مرافق♥️ { مكتملة}

بارت ١٩

انتبهت لها وفاء عقدت حواجبها قربت منها
وفاء بخوف : ميس انتي بخير ؟!
ميس اللي ماكانت معاها ابد فزت برجفه والتفتت لوفاء وفاء ضمتها بقوه : بسم الله عليك شفييك ميس شصاير من متصل عليك
نروح منهم بعيد
انصدم من محتوى المكالمه واتصل عليه على طول
مويد : الو
راجح : هلا سيدي
مويد : راجح اسمع لاتبتعد خطوه وحده وصل لها اتصال من مراد يهددها خليك حولها وحولينها انا بستلم الجهة الثانيه
راجح بستغراب : جهة ثانيه ؟!
مويد : اي بروح اشوف شهاب واطلعه
راجح : تمام سيدي
اما بداخل الشقه كانت متمسكه بوفاء تعبت لما قررت ترتاح وتعيش حياتها بعيد يجي ويهددها بالشخص اللي تحس الامان بين يدينه سكتت وماتكلمت بشي بعد ماهدت
وفاء مسكت وجهها : شفيك من متصل
ميس بتغطيه على اللي صار : هذا شخص مضيع بالرقم ربدا يصارخ اتوقع التوتر اثر فيني
وفاء: يلا اجل قومي نروح الحين
ميس مشت بتجاه غرفتها ودخلت وفاء وراها خذو اللي يحتاجونه وانتبهو لراجح اللي واقف برا مشو قدامه وميس ماكانت بعقلها ابدا
راجح كان منتبه لهدوائها بدت رحلة التجهيز اما عند شهاب اللي مانام هو الثاني وكان جالس سمع الجرس
مويد دخل عليه : شهااب وينك
شهاب ناظره ببرود : لاتصرخ طيب اسمعك
مويد ببتسامه : اسف ياروحي شمسوي ليه جالس ماودك نبدا نجهزك
شهاب استغرب تصرفات مويد وانه جايه هالوقت : انت شايف الساعه كم
مويد شاف ساعته : الساعه ٧
شهاب : وين تبيني اروح
مويد كان مرتبك : يلا طيب نجلس نسولف ونسوي فعاليات لين يجي جاسر
ببيت الجد
مراد دخل للبيت ببتسامه وانتبه لمتعب اللي جالس : سلام
متعب رفع راسه ومارد عليه
مراد : رد السلام واجب ترا
متعب عطاه نظره : خير شعندك ؟!
مراد بنبره شر : خلاص ققرتو الزواج ؟! تتوقع رح تنبسط فيه
متعب وقف بعصبيه بتجاهه : شوف تهديداتك وعديتها وتصرفاتك وعديتها واسلوبك وعديته بس بعد اليوم اذا صار شي لو جرح بسيط بباب بيتها يويلك وانت اعرف الناس فيني ووين جيت منه
مراد سكت ومارد
متعب كمل بحقد : ومكالمتك اللي اليوم الصبح ترجع ترسل رساله اعتذار و
مراد قاطعه بضحكه : امدى قالت لك
متعب مسكه من ياقه ثوبه : ماقالت لي بس عندي مصادري اللي اقدر احميها واحمي زوجها بكل ماعندي فاهم ومارح اهتم لانك ولد اخوي ولا اننا بينا دم
مراد سكت ومشى من جنبه بدون كلام
الجد اللي كان بفراشه وسمع كل الحوار : متعب
متعب قرب من ابوه : هلا يبه
الجد : متعب ياولدي انا خايف على ميس
متعب : لا تخاف يبه مارح يصير شي ان شاء الله
الجد : ان شاء الله كل شوي تطمن عليها زين
بعد تجهيزات كانو بالصالون
وفاء وقفت قدام ميس ومسكت وجهها وببتسامه :
ياقلبي دقيقه بوريك شي
بدت تدور بشنطتها على شي وبعدها لقته بفرح طلعت الصوره وعطتها ميس : امي فيها شبه منك وهذا اخوي اللي مات
ميس كانها تذكرت شي : وفاء عادي اسالك
وفاء بستغراب : اي وش فيه ؟!
ميس : مين جواهر
وفاء انصدمت بسوال ميس : كيف تعرفينها
ميس رفعت راسها لها : فيه شي بينها وبين شهاب ؟
وفاء : لا بس ابوي قبل مايتوفى سوا شراكه بينه وبين ابو جواهر وبنفس الوقت مراد كان يحب جواهر بس سكت لما عرف عن خطبتهم مدري ليه
ميس بصدمه: مراد يحب جواهر
وفاء مسكت شعر ميس اللي طال : اي يحبها وهي تحبه وكانت تكره شهاب ولما كنتي ببيتنا جات وطلبت فلوس من شهاب علشان تفك العلاقه وعطاها
ميس : ايي
بعد ما انتهو من التجهيز ورتبو كل شي مر الوقت سريع عليهم ووصلو للقاعه مويد اللي كان متوتر ويدور حول شهاب
شهاب التفت عليه بنرفزه : شفيكك مويد ترا من الصبح مو عاجبني عندك شي قوله
مويد سكت وناظر جاسر اللي تكلم : بنقول لك وندري مو وقته بس لازم نقول لك
شهاب استغرب : شفيكم ؟!تكلمو صاير شي
مويد : اول ادخل وبعدين نقول لك اذا جيت تمشي
شهاب وقف بعناد : مارح اتحرك الا لمن تقولون لي فاهمين
مويد مشى عنه وسحب جاسر شهاب استغرب حركاتهم بس مشى وقرر يكمل الزواج وبعدها يعرف وش فيهم
دخل بالعرس وجلس بجنبها اما ميس اللي كانت جالسه وساكته مرتبكه
شهاب مسك يدها : ميس
ميس رفعت راسها ببتسامه شهاب كيف كذا ماكنت ملاحظ هالجمال فيها وطول الوقت اقول فيها شي غريب بس ما اكتشفته
شهاب باس يدها : مبروك ياروحي
ميس ابتسما : ومبروك لك بعد
وفاء قربت منهم وببتسامه : مبروك يا احلى طيور حب بالعالم
ميس انحرجت من كلام وفاء بعد ما انتهو
شهاب بهمس لميس : دقيقه بروح اجيب مفتاح السياره واجي
ميس استغربت شهاب بيسووق ؟!
شهاب توجه للغرفه اللي كانت خاصه لتجهيزه ودخل حصلهم جالسين جلس معاهم
شهاب : خلص الزواج شعندكم
مويد : بسمعك شي
شهاب بقلق : وش
مويد فتح التسجيل وكانت محادثه مراد لميس
شهاب برزت عروقه بعصبيه : متى هالكلام
مويد سكت : شهاب اذا بتنفعل كذا مارح اقول لك شي
شهاب حاول يهدي نفسه : متى هالكلام
جاسر : اليوم الصبح
شهاب سكت ووقف
مويد وقف في وجهه : البنت لايصير لها شي
شهاب استغرب كلام مويد وسكت فتره : شقصدك !!
مويد : اعرفك بتروح ورح تنفعل عليها ورح تحط كل الغضب فيها
شهاب بصدمه : مستحيل اسوي كذا
مويد : المهم البنت ماقالت لاحد حتى لعمها بس انه وصل له الخبر ووعدني يتكفل بكل شي
عند ميس قرب منها ببتسامه حنيه
متعب : مبروك ياروحي
ميس كانت عيونها مليانه دموع عمها متعب كان بمثابه الاب والعم والاخ لها : يبارك بعمرك يبه
متعب ضمها بقوه : اذا ما ارتحتي وتبين ترجعين حضن عمك موجود
ميس ضحكت بخفيف
شهاب بمزح جاء من وراهم : وحضني وين راح
متعب بعد عن ميس : انت موجود بس حضن الاب غيير
شهاب ابتسم له : يلا
ميس مشت معاه وطلعو لبيتهم لبيت المستقبل اللي ماكانت ميس تفكر في المستقبل اللي رح يصير فيه وخايفه من الجاي وصلو للبيت ونزلو
شهاب وقف عند الباب لما دخلت وكان الفستان كبير مسك يدها يساعدها تصعد الدرج وصل للغرفه
شهاب : هذي بتكون غرفتك غرفتي اللي بجنبك مايحتاج اقول لك انها هنا
دخلت للغرفه نزلت الفستان ولبست فستان طايح يصلح للبيت وللضيوف كان مرتب وانيق جلست على السرير وهي تفكر بكلام مراد ووش رح يصير
سمعت جوالها يدق استغربت وخذته
ميس : هلا
مراد ببتسامه : نقول مبروك تممتي اللي براسك ؟!
ميس خافت ووقفت : شتبي فيني ؟!
مراد : ما ابغى شي بس احب اقول لك حتى لو قلتي لعمي مارح اوقف عن اللي ببالي
ميس بخوف : ماقلت شي لعمي ليه تسوي كذا
سحب الجوال من يدها : اذا ما التزمت حدودك رح اتصرف ومارح احسب لك حساب فاهم
مراد ضحك : اوووه صرتو كابلز الحين مانقدر عليك استاذ شهاب او اوووه نقول العريس
شهاب سكر بوجهه وكانت عيونه تنذر بالشرار اللي فيها ميس مانت خايفه
شهاب: ليه ماتكلمتي باللي صار الصباح
ميس سكتت
شهاب بصراخ : تدرين انك بنت وانك الحين بذمتي وانك بحمياتي ومو لازم تسكتين على شي مثل كذا
ميس خافت وارتبكت اول مره تشوف شهاب كذا : ليه اقول لك
شهاب حس ان الكلمه صدمته كملت ميس : علشان تروح واخسرك انت مثل ماخسرت امي وابوي
شهاب انصدم من كلامها قرب منها مسك يدينها
ميس ناظرته وعيونها غرقانه دموع : تبي تعرف ليه يلاحقني يبي ياخذ الورث يبي ياخذ كل شي باسمي يبي ياخذ روحي من هالحياه بعد ما انهى حياة امي وابوي تبيني اسكت واخليه يسوي اللي يبي وياخذ روح اعز الناس لي
شهاب ضمها بقوه تمسكت فيه مهما صار كانت تحس انها بقربه مرتاحه فيه شي يخليها تستمر تتعلق فيه
شهاب مسح عيونها وبنكسار : انا اسف ماكان قصدي اقسى عليك بس اني صرت شريك حياتك واتمنى من اليوم تقولين لي اي شي يصير معك او يضايقك
ميس هزت راسها بالايجاب
شهاب مسك يدها ومشت معه دخلت لسريرها وغطاها طبع بوسه على راسها : تصبحين على خير ياعروستي
ميس انحرجت من كلمته
شهاب كان بيطلع بس وقفه صوتها : شهاب تصبح على خير يا اميري
شهاب ابتسم وطلع لغرفته جلس على فراشه وغطو بالنوم العميق من مده مانامو وكانو يحتاجون هالامان والراحه علشان ينامون