مرافق♥️ { مكتملة}

بارت ٢٦

رجع داخل اما طلال بالسياره وهو يتذكر هذاك اليوم
ابو ميس : طلال اسمعني اذا صار لي شي تكفى اجري عملية القلب لراجح
تنهد طلال وهو يمشي بالغرفه رايح جاي وبقلق : اسمعني انت شاك ان فيك شي
ابو ميس وقف وهو يسلمه ورقه بتعهده انه موافق على اللي بيسوونه : مافي شي ولاتخاف مارح يصير الا اللي كاتبه ربي
كان بيطلع مسكه طلال بسرعه وبشك : ليه تسوي كذا ليه تسلم قلبك بدال مانحافظ عليك وانك تظل بجنب ميس ؟!
ابوي ميس : وحده راجح اللي يعرف وعلشان كذا ابي احافظ عليه يهتم فيها صح انت رح تهتم فيها لما تكبر بس صدقني راجح بيكون لها كل شي لما تكبر ورح تستوعب كلامي بعدين
بعدها بيومين
كانت واقفه قدام غرفه الطوارئ وطلال بداخل يجري العمليه كانت عيونها متعلقه بالباب وخوفها من فقد امها او ابوها غلب عليها بعد ساعتين ونص انتبهت لخروج طلال وراحت تركض له
ميس بلهفه وخوف : عمي شصار امي وابوي بخير
طلال سكت وعلامات الحزن بوجهه : يابنتي تعالي ارتاحي
ميس اللي كانت مليانه جروح ودموعها ممليه وجهها ورجفتها وخوفها : عمي قول الصدق امي وابوي وينهم وكيفهم
طلال تكلم وهو يحس بغصه مو قادر يستحملها  : ماتو ياميس
ميس بصدمتها اغمي عليها مسكها طلال ونقلها للغرفه
رجع للواقع
طلال * وش علاقة راجح بميس وليه ماحكى لي ابو ميس عن اللي صار *
نرجع للمستشفى
دخل بهيبته وبدلته سال عن رقم الغرفه وتوجه لها
مويد انتبه له عند الباب واقف ومعاه علبه الحليب يلعب بها وهي فاضيه ابتسم وقرب منه
مويد نكش شعره: لاتخاف كل شي رح يكون بخير
راجح : ان شاء الله
مويد : وينه شهاب ؟!
راجح ناظر الغرفه: ماطلع من بعد مارجع من طلال
مويد بستغراب : طلال هنا
راجح : طلع انتهى دوامه بس كان هنا وكلم شهاب
مويد : اي تمام روح ارتاح انت
راجح : ابي اشوفها يا مويد
مويد مد يده وحاوط بها راجح وضمه له : لاتخاف رح تكون بخير لاتحاتي كثير وتفكر
راجح تنهد بثقل : يارب
مويد ابتسم: باخذ شهاب وانت ادخل لها تمام
راجح بعد عن اخوه : تمام بنتظرك
فتح الباب بشويش وشافه جالس بجنبها ماسك يدها ويناظرها بحب قرب منه وحط يده على كتفه شهاب رفع راسه وانتبه لمويد واقف وراه وقف وكان بيتكلم مويد حط يده على فمه وبهمس
مويد : تعال برا نتكلم
طلعو برا اثنينهم ومشو بالممر بعيد راجح استغل الوضع ودخل وانتبه لها نايمه بهدو وباقي اثار دموع بعيونها قرب منها ومسح دموعها باس راسها
راجح : كنت اتمنى تعرفين عني بس لو عرفتي بتكرهيني اكثر شي اتمناه اني اكون بقربك ومعاك بس كيف ومتى
حس بغصه وطلع على طول كانو جايين بس مويد حس براحه ان شهاب ما انتبه لراجح دخل شهاب وتركه مويد راح لراجح انتبه له يمسح عيونه
مويد : خلاص ياخوي لاتسوي بنفسك كذا
متعب وهو جاي وفيه الف سوال وسوال : راجح ؟!
راجح بعد نظره : هلا ياعم
متعب : شفيك تعبان فيك شي !؟
مويد : لا مافيه بس كان يحس بحرقه بعيونه تعرف الدخان لعب فيه
متعب قرب منه : لاتلعب بنفسك بس
راجح : ابشر