مرافق♥️ { مكتملة}

بارت ٤

بعد مرور سنه
كانو بالمطار يودع اخته
وفاء ضمة شهاب : لاتسوي بنفسك شي وانتبه لنفسك عدل واتصل علي ورد على مكالماتي لما اتصل عليك
شهاب ابتسم : تمام اوامر ثانيه
وفاء كانت خايفه تتكلم بس لازم تقول له : وحاول تنسى تميم
شهاب حس انها بتقول كذا : اوك يلا روحي انتي وانبسطي ولاتحاتين
لوح له بيده وهم داخلين يكملون اجراءا ت السفر حقتهم التفت يمشي بالطريق ولما وصل سيارته انتبه لشخص معطيه ظهره وكان من وراء بالبلوفر رسم
نرجع للاسبوع اللي كان شهاب فيه مع ميس
شهاب بنظره : ترا ازعجتنا بالبلوفر هذا ماودك تتركه
ميس هزت راسها بالنفي : لانك ماتعرف انه مصمم هديه لي علشان كذا اسكت
شهاب : اووف طيب بنسكت بس لاتجلس تضمه وكانه اغلى احبابك
نرجع للواقع
مشى شهاب ناحية الشخص اللي واقف ومسك كتفه : تميم
التفت عليه واستغرب : هلا اخوي انا سيف مو تميم
شهاب ابتعد عنه باحباط كان متفائل بس يمكن هذي النوعيه من البلوفرات تسوى حسب الطلب فتح له السايق الباب
اما عند السياره اللي قدامهم
سيف : شفته يقول اني تميم شكله يعرف تميم
يزن : اي شفته طيب روح اساله يمكن جد يعرفه
سيف : تقول كذا
يزن هز راسه بالايجاب
سيف ركض لسيارة شهاب ودق النافذه اما شهاب استغرب فتح النافذه لسيف
سيف بتسرع : انا مدري انت مين بس انت ناديتني من شوي باسم تميم
شهاب دق قلبه : اي تعرف وينه ؟!
سيف : اعرف واحد اسمه تميم بس ابيك تقول لي ليه ناديتني باسمه
شهاب : البلوفر اللي عليك كان يلبسه
سيف التفت ليزن اللي واقف بعيد عند سيارته : صح انا ماخد البلوفر من واحد اسمه تميم بس علشان اتاكد اكثر ليه تدوره
شهاب : هو صاحبي وبيوم نقل ولا عاد عرفت عنه شي
سيف باحباط : بس انه مو بالرياض
شهاب : اجل وين ؟!
سيف : هو بدمام نقل قبل سنه بحاره وتصادفنا بالشغل وبعدها نقلنا للرياض بس اللي اعرفه انه ماغير شغله ولا نقل او راح مكان ثاني
شهاب بامل : طيب تعرف وينه او وين اقدر احصله او على الاقل عنوانه
سيف بتفكير : عطني رقمك وبرسل لك كل البينات
شهاب عطاه رقمه بدون تردد لما ابتعد سيف : لو سمحت
سيف التفت : هلا
شهاب : لا تقول له اني اسال عنه بسويها له مفاجئه
سيف ابتسم : تمام لاتخاف مارح اقول له وعلى فكره اسمي سيف
شهاب بادله الابتسامه : عاشت الاسامي
لما وصل للبيت تقدم منه كبير الخدم
كبير الخدم : استاذ شهاب حاب تشرب قهوتك ؟!
شهاب ابتسم على طاري القهوه لان تميم مايحب يشربها : لا جيب لي عصير برتقال
كبير الخدم اومئ
اما بسيارتهم
يزن وهو يسوق : ولا عرفت من هو او ايش يبغى منه
سيف بتفكير : لا والله ماعرفته بس تميم كان يتكلم عن انه فيه شخص بالرياض يعزه ويقدره بس مدري يعني مو متاكد
يزن : خلاص ارسل لهالشخص كل شي وبتعرف بعدين من تميم بيقول لنا اكيد
سيف ارسل لشهاب
انا سيف
هذا عنوان تميم والمكان اللي يشتغل فيه
شهاب كان يشرب العصير ويقرا كتاب لما سمع صوت الاشعار بجواله فتحه على طول وقراه ببتسامه
شهاب : ستيف
كبير الخدم تقدم منه : نعم سيدي
شهاب : اطلب من الطيار يكون بالمطار الساعه ٥ العصر
كبير الخدم : تحتاج اوضب شنطك ؟!
شهاب : لا مايحتاج برتبها انا
اومئ وانسحب بهدوء
الساعه ٦ عند ميس
ميس : فهد انا خلصت شغل بطلع الحين
فهد اللي كان ماسك مفتاحه وبوكه بيطلع  : اسمع تميم بالله فيه واحد طالبك بالاسم
ميس عقدت حواجبها : ايش ؟!
فهد  قرب منها : يبيك بالاسم مايبي احد ينهي اوراقه الا انت
ميس كانت تحس بدوخه وتعب : خله ينتظر لبكرا هلكت اليوم
فهد : ماقدر ارفض له طلب هذا من الناس الكبار بالدوله
ميس  بعدم اهتمام : حتى ولو لايجي يفرض سيادته علينا
طلعت تاركته وراها
دق تلفون المكتب
فهد : هلا والله اعذرني الموظف اللي طلبته تعب شوي وطلع لانه اننتهى دوامه ولا قدرت ابلغه
شهاب : تمام مشكور متى يبدا دوامكم بكرا
فهد ناظر الساعه : نبدا ١٢ الظهر ل ٨ الليل بس اليوم لان بكرا اجازه فا الخروج ٦
شهاب : تمام يعطيك العافيه
فهد : ربي يعافيك
سكر منه وطلب من السايق يروح به للعنوان اللي كان مكتوب بجواله وصل وكان البيت انيق بس صغير يكفي لشخصين
اما ميس اول ماطلعت توجهة له  دقت الباب بعد دقايق فتح لها
ميس : يارب عندك اكل ميت جوع
بدر ابتسم : اي عندي جيت بوقتك توه واصل ادخل
ميس شالت جزمتها ولبست جزمة البيت  : كيفك وكيف دوامك
بدر : الحمدلله ماعلي اخيرا اقتنعت تنام عندي
ميس ابتسمت له : لا غلطان برجع بيتي بس اني ماحب اكل بروحي بعد ماتوفت مربيتي
بدر جلس يناظرها فتره : اقول ابوي يسال عنك ويقول لك فتره ما اتصلت عليه
ميس : بتصل بس خلني اكون رايق
بدر جاه تساؤل ليه ابوي يهتم بتميم مع اني ماعمري شفته حولنا انقطعت افكاره بسوال ميس
ميس : انت بترجع للرياض اليوم طيارتك صح ؟!
بدر : اي والله طيارتي اليوم بتقدر تدبر امورك كلها شهر وارجع
ميس عطته نظره : بزر ماعرف ادبر اموري وبعدين اكيد بجيكم بالويكند مشتاق لعمي طلال
بدر : تمام اللي تشوفه
وقفت وسلمت عليه : يلا انتبه لنفسك وبلغني اذا وصلت الرياض
بدر : ان شاء الله
طلعت من عنده للسياره اللي تنتظرها عند الباب توجهة لبيتها اول ماوصلت دفعت الحساب ونزلت طلعت مفتاحها وللحين تحس بخمول ودوخه لما فتحت الباب جاها صوته من وراها
شهاب : تميم
ميس جمدت مكانها وضحكت : مو لها الدرجه بجلس اتخيل صوته حتى هنا
شهاب قرب من وراها : ماتتخيل ياتميم
التفتت له وبصدمه : شهاب
شهاب : اي شهاب
ميس : شتسوي هنا ؟؟
شهاب : مارح تدخلني
ميس ارتبكت ماكانت تبيه يدخل : تفضل
شهاب دخل قدامها اما هي دخلت بعده وسكرت الباب
فتحت الباب : حياك مافي احد
شهاب استغرب البيت هادي وين اللي كان يجي يركض يشوف تميم لما يرجع : وين مربيتك
ميس وهي تدخل للصاله : توفت
شهاب انصدم من الخبر وكانه صاعقه وماعرف وش يقول
ميس : وش تحب تشرب
شهاب تلبك ماعاد عرف وش يسوي او وش يقول : عظم الله اجرك
ميس ابتسمت : اجرنا واجرك وش تحب تشرب
شهاب : نفسك
ميس بستغراب : عصير ؟!
شهاب هز راسه بالايجاب
ميس : طيب اي نوع ؟!
شهاب : عادي اي شي
ميس دخلت داخل واستندت على جدار المطبخ : ليه رجعت كيف عرفت بيتي وكيف عرفت اني هنا
شهاب كان يناظر المكان مرتب ونظيف معقوله يعيش بروحه من عنده اجل لو مايعيش بروحه
ميس دخلت وبيدها كوبين عصير وبجنبه حبوب عطته العصير وخذت الصينيه وكلت الحبوب وبعده العصير سكتت فتره : ليه جاي
شهاب رفع راسه لها : ايش تقصد
ميس : شهاب ليه جيت هنا ؟!
شهاب كانه تذكر الموقف اللي صار له قبل سنه: طلعنا للدوام سوا واتفقنا على انك بتقبلني من جديد بنص الدوام اسال عنك اشوف منك ورقه وبعد ما اروح لبيتكم اشوفك نقلت ويطلع جاركم يعطيني الورقه وانك رحت لييه طيب
ميس سكتت ماكان عندها اجابه للاسئلة