مرافق♥️ { مكتملة}

بارت ٥

لو شفت حماس رح انزله بعد يوم او اليوم 😌👍🏻

ميس عرفت ان النقاش معه ضايع تركته وراحت تجيب الفراش وترتبه له
شهاب : ماجبت مربيه لك ثانيه ؟!
ميس وهي ترتب : يعني من كل عقلك رح اجيب مربيه وانا بهالعمر وبعدين اللي كان يعرفني اكثر شي ميرفت فا مارح اجيب غيرها
شهاب : تمام
ميس كانها تذكرت شي : الا صدق دقيقه
طلعت من الغرفه متوجهة لغرفتها فتحتها وفتحت الدولاب خذت الظرف سكرت الدولاب وطلعت
قربت من شهاب : مدري ليه او هل كانت حاسه او لا بس هذي الرسالة لك منها ووصتني انها توصلك
شهاب رفع حاجبه : وماكنت ناوي ترسلها لي ؟!
ميس بتفكير : بصراحه لا لاني ماتوقعت ترجع وتدخل حياتي
شهاب بنظره : لاتقولها كذا كاني ضاربك وداخل بحياتك غصب
ميس بتمتمه : على اساس داخل بحياتي برضاي
حط الظرف بجنبه : تمام بقراه بعدين
ميس : يلا انا بروح الحين
شهاب : تمام اذا صحيت قبلي صحني علشان نروح نفطر برا
ميس بنظره : فلوسك اللي تصرفها على الفاضي خلها بجيبك بس بنفطر بالبيت
شهاب : فلوسي انت قلتها يعني اصرفها من اليوم لبكرا مايخصك صح ولا
ميس تركته وراحت لغرفتها حاولت تنام بس راح الوقت ومانامت طول الليل اما شهاب قراء اللي بالرسالة وكانت له ردت فعل عليها بس حاول يخفيها
اليوم الثاني صحت من النوم وراحت للمطبخ بدت تسوي الفطور وشالته لبرا بالحديقه كان الجو شتاء وحلو رجعت للبيت علشان تصحي شهاب دقت الباب ٣ مرات مارد فتحت باب الغرفه ماحصلته استغربت وبدت الافكار توديها وتجيبها انتبهت لورقه بجنب السرير
: طلعت امشي شوي وبرجع
تنهدت براحه بس يمكن يضيع طلعت وجلست عند الباب حتى جواله تركه ظلت فتره وشافته من بعيد جاي يمشي معاه كيس عقدت حواجبه تحاول تركز في اللي معه بس ماقدرت لما قرب ابتسم لها ولوح
شهاب : تمييم
ميس ماعطت تعابير ابد بس انفجرت بالضحك لما قرب منها
شهاب : شفيك تضحك
ميس مسحت دموعها : كانك طفل
شهاب عطاها نظره : يعني مو مالي عينك انا ؟!
ميس : لا ابد وين رايح ؟!
شهاب : طلعت امشي ورحت للبقالة جبت
رفع الكيس كان فيها ايسكريم
ميس ناظرته فتره وابتسمت : يلا ندخل الفطور بيبرد
شهاب باعجاب : اوووه مسوي فطور
ميس : كل يوم يعني لاتتوقع انه علشانك
شهاب عطاها نظره : طيب يلا نروح
بالرياض
جاسر جلس بالمكتب وضغط الزر بعد دقايق
ادهم : هلا استاذ
جاسر : ادهم الحين انا بحل محل شهاب يعني الاوراق بس تنتهي تجيبونها لي تمام
ادهم : ان شاء الله
جاسر : مشكور
ادهم بفضول : طيب استاذ عادي اسالك سوال ؟
جاسر استغرب : شفيك ؟!
ادهم : امم استاذ شهاب مارح يجي
جاسر : لفتره لا
ادهم بتفهم : اها شكرا
جاسر بستغراب : ليه ؟!
ادهم بانحراج : والله مدري وش اقول لك ابغى بكرا اجازه زوجتي جابت بنت وهذي اول بنت لي وكل وقتي بالدوام ولما ارجع مايكون لي وقت اجلس معهم الا شوي نايم
جاسر ابتسم : تتربى بعزك ومني لك ٣ ايام اجازه
ادهم بامتنان : مشكووور استاذ
جاسر : تقدر تطلع
نسترجع لوقت لما شهاب قرر يطلع يمشي اتصل عليه
جاسر بصوت مليان نوم : هممم
شهاب : صحيتك ؟!
جاسر عدل جلسته وحاول يصحصح : شهاب وينك انت ياخي مختفي
شهاب : اسمع بقول لك ابي منك خدمه
جاسر بستغراب : شفيك ؟!
شهاب : استلم الاداره لفتره
جاسر : للحين مو فاهم شي
شهاب : يعني بتكون مدير لفتره
جاسر اول مره يسويها : ليه شصاير !
شهاب : انا مو بالرياض لفتره
جاسر بتفهم  : اها لاتقول سافرت مع اختك
شهاب : لا بالدمام
جاسر بتفاجئ : بالدمامم تمزح شهاب صح ؟!
شهاب : والله ما امززح
جاسر : شتسوي هناك اخر مره رحت فيها لهناك لما كان
سكت
شهاب : لما مات اخوي صح ؟!
جاسر برتباك : اي
شهاب : عارف بس بقول لك السالفه
بدا يحكي له السالفه
جاسر بصدمه : مو من جدددك شهاب تفاجئ الولد كذا
شهاب : عارف بس ابي منك خدمه ثانيه
جاسر : قول
شهاب : مؤيد صاحي تتوقع ؟!
جاسر : مدري والله
شهاب : انت يكفي عليك الاداره ووجع الراس ذا
جاسر : ولايهمك وترا مؤيد اكيد صاحي لانه بمنوابه تعرف الرائيس لازم يكون موجود
شهاب : خلاص بتصل عليه كمل نوم
جاسر ابتسم وسكر الجوال : والله غريب تعلق شهاب بهالولد
انتبه للصوره اللي بجنب سريره بدا يركز بملامح الشخص لدرجه صرخ سكر فمه علشان ماحد يدري
جاسر بصدمه : تمييم يشبه اخو شهاب مرررره
اتصل على شهاب على طول
شهاب كان يتصل على مؤيد وقطع عليه اتصال جاسر بس مارد عليه كمل مكالمته
مؤيد : طيب الوضع الحينن تبيني احط عليه مراقبه بس بدون مايحس  ويراقب تحركاته ؟!
شهاب : اي ابيك تسوي كذا
مؤيد : خلاص ولا يهمك
مؤيد يعرف ان شهاب مستحيل يطلب منه شي الا اذا كان الموضوع فوق قدرته وقوي ومايحب يسال شهاب عن المواضيع اللي يكلفه فيها
سكر من مؤيد واتصل على جاسر
جاسر بصرخه : شهاااب
شهاب بعد التلفون عن اذنه بنزعاج : وجع
جاسر : شهاب تدري ان تميم يشبه اخوك
شهاب ببرود : طيب !؟
جاسر استغرب ردت فعله : ليكون هذا الاهتمام علشانه يذكرك في اخوك !؟
شهاب : توك تستوعب
جاسر بتفكير : والله تو شفت صورتنا سوا قدامي وجلست اناظر ملامحه ياخي نفسسسه بالضبط تقول انه هو
شهاب : طيب يلا خلاص انا برجع الحين للبيت
جاسر بستغراب : ليه وينك انت اصلا ؟!
شهاب : طالع امشي شوي وتميم نايم
جاسر : تمام يلا
شهاب : دقيقه جاسر
جاسر بستغراب : هلا؟!
شهاب : اسمع اذا جاك مراد لاي سبب من الاسباب لاتقول له اني بالدمام تمام ولا تقول لاحد
جاسر : ابشر مو له بس لو احد سالني طلع رحلة عمل ولا ادري متى بيرجع
شهاب باعجاب بتفكيره: تمام
نرجع للواقع
دخلو للحديقه
شهاب بتفاجئ : اوووه فطور مطاعم هذا
ميس ابتسمت : علشان ماتكلف على نفسك يا ابو فلوس
شهاب مارد عليها وجلس
ميس مدت يدها له ناظره فتره : الاسكريم لايذوب بحطه بالفريز
شهاب استوعب : اي يلا هاك
عطاها اياه وبعد ماخلصت رجعت له بعد الفطور وجلستهم
ميس : من دلك على مكاني
شهاب بتفكير : لو اقول لك بتسوي للشخص شي ؟!
ميس بتفكير : ليكون عمي طلال ؟
شهاب تفاجئ : عمك يدري انك هنا
ميس : لازم يعرف عن مكاني والا مارح يتركني اروح من بيتنا كذا
شهاب : غريبه ماجاء معاك ؟
ميس : لا عنده اهله كيف يتركهم ويجي معي لا ولده هنا بين يوم ويوم اروح له بس بعد ماتوفت ميرفت صرت اروح اكل معه بس ارجع من الدوام فيك تقول من دوامي لبيته ومن بيته للنوم وعلى هالحال
شهاب بتفكير : وبعد يعني ماكنت تجي للرياض ابد
ميس برتباك : تبي الصدق ؟!
شهاب : اكيد
ميس بقول لك بس لاتحكم ولا تسالني بعد اللي بقوله شي تمام
شهاب : تمام قول
ميس : ماجيت وكنت مرتاح هنا الحمدلله وانت امس سالتني عن مراد وصدق كلامك مراد سبب باني تركت الرياض ولما شفتك معه ابتعدت عنك  وللحين مابي ارجع الرياض بسببه ولاتسالني ليه اتركني لما استجمع قوتي واقول لك تمام !!
شهاب لعب بشعرها : تمام يلا نبدل علشان نطلع ؟!
ميس بستغراب : ويين ؟!
شهاب : سبرايز
ميس ضحكت : تمام
بدلت ولبست بلوفر كبير عليها شوي باللون الزيتي  وبنطلون ابيض رتبت شعرها وتعطرت وطلعت من الغرفه
انتبهت له واقف عند الباب بثوبه وشماغه شكله حللو بالثوب لا ياميس لاتفكرين كذا
شهاب التفت وصفر باعجاب : اوووه اخذت كل الجمال
ميس انحرجت وماعرفت وش ترد عليه
شهاب : مو كانه حر على البلوفر
ميس : لا الجو برا بارد ويبرد كل شوي اكثر
شهاب بتفهم : اها
ميس : وانت ؟!
شهاب : شفيني
ميس : ماجبت جكيت معاك ؟!
شهاب ناظر نفسه بالمرايه : لا مايحتاج
ميس بتعقيب : دقيقه بس
شهاب استغرب دقايق ورجعت معاها جكيت
شهاب استغرب : حق مين ذا
ميس ابتسمت : لاتخاف ماحد لبسه غيري انا الا اذا ماتبي عاد هذا شي ثاني
شهاب :  لا عادي بس اني  اكبر منك والحجم اكبر بعد
ميس : عارف انا اخذ جميع المقاسات للي يعجبني
شهاب : تمام يلا نطلع 
ميس : دقيقه بس
راحت تركض لغرفتها وخذت بوك الصغير تقدر تحطها بجيبها فيه ادويتها وغير كذا بوك الفلوس والبطاقات
شهاب : اسمع اول شي بنروح للمول زين ناخذ لنا قهوه
ميس بتسرع: لا لا مابغى اروح مول واخذ منه قهوه بوديك محل وان شاء الله يعجبك
توجهو على وصف ميس للمكان وكان محل واضح من برا انه صغير وهادي وبمكان بعيد عن الازعاج والناس وكان فيه كم شخص داخل بس
شهاب بستغراب : اقول تميم وش هذا المكان
ميس ابتسمت: اول ماجيت هنا
دخلو ورفع راسه من الجوال ينتبه للداخلين وابتسم لما شافها : ياهلا وغلا
ميس مدت يدها تسلم : هلا فيك اخبارك حمد
حمد: بخير والله وانت
ميس : ماعلي بخير واخبار اخوانك !!
حمد بتفكير : امس مشو للرياض تعرف خلصت اجازتهم
ميس : اووه يزن او سيف اللي خلصت اجازته اللي اعرفه حتى لو انه واحد فيهم اللي خلصت اجازته الثاني يروح معه
حمد ناظر شهاب : خلك من اخواني اول مره تجيب معاك شخص اللي اعرفه اماكنك اللي تفضلها مستحيل تجيب احد فيها
ميس ببتسامه: اعرفك صديقي شهاب
حمد بتفكير : شهابب كاني سمعت بالاسم بس وين !! ميس التفتت له : وش تحب تشرب ؟!
شهاب بثقل :كابتشينو
ميس : وانا عصيري المعتاد
شهاب عطاها نظره : كوفي وحاله واخر شي تقول لي عصير
ميس ضحكت : دايم وابدا عاد العصير عندهم يجنن
شهاب بتفكير : صدق ؟! على مسؤوليتك
ميس : يب
شهاب التفت بالمكان : ماشوف ناس كثير فيه
ميس : لانك الصباح تشوف الناس قليل بس اذا كان الليل يكون زحمه
شهاب : بس اللي اعرفه انك ماتحب الزحمه
ميس : كنت اجي علشان سيف ويزن
شهاب بتفكير : اها
قرب منهم حمد ومعاه مشروباتهم وببتسامه: الحين تذكرت وين سمعت بهالاسم انت صديق تميم اللي من الرياض صح ؟! *ميس انحرجت بس وش عرفهم باسمه * والا ياتميم
ميس : الا هو بس كيف عرفت اسمه
شهاب : اتوقع من اخوانه
ميس بصدمه: لاتقووولها ان سيف سواها ورايح الرياض علشان كذا
حمد سكت فتره وكانت تعابيره بارده ومتفاجئ ضحك : لا لا مثل ماقلت لك بس قال لي على قصتهم بالمطار امس
ميس بتنهيده : اششووى
شهاب بستغراب : للحين مو فاهم ليه انت ماكنت تبيني لذيك الدرجه
ميس بتفكير : فيك تقول هروب وللحين ماودي بهالشي
شهاب سند نفسه على الكرسي :طيب شوف بقول لك عرض وانت فكر فيه ورح انتقل اعيش في فندق يومين بالضبط وابيك تفكير فيه عدل وتعطيني قرارك
ميس انصدمت من كلامه
شهاب كمل : العرض هو يا اما تقول لي ايش بينك وبين مراد يا اني اخذك عندي بالرياض
ميس للحين مصدومه: ليه ؟!
شهاب بستغراب : ايش اللي ليه
ميس : ليه هالاختيارات
شهاب : خلني اكمل كلامي . او يا اما اني اجلس معك بالدمام لما تقرر تزور عمك وبكون معاك ورح انتظرك لو تبي العمر كله علشان تقول لي وش بينك وبين مراد وياليت باسرع وقت
ميس شدت بيدها : ماقدر
شهاب مافهم عليها
ميس : ماقدر ليه تخيرني كذا
شهاب : هذا اللي عندي
حمد اللي كان يكلم سيف : هلا
سيف : اخبارك
حمد : بخير وانتو
سيف : بخير الحمدلله الا ماتقول لي
حمد : ايش ؟!
سيف : تميم جاله احد !
حمد : اي اللي تكلمت لي عنه جاه
سيف بشهقه : قووول والله
حمد : والله ليه
سيف : يووه احس بيذبحني
حمد ضحك : لا ماعليك مارح يسوي شي
سيف : وش عرفك وبعدين تعال هو عندك الحين
حمد : لا طلعو تو
سيف : تمام
حمد : وينه يزن
سيف : طلع يجيب غدا
نروح للرياض
جاسر : اييي يشبهه شبه كبير والله
مؤيد : بس ماتوقعت ان شهاب يتعلق فيه علشان شبهه باخوه
جاسر : الا صدق طلب مني طلب غريب
مؤيد : وش ؟!
جاسر : تعرف مراد ال **
مؤيد : اي شفيه !
جاسر : مخليني ما احتك فيه كثير مع انهم احس كذا فيك تقول عادي الوضع بينهم
مؤيد : ماتعرف السالفه انت
جاسر : اي سالفه
مؤيد : ابو شهاب بيوم كذا صار عنده نقص بالاموال للشركه فا اتفق مع ابو مراد يسوون شراكه لما تتحسن الاوضاع بس مراد بعد ما استلم الامور انقلب ورفض ينفصل عن الشركه وتقدم مره لوفاء اخت شهاب وانرفض فاشهاب مايطيقه من الاخير بس انه عادي الوضع عنده احيان
عند ميس وشهاب بالسياره
ميس ببحه : عادي توديني البيت
شهاب قال للسايق يرجع للبيت
نزلت ووقفت عند الباب طلعت مفتاحها كان ٤ مفاتيح طلعت مفتاح منهم ومدته لشهاب : خذ متى مارجعت افتح الباب انا بنام
شهاب خذاه بدون تعقيب على كلامها يدري كلامه كان شبه صدمه عليها بس لازم يحط حد بانه يكون قريب منها او يظل بعيد ويحميها
دخلت للبيت نزلت دموعها لا ارادي مسحتها ورمت نفسها بالسرير ضمت وسادتها وتركت نفسها اللي كانت مخنوقه وتحس بوحده وضياع من بعد ما ماتت مربيتها اما شهاب توجه للمكان اللي كان قاصده وطلب منهم اللي يبغاه وطلع