ابتسم لشهاب : تبغى تعرف انا مين ؟!
شهاب : ياليت
تكلم بصوت خافت : انا عمه
شهاب ناظره فتره مو مصدقه : ماعنده اعمام
ابتعد عن شهاب وتوجه لفهد : فهد اتمنى تميم مايوصله الخبر
فهد بتفاجئ: يعني انت عمه بس هو مايعرف انك عمه
هز راسه بالايجاب بهاللحظه دق جوال ميس انتبه للاسم ورد : الو
طلال : من ؟
جلس على الكرسي : متعب
طلال بصدمه : متعب متى رحت الرياض
متعب : امس
طلال بتفكير وش يسوي متعب هناك : وين ميس اجل
متعب : راح بيكمل كم شغله وبرجع
شهاب ارسل لطلال : صدق هذا عمه ؟
بعد ما انهو المحادثه طلال انتبه لرسالة شهاب : اي عمه
بعد يوم كامل ضلو فيه بالمستشفى الا فهد اللي رجع للبيت علشان دوامه
متعب : ليه ماترجعون ترتاحون واذا صحى بتصل عليكم
شهاب باصرار : لا وبعدين بسالك سوال عادي
متعب ناظره فتره والتفت لمويد : تفضل
شهاب : تعرف مراد
متعب عقد حواجبه : كيف تعرف مراد انت ليكون صاحبه ؟!
شهاب بتصحيح: لا لا مو صاحبه بس انه فيك تقول يطارد تميم ويبي ياخذه
متعب بصدمه: من متى ؟!
شهاب : من زمان مو تو
وقف متعب بغضب ومشى بالممر وقف والتفت : خليكم عنده لما اجيكم
ابتعد عنهم واتصل على ابوه :هلا يبه
الجد: هلابك شفيك ؟
متعب : يبه مراد بالبيت
الجد : لا استئذن مني يبي يروح للدمام كم يوم انت وينك
متعب بخوف ان اللي بباله صحيح : بعدين اقول لك يبه بس عندي شغله تتطلب يومين اخلصها واجيك تمام
الجد : انتبه لنفسك مابقى لي الا انت وياها
متعب يبي يطمن ابوه : لاتخاف يبه بكون بخير
تركه الجد بعد ماودعه
بهاللحظه جاهم الدكتور : تو خلصت نقله لغرفه عادي بس اتمنى ماتكثرون كلام معه
متعب : بدخل له اول
دق الباب ودخل انتبه لها مغمضه عيونها ميس فتحت عيونها بصعوبه وهي تحس بغشاوه على عيونها استغربت الشخص اللي جاي بعدها استوعبت اخر شخص شافته كان هو
متعب جلس بجنبها ومسك يدها : كيفك الحين احسن
ميس حاولت تبعد الكمام مسك يدها : لا لاتشيلها بتتعب بعدين خلك كذا احسن
ميس ابتسمت ومسكت يده وبصوت مبحوح : وين الباقي
متعب ابتسم لها : بيجون برا تبغى اخليهم يدخلون
ميس هزت راسها بالايجاب
اما برا
مويد : عمه ؟؟ من وين طلع وانت تقول انه وحيد
شهاب تنهد : مدري وهذا اللي مو مخليني اقدر افكر بشي وحتى لو ماحد يعرف السالفه الا طلال
طلع متعب لهم : يبغاكم ادخلو
مشو ووقفهم : ما ابغاه يعرف بساله اني عمه
شهاب استغرب وبنفس الوقت محتار كيف عمه ومايعرف عنه : تمام
اول مادخل شافها تناظر بالسقف والبخار على فمها واثار الجرح اللي بوجهها ويدها كل هذا صار لك بس بهاليوم ليتني ما سمعت كلامك وطاوعتك
قرب منها ببتسامه حنيه :تميم
ميس طلعت من شرودها ابتسمت له وتكلمت بصعوبه : اسف ماكنت اعرف ان هذا الشي بيصير
شهاب : اشش ماصار شي ومره ثانيه مارح اسمع كلامك ترا
مويد : الحمدلله على سلامتك تميم
ميس تحس نفسها مو قادره تتكلم مدت يدها استغرب بس مد يده كتبت بيده شي وابتسم
شهاب : وش عندكم انتو ؟!
مويد : كتب لي بيدي العفو
شهاب : وانت كيف عرفت
مويد : مايحتاج اعرف اختي كانت تكلمني كذا دايم وتعودت على هالشي
شهاب مسح على شعرها : انت بخير متاكد ؟!
ميس هزت راسها بالايجاب مدت يدها لشهاب عرف انها تبي تكتب بيده بس مافهم مويد مد يده لها وكتبت له
شهاب : شفيه ؟!
مويد ابتسم وهز راسه : يقول لك لاتحط اللوم على نفسك هو السبب باللي صار فيه
شهاب كانه تذكر شي : تميم شوف بسالك وجاوب بالحقيقه
استغربت بهاللحظه دخل وهو يكمل مكالمته : لاتحاتي كل شي بيكون بخير اي يلا
سكر من المكالمه اللي قطعت عليهم سوال شهاب ميس مسكت يد مويد وكتبت له
مويد التفت على متعب : يقول شكرا لك على وقفتك معاه بس اللي مو فاهمه كيف وصلت له وخذته
متعب قرب من السرير وكان يتامل عيونها * ظلموك وظلمو ابوك وعشتي حياتك متشتته وتتنقلين * رجع للواقع وابتسم لها : فيك تقول احساسي جابني اني ابي اشوفك وانصدمت من اللي شفته بس وحياتك * مسك يدها وعيونهم متقابله كانها تحكي الف حكايه * ما اخليها تتعدى كذا بسهوله
دق جوال شهاب : دقايق وبجيكم
طلع وفتح الخط
مراد : كيف المفاجئه يارب اعجبتك
شهاب بعصبيه : وينك انت
مراد : بالرياض تحديدا بمكتبي اذا تبي ترسل احد يتاكد ماعندي مانع او بنتظرك تجيبه لي او اقول لك واوفر عليك انا اللي بجيك انتظرني اطلع لك في اي وقت
شهاب : مراد
مراد سكر الخط بوجهه وابتسم بشر
التفت شهاب وانصدم باللي بوراه واللي طلب منه يلحقه
بعد يومين من خروج ميس
اندق الجرس استغرب شهاب من بيجيهم هالوقت او بالاصح ممكن متعب اللي الى الحين يمثل شخصية عمادفتح الباب وانصدم باللي واقف
مراد ببتسامه: ابغى اكلمك
شهاب رفع حاجبه : تقدر تتكلم
مراد :مارح تدخلني على الاقل بالحديقه
شهاب اخذ نفس ومويد اللي كان جالس وسمع الصوت اللي حفظه عرف انه مراد ولما دخل التفت عليهم : اووه اجل وين البسه متخبيه
شهاب بانت عروقه من العصبيه مراد بتهديه للجو : جاي اكلمك بشي مهم ولازم تعرفه تحب اتكلم قدام صاحبك ولا اتكلم لما يروح
مويد تحرك طالع من البيت : مايحتاج تقول هالكلام
لما طلع جلسو اثنينهم بالحديقه
شهاب : خلصني
مراد ببتسامه : اول شي كيفه تميم
شهاب : بخير ممكن تختصر لاني مالي خلق لك
مراد : طيب انا بالبدايه قلت لك عطني اياه ورفضت وقلت لك مهله اسبوع وشوف وش صار له بسبب عنادك واليوم جاي اقول لك اللي لازم اقوله لك من زمانن من اول بدال ما اعطيك مهله
شهاب : طيب وبعدين
مراد : قلت لك تميم مو تميم فا لاتتامل كثير
شهاب سكت وعلامات البرود بوجهه واضحه
كمل : تميم بنت
انتظر ردت فعل من شهاب واستغرب هدوئه وبروده انصدم : انت تعرف انها بنت ؟!
شهاب : خلصت اللي عندك
مراد ببتسامه : واضح من زمان عارف بس بقول لك الاهم هي خطيبتي وعلشان كذا جالسه تهرب
شهاب رجعت له عصبيته ووقف وبصوت فيه العصبيه والكره: تقدر تتفضل انتهت المقابله وكلامك اتوقع خلص وماعاد عندك شي تقوله
مراد : رح استرجعها وقول ماقلته
شهاب عصب وكانت الافكار اللي براسه تدور اما مراد لمن طلع انتبه له قدامه
متعب والصدمه وبتفاجئ: مراد ؟!
مراد ابتسم لعمه : اووه عمي متعب انت هنا ؟!
ميس اللي كانت واقفه ومصدومه من كل اللي صار شهاب يعرف انها بنت من متى وكيف اللي كانت تظن انه عماد شخص عابر طلع عمها متعب اللي كان برا الدنيا تدور فيها ليه كل هذا يصير لها استندت على الباب بتعب
متعب بسوال : شتسوي هنا ؟! ماكفاك اللي صاير لها بسببك
مراد ببتسامه مستفزه : اووه عمي شفيك كذا ليه معصب ترا ماصار شي هذا جزء بسيط من عقابها على عصيان خطيبها
متعب ماقدر يسكت ومسك ياقته : والله لا ادفعك ثمن كل جرح وكل سنه وكل يوم وثانيه تالمت فيها وقول متعب ماقاله
مراد رفع يدينه : اووه بشويش ياعم لو انك مو عمي * قرب منه * انهيتك
راح مراد وترك وراح متعب يفور دمه
اما ميس اللي دخلت لغرفتها شهاب سمع صوت الباب * ليكون سمعت ؟ لا لا مستحيل لو تسمع تنتهي الحكايه ماكان يعرف ان هذي البدايه
ميس دخلت غرفتها وهي ترجف مو مصدقه كل شي جاء بوقت واحد ليه كذا عمي وشهاب ومراد بدت تبكي دفنت نفسها في المخده وماحست بنفسها الا وهي نايمه مر الوقت وهم يحاولون يفتحون الباب
الساعه ٧ الليل اندق الباب استغربو بس هو ماكان مستغرب وقف وراح للباب وشافه قدامه
طلال بخوف : شصاير تتصل علي تجيبني من الرياض بدون ماتقول لي شي
متعب بتنهيده : تعال معي
دخلو داخل وحكى له على كل شي عند ميس اللي صحت بتعب ودخلت للحمام تغسل وجهها انتبهت لصوت الباب ماكانت تبي احد يدخل بس لازم ترد
ميس بصوت مبحوح : من
طلال : انا طلال
ميس حاولت تستوعب انا احلم ؟! بس كيف قربت من الباب وفتحته : طلال
رمت نفسها بحضه كان ضيقة الدنيا كلها راحت لما شافته ابتسمت بالم : وش قاعد يصير في دنيتي
طلال مسكها ببتسامه ودخلو لغرفتها جلسو على السرير مسك وجهها مسح دموعها وببتسامه : تبين تعرفين الحقيقه ؟!
ميس هزت راسها بالايجاب حطت يدها على يده وبعدت منه : اي ابي اعرف
طلال : مستعده تتحملين وبقول لك كل شي بشرط ميس استغربت اسلوبه : ايش هو ؟!
طلال بدا يحكي لها : شوفي ايش تبدين فيه
ميس : كيف وش ابدا فيه
طلال : قصة عمك او قصه شهاب
ميس بتردد سكتت
طلال :ببدا بقصه شهاب لما جيتك كنت جلست مع شهاب وحصلته يتكلم لي عن مراد فا كنت لازم اقول له قبل يقول له مراد عنك طلبت منه يكون بعيد عنك ومايتقرب منك كثير ووافق بعدها صارت سالفه اللي معاك بالدوام واضطريت اني اخليه يكون معاك دايم بس هذا قصه شهاب
ميس : وعمي
طلال ببتسامه : نجي لمتعب الحين رجع من الخارج واتوقع راح لابوه وساله عن ابوك وقال له جدك كل شي عرف مني انك ماتبغين تقابلين احد بدا يجيك الدوام بصفته عماد
ميس بتفكير : اي بس ليه ماقال لي انه عمي
طلال : لاني قلت له انك ماتبين احد منهم يعرف وانا تو ادري ان الشخص اللي قلتي لي عنه هو متعب وطلب مني انه يبي ياخذك ويرجع لك حياتك وايامك
ميس تكلمت بتردد : بس انا مابغى ارجع الرياض
طلال انصدم من كلامها بس كملت توضح : كل ذكرياتي بالرياض سيئه ليه ارجع
طلال ضمها ولعب بشعرها : لاتخافين نسوي ذكريات جديده احلى
ميس ناظرته فتره : ودوامي ؟!
طلال بتفكير : صدق تتركينه ماعندك مشكله
ميس برفض : لا مارح اتركه بس بطلب نقل لفرعهم اللي بالرياض بس ماقدر اقول لعمي عادي تقول له
طلال بهدوء : تقدرين تقولين له كيف بتعيشين بعدين معاهم اذا كنتي رح تحطيني وسيط بينك وبينهم لا
ميس كانت متوتره وخايفه طلال وقف وطلع من عندها للصاله انتبه لمتعب اللي جالس يناظر الفراغ
طلال بتساول : وين شهاب
متعب انتبه له : ها طلع برا جالس مع صاحبه شصار معاك انت ؟!
طلال : كلمتها وقلت لها على كل حاجه روح انت شوفها وانا بروح اشوف الولد اللي جالس برا اكيد يفكر
متعب : تمام
طلع طلال لعند شهاب اللي كان جالس بروحه جلس بجنبه : ريح بالك
شهاب ناظره : كاني مهتم
طلال ضحك على شهاب صح يحاول يمثل انه قوي بس اكيد جالس يحترق من داخل : قلت لها على كل حاجه ولاتخاف
شهاب بضيق : وش رح يصير
طلال ابتسم : لاتحاتي مارح يصير شي ان شاء الله كل شي بيكون كويس
