهميني وتفهمين اللي يدور بعقلي
وداد : يلا ارتاح
بهاللحظه دق جواله رفعته له
طلال شاف الاسم ورد : هلا
ميس بصوت مليان نوم : يبه صحيتك ؟!
طلال : لا ياعيوني قول شفيك ؟!
ميس : كنت بقول لك باقي ساعه على وصولنا فا ريح نفسك ونام اكيد جاي من دوام
طلال ابتسم : تمام بس اذا وصلت عطني خبر تمام او رن علي رنه 
ميس : ان شاء الله ياعم
سكرت منه وناظرت اللي ساند راسه على كتفها ابتسمت لا ارادي
بعد ساعه وصلو للرياض
ميس مسكت وجهه : شهاب شهاب قوم
شهاب فتح عيونه بنزعاج : همم
ميس : قوم وصلنا
شهاب اكتفى بانه يتثاوب ويرجع يسكر عيونه
راجح : وين الوجهه
بهاللحظه شهاب فتح عيونه وناظره : برسل لك الموقع
بدو يدخلون بالرياض ويتعمقون لما وصلو لقصر كبيير دخلت السياره ووقفت عند الباب بعد مده من مسيرها بين الشجر والمساحة
ميس كانت تناظر بالمساحات نزلو من السياره
كبير الخدم : الحمدلله على السلامه استاذ شهاب
شهاب كان بيتكلم بس تفاجئ باللي نقز عليه يضمه مسكه : وجع شفيك ؟!
جاسر ابتسم : الحمدلله على سلامتك
شهاب عطاه نظره : يعني الواحد مايقول لكم انه جاي ؟!
مؤيد طلع من المجلس : الحمدلله على سلامتك جينا قلنا نستقبلك على وصولك
جاسر التفت للي وراء شهاب وابتسم : اووه تميم اخبارك
ميس : بخير وانت
جاسر بستغراب ناظر شهاب اللي التفت لها : تميم جيب اغراضك اللي تبي من السياره علشان ادلك على غرفتك
ميس هزت راسها بالايجاب لانها عرفت مايبيها تكون موجوده بهاللحظه
اول ماطلعت التفت شهاب والشرار بعيونه : يويلك تتكلم معه بشي
جاسر ابتسم ابتسامه جانبيه ورفع يده : اوه اوه استاذ شهاب لاتخاف جايين حمايه انا ومؤيد
شهاب عقد حواجبه : من ؟!
مؤيد تكلم : صح راجح معكم بس ماندري عن مراد يسوي شي مو بيدنا
سكتو لما دخلت
مؤيد ربت على كتف شهاب : يلا احنا بنستئذن الحين انتبهو لنفسكم *مشى بتجاه الباب بس وقف قدام ميس* الحمدلله على سلامتك وان شاء الله نكون اصحاب كويسين
ميس اكتفت ببتسامه
طلع جاسر وراء مؤيد بعد ماقال لميس نفس كلام مؤيد
بالسياره
مؤيد : مراد شيبي في تميم اموت واعرف شكله مو راعي مشاكل ولا راعي حركات
جاسر : قلت نفسك بس مدري ليه
نرجع لقصر شهاب
مشى شهاب وهي تمشي وراه وصل للجناح وفتحه : بتكون غرفتك
ميس : مشكور
شهاب : يلا ريح اذا كنت تبي نروح لاخوياك
ميس ناظرته : بتروح ؟!
شهاب : ماتبي ؟!
ميس بنفي : لا ما اقصد كذا اقصد انو استغربت انك بتروح معي بس
شهاب تركها ومشى بتجاه جناحه
الساعه ٥ العصر
كان جالس ببيته توه صاحي فتح الجوال ماحصل شي بدت الافكار توديه وتجيبه خاف اتصل عليها رن مره ومرتين وردت
ميس : هلا والله
طلال بغضب : وينك انت ؟!
ميس تذكرت وضحكت : والله اسف
طلال شهق : نسيت ؟! ليكونه بص علشان جد مااتركك ثاني مره
ميس بنحراج : اسف والله خلاص مارح اعيدها
طلال تنهد برتياح : متى وصلت
ميس بتذكر : ٩ الصبح
طلال بنبره غريبه : بعد بعد ؟
ميس : طيب اطلع عند الباب
طلال ناظر الباب : انت برا ؟!
ميس : اي يلا ولا اجلس عند الباب بعد
طلال وقف وراح فتح الباب وماشاف احد وبحزم : تستهبل معي
ميس ركضت له وضمته : اشتقت لك
طلال تفاجئ من ركضها له وتراجع لوراء لما ضمته : ياروح طلال انت الحمدلله على سلامتك
ميس : يسلم روحك ياحلو
طلال : تعال ندخل
ميس وقفت : لا مايمدي واعد العيال بروح لهم اليوم وبجيكم بكرا الصباح افطر معكم وامشي
طلال عقد حواجبه : تمشي ويين ؟!
ميس : برجع الدمام
طلال بغضب خفيف : مستوعب اللي تقوله
ميس لعبت بشعرها : اي اني برجع بكرا حتى شهاب بيروح معي
طلال بتفكير : الا على طاري شهاب شالسالفه وليه خلاك تجلسي
بدر قطع عليهم وهو طالع من البيت : ياهلا والله ياتميم
ميس ابتسمت له : هلا هلا بالمدير
بدر بنحراج : اي دريت
ميس : مايخفى علي شي
بدر : ادخلو طيب ليه واقفين عند الباب
ميس : لا والله بروح عندي مشوار
بدر عقد حواجبه : ليه بس جاي كن الرياص ومارح تجلس عندنا ؟!
ميس ابتسمت : بكرا جهز الفطور لاني بجيكم
بدر : تمام ننتظرك
ميس ابتسمت وقربت تسلم على طلال بس همست له : الرسالة جاهزه بجيبها الصباح
طلال ابتسم : يلا انتبه لنفسك
ركبو السياره وبالطريق دق جوال ميس اللي غفت من ان الطريق طويل مسك شهاب الجوال وشافه فهد رد عليه
فهد : هلا بالغالي
شهاب : هلا فيك
فهد بلع ريقه : من ؟!
شهاب : انا شهاب
تنهد برتياح :وين تميم
شهاب : نايم فيه شي !!
فهد : لا خلاص
شهاب : اقدر اقول له هو نايم عندي بالسياره
فهد : خلاص قول له ان الشخص اللي امس جاله اليوم جاء يسال عنه وطلب رقمه بس انا ماعطيته علشان استئذن تميم
ميس حست بالصوت وفتحت عيونها
شهاب : تميم فهد يبيك
ميس وهي مالها خلق خذت الجوال وفتحته سبكر : هلا فهد
فهد بنذاله : واحشني حبيبي
سكرت بوجهه
راجح ضحك من ردت الفعل اما شهاب تفاجئ من الرد
رجع جوالها يدق فتحته
فهد بكره : حيوان ليه تسكر بوجهي
ميس : اختصر
فهد : طيب طيب انت بس ارجع الدمام واوريك
ميس بتشديد: وبعدين
فهد : اي صح بقول لك شفت الشخص اللي امس جالك
ميس : شفيه ؟!
فهد : جاء اليوم يقول انه يبي يقابلك ولما قلت انك مسافر كم يوم اصر انه ياخذ رقمك
ميس : عطه رقمي اذا جاك ثاني مره
فهد : تمام الا صدق متى بترجع ترا اشتقت لك
ميس : وانا بعد علشان كذا بكرا بجيك
فهد بحماس : تمززززززح انتظرك اجل
وصلو للعنوان المكتوب كانت شقق فخمه ومن البيوت الموديلاتها حصريه
ميس اتصلت عليه : هلا حمد انا تحت بس مدري اي واحد
جاء من وراها وضمها بقوه : واحشني يالكلبب
ميس مسكت يده ولفته : شوي وتخنقني
ضحك عليه : اخبارك
ميس : بخير وانت
التفت لشهاب ميس بتعريف : شهاب هذا يزن اخو حمد وسيف
شهاب بتفكير : الللي بالمطار صح !!
ميس : اي هو
سلم عليه وصعدو للشقه
اول مادخلو
يزن : سييف تميم جاء
سيف طلع وعيونه تلمع : اشتقت لك ياقلبييي
ضم ميس اللي بادلته : هذا انا جيت
يزن : يوه لو تشوفه يا تميم من امس يدور ويرتب ولما جاء حمد لحاله استلمه ضرب
ميس التفتت بضحك : يعني رحت فيها
حمد ابتسم : لجل عين تكرم مدينه
شهاب كان يناظر تعلق سيف فيها سيف انتبه لنظراته وبعد عنها على طول
سيف : ياهلا والله
شهاب : هلا فيك
بعد مادخلو وخذو وقتهم شوي همس شهاب لميس
شهاب : بروح انا لجاسر ومؤيد تبي شي ؟!
ميس ناظرته بخوف فهم نظرتها وكمل كلامه : برجع لك بعد ساعه يناسبك ؟!
سيف : وشو ساعهه شوي حرام عليكم
ميس عطته نظره : لي ٤ ساعات هنا ترا
سيف بحركه عفويه  : ليكوون بتروح لزوجتك الثانيه ماهو انت تحبها اكثر مني تعودت عليك اصلا
الكل كان ساكت لما ضحك شهاب التفتت عليه وابتسمت
شهاب : وش سالفة زوجته الثانيه ؟!
سيف قلب عيونه : بدر
شهاب بستغراب : بدر بن طلال  ولد عمك
ميس : اي بعدين احكي لك على السالفه روح انت الحين بس وبعدين نتكلم
شهاب مشى منهم وظلو يسولفون ويضحكون وغيرو جوهم مع بعض
اما عند شهاب : طيب وبعدين
مؤيد : ولا قبلين علمنا وش مناسبة جيتك مو قلت بتاخذ اجازه شهر او كثر ولا رح تروحون للرياض
شهاب : اي لان تميم قالو له اخوياه انهم يبونه يجي وهو استئذن عمه انه يجلس عندي فيه شي
جاسر : اقول لك وين كنت ماجيت على طول
شهاب ابتسم : رحت معه لخوياه ولو تشوفون اول مره اضحك كذا بحياتي
جاسر : ليه شصاير وشو تكلم
شهاب : كنا جالسين
وبدا يحكي لهم السالفه
جاسر ضحك : زوجته اجل الله يعينه والله يحصلها من سيف ولا من شهاب
شهاب نااظره : شدخل شهاب الحين ؟!
جاسر : ولاشي ياحلو
شهاب : فيه تطور بالشركه
جاسر : لا بس ادهم صار مساعدي وسكرتيري وخليته يتقرب منها علشان نعرف وش تسوي او تحركاتها
شهاب : اووه حلو
مؤيد : انا ماعندي شي
شهاب وقف : يلا انتبهو لنفسكم
جاسر يحلطمه : ياخي اسهر يوم بالعمر
شهاب ضحك : انا اسهر بس عند زوجتي الاولى
جاسر ومؤيد ضحكو سوا : طيب طيب روح
طلع وتوجه لها اول ماوصل
سيف تعلق فيها : تكفىىىى لاتروح تميم عاد ماصدقنا على الله تجي
ميس بمحاوله لابعاده: يزن بعده عني
حمد بصرامه : سيف
سيف ناظره بعصبيهه: نعم ؟!
حمد : وخر من الولد
سيف خفف يده وبعد عنها : اوعدني تجي تزورنا وتطول
ميس مسكت يده : وعد بجي وبجلس عندك لما تطفش مني وتطردني
يزن : ماتوقع نطفش منك
حمد ابتسم وقرب منهم ضم اخوانه : انت صرت اخونا اللي ماجابته امنا
ميس امتلت عيونها دموع اول مره احد يبين لها حبه وتقديره غير اهله نزلت وحصلته توجهو للبيت
شهاب : تبي تاكل ؟!
ميس ناظرته فتره : اي عادي
شهاب : تمام بدل على ما اطلب منهم يحطون الاكل
ميس ابتسمت له وراحت لغرفتها انتبهت لكبر البيت وكانت خايفه وتفكر كيف بتقضي هالليله بهالقصر بعد مابدلت انتبهت لاتصاله
ميس اتصلت عليه : هلا والله
طلال : وينك ؟!
ميس : توني رجعت لبيت شهاب
طلال بتفهم : اها المهم مامدانا نكمل كلام لما قطع علينا بدر
ميس : اي وش كنت بتقول
طلال : ابقول لك شعندك مع شهاب ؟!
ميس : ماعندي شي جيت وجاء معي وبنرجع سوا
طلال : تمام ماعلينا
ميس : شفيك ؟!
طلال بتردد : مدري اقول لك ولا لا
ميس : قول
طلال : جدك سالني عنك ويبي يشوفك قلت بوصل لك الرسالة وانتي كيفك
ميس بصدمه : توه يتذكر اني موجوده
طلال : ميس انتي اكثر وحده عارفه انه ماله ذنب لاهو ولا عمك متعب
ميس : عارفه مالهم ذنب بس
طلال قاطعها : بس ايييش ؟!
ميس : ولاشي بفكر بالموضوع
سكتت فتره وتذكرت : صدق فيه واحد حاني امس قال انه من طرفك وجلسنا نسولف شوي في مواضيع عادي كان رسمي مره وله هيبته
طلال بستغراب بس انا مارسلت احد : اقول ميس عندك صورته
ميس : لا والله بسال فهد يمكن عنده وبرسله لك تمام
طلال: تمام متى بتمشون ؟!
ميس : بعد ما اسلمك الظرف
طلال : بكون بالعياده تعرفين وين ؟! ولا ارسل الموقع
ميس : لا عارفه حي ** شارع **
طلال : اي هو يلا انتبهي لك
ميس : وانت بعد
بعد ماخلصت مكالمتها انتبهت لدق الباب
ميس : مين ؟!
الخادم : استاذ شهاب ارسلني علشان اقول لك الاكل جاهز
ميس : تمام شكرا جاي