مرافق♥️ { مكتملة}

بارت ١١

استغرب كلامها : انت تتجاهلني ؟!
بدا يفكر بتصرفاته قبل كيف معاها حق كان يتجاهلها اليوم بطوله او بالاصح يتهرب منها تنهد بضيق
بالرياض
بعد وصوله استقبله ولده : الحمدلله على سلامتك
طلال ببتسامه: يسلمك ربي
بدر : اشوفك جاي بروحك اكيد تميم مارضى يجي
طلال : تميم عنده حياته بالدمام افضل من هنا بس بيجي زياره قريب
بدر شال الشنطه من ابوه : قريب اول مره بيجي بعد سنه صح ؟!
طلال : اي
بدر : شالطاري
طلال بتغيير للموضوع : اسكت مابغى يجي خله وبعدين عاد يصير خير
بدر رفع كتفه بعدم اهتمام : اللي تشوفه يبه
نرجع للدمام بعد ٤ ساعات صحت من النوم انتبهت لنفسها بسريره استغربت وقفت بتمشي لبرا الغرفه جلست من جديد دخل للغرفه وشافها جالسه
شهاب بهدوء : ارجع نام تو الناس وجسمك يحتاج للراحه
ميس رفعت راسها : اسف
شهاب طلع الحبوب وكوب المويه وعطاها اياها : على ؟!
ميس : على اللي صار قبل
شهاب بتجاهل : ما اتوقع صار شي يستدعي انك تعتذر
ميس كلت حبوبها ووقف بتروح اختل توازنها وتمسكت فيه جلسها على السرير
شهاب بحزم : قلت لك اجلس بالفراش جسمك للحين يحتاج ترتاح
ميس كانت مقهوره انها مو قادره توقف بوجهه خذت الحاف وبعدت عنه : مارح ترتاح انت ؟!
شهاب : ماعليك مني ادبر عمري ماني مريض مثلك
استوعب اللي قاله اما ميس تجمعت الدموع بعيونها خذت اللحاف وغطت نفسها كتمت انفاسها علشان ماتبين له انها تبكي
شهاب جلس على طرف السرير وحرك شعرها بحنيه : انا اسف مو قصدي والله بس انك مريض ولازم ترتاح والعناد اللي تتعامل فيه مارح يفيدك ابد
ميس مسحت دموعها : لاتحاتي كم الساعه الحين ؟!
شهاب : الساعه ٤ الفجر
ميس : صحيني لما يجي وقت الدوام
شهاب بجديه :بتداوم بهالتعب اللي فيك ؟!
ميس : لازم اعوض عن الايام اللي بغيبها
شهاب بعدم فهم : شتقصد ؟
ميس بتعب : عادي انام ولما اصحى بقول لك على كل شي ؟
شهاب غطاها وطلع قفل الانوار وجلس بالحديقه اللي برا
ظل جالس بدون مايجلس على جواله او حتى يكلم احد سمع صوت خطوات وراه
شهاب : مو قلت لك ريح ؟!
راجح : هذا انا استاذ شهاب
شهاب التفت : هلا راجح تعال ولاتقول استاذ يكفي شهاب
راجح : تمام
شهاب : صار شي بغيابي
راجح : صار بس مدري اقول او يقول لك تميم افضل
شهاب : قول اللي عادي تقوله واللي يخص تميم خله هو بيقوله
راجح : امس بالشركه كان يتكلم مع واحد معاه بالدوام
شهاب : فهد ؟؟
راجح : اي
شهاب : كمل
راجح : لما جاء يطلع من دوامه قال له انتبه لنفسك انت كل مره تقول انك بخير تنقلب حالك
شهاب تفكير : والمعنى ؟!
راجح هز كتفه : مدري انت اللي بتعرف اكثر مني
شهاب : تقصد حالته الحين ؟!
راجح : ليه هو فيه شي الحين ؟!
شهاب : اي جاه انهيار من التعب والضغط
رااجح سكت ووقف مشى لداخل البيت اما شهاب ظل جالس الصباح الساعه ٦ فتح الغرفه شافها نايمه بهدوء
شهاب : تميم تميم اصحى يلا
ميس فتحت عيونها بثقل : كم الساعه ؟!
شهاب : الساعه ٦ اصحى يلا بدل وبجهز الفطور
ميس جلست بالسرير بتعب وقفت وراحت لغرفتها بدلت وخذت الحبوب اللي على الطاوله طلعت للمطبخ شافت الفطور بدت تاكل بصمت شهاب كان جالس قدامها واكتفى بالقهوه كانت انظاره عليها طول الوقت
شهاب : مصر تداوم ؟'
ميس رفعت راسها وبلعت اللي بفمها : اي بداوم قلت لك علشان اعوض الغياب اللي بغيبه
شهاب سكت
ميس بعد فتره صمت : مشغول اليوم ؟!
شهاب : ليه ؟
ميس : ابغى اكلمك بموضوع بعد ما اخلص دوام
شهاب : لا ماعندي بجي اخذك ونروح وين ماتبي
ميس : تمام
طلعو من البيت وطول الطريق ساكتين بعد مانزلت شافته لسه بالسياره
ميس : اذا بتضل بالسياره انزل عندي
شهاب : لا بروح اجيب قهوه
ميس بزعل : توك شربت بالبيت
شهاب : بجيب لنا عصير انا وانت كذا كويس
ميس برتياح : اي عادي جيب لي شي ثلج اذا فيه
شهاب : تمام
دخلت لمكتبها وبدو دوام بالبريك
فهد سند نفسه على الباب : تميم انت متاكد انك بخير ؟!
ميس ناظرته فتره : اي متاكد ليه
فهد ابتسم : بس هذا المهم
ميس : شصاير ؟!
فهد كان بيتكلم بس تفاجئ من الصوت اللي وراها
وقف وراء فهد وبصوت هادي : ممكن تبعد
فهد استغرب الحين البريك وومنوع يدخلون المراجعين : بريك الح
ماكمل كلامه لان ميس تكلمت : فهد بشوف ايش يبغى لاتهتم
دخل وجلس على الكرسي طلع  فهد سكر الباب وراه
ميس : تفضل
جلس بصمت  بعدها تكلم : ابي اسمع منك انت
ميس استغربت : تسمع مني ايش ؟!
اخذ نفس وتكلم : تميم صح ؟!
ميس : اي نعم
برا المكتب
جاء ومعاه عصير لها انتبه لفهد اللي واقف ومعقد حواجبه ويناظر باب مكتب ميس
شهاب : شفيك !!
فهد : فيه شخص دخل لتميم له ساعه وللحين ماطلع
شهاب بستغراب : ماتعرف من هو ؟
فهد : لا اول مره اشوفه
انفتح الباب وطلع مد يده لميس : مع السلامه انتبه لروحك
ميس: ان شاء الله
ابتسم : ولاتقطع
ميس : ابشر
ودعها وطلع اما فهد اللي كان الفضول ذابحه : من هذا
ميس : مراجع قديم من الشركه القديمه اللي كنت فيها
شهاب مراجع من الشركه القديمه ؟! بس هو قال لي انه هذي اول وظيفه له حتى اخوياه
ميس التفتت له : ادخل شهاب
شهاب دخل بصمت وجلس معها عطاها العصير ومر الوقت والدوام بهدوء
بالطريق للبيت
شهاب : تبي مكان قبل نرجع للبيت ؟!
ميس : لا بس مارح ناخذ غداء ؟!
شهاب : راجح جاب الغداء
ميس : اجل نروح للبيت
تغدو بعد الغداء سوت شاي وجلست بالحديقه مع شهاب كان الجو حلو
ميس بتردد : شهاب فيه موضوع بقوله لك
شهاب : قبل لاتقول شي بوضح لك شغله
ميس رفعت راسها وجات عينه بعينها : وش
شهاب : على كلمتك امس اني اتجاهلك انا ما اتجاهلك بس ما ابغى يصير لك شي بسببي فا علشان كذا تجاهلتك
ميس عقدت حواجبه : ليه تتجاهلني وتحميني من مين ليكون مراد ؟؟
شهاب سكت وماتكلم
ميس بعدم استيعاب ضحكت : بوضح شي مراد يطاردني من ٦ سنوات مو تو فا ريح بالك ولاتفكر فيه كثير
شهاب تنهد : اسف
ميس تنهدت : لاتتاسف ماسويت شي تتاسف عليه
شهاب : قول وش موضوعك
ميس : كلمت عمي اني صبر دقيقه لو انا بسافر انت وش بتسوي ؟؟
شهاب : بروح معك الا عاد اذا ماتبيني
ميس ناظرت يدينها اللي متشابكه : بروح للرياض
شهاب ناظرها بدون تعابير ولفتره : هاا
ميس : كلمت عمي امس اني بروح للرياض وانك بتروح معي بس لازم اكلمك
شهاب بستغراب : سنه مارح !! وش صار حاليا
ميس : حمد قال لي انه بيسافر ويبيني اروح معه علشان اخوانه طالبين منه يروح وانا معاه
شهاب بتفهم : اها تمام نروح بس بشروطي
ميس انصدمت : شروط ؟!
شهاب : اول شي وين بتجلس لو رحت للرياض
ميس : بروح لشقتي
شهاب : تقصد بيت
ميس قاطعته : لا شقتي عندي شقه بالرياض غير البيت اللي كنت فيه
شهاب : انا جيت وسكنت عندك صح؟!
ميس فهمت قصده : تبغاني اروح معاك لبيتك ؟! والشرط الثاني
شهاب : ماعندي غير هالشرط اذا موافق رحنا اذا مو موافق جلسنا
ميس بتفكير : بامكاني اروح واتركك بس انك جاي علشاني علشان كذا ماقدر اخليك واروح فا موافق
شهاب : متى بتروح؟!
ميس رفعت كتفها : مدري لسه مارديت خبر لحمد
شهاب : العصر نروح له الكوفي وتكلمه
ميس : تمام
راحت لغرفتها تنام شوي على بال ماتصحى بعد ساعه  بس صحت وانتبهت لغرفتها مظلمه مافي اي نور انتبهت للساعه بجنبها الساعه كانت ٦ المغرب قامت بتعب حست بالم بحلقها غسلت وجهها وطلعت من غرفتها
مشت لبرا شافت راجح جالس
ميس : مساء الخير
راجح ابتسم ووقف : مساء النور
ميس : وين شهاب ؟
شهاب جاء من وراها : هذاني
ميس التفتت عليه  : مانمت
شهاب : الا نمت * كمل * روح بدل يلا خلنا نطلع
ميس ابتسمت : يلا
بالطريق كان الجو هادي مره
اول ماوصلو للكوفي انتبه حمد لجيتها ابتسم
حمد : هلا والله
ميس ابتسمت : هلابك فاضي ؟
حمد التفت : تعالو اجلسو
جلسو كلهم
ميس : متى ناوي تروح ؟!
حمد بفرح : بترووح ؟!
ميس : اي بروح كلمت عمي ورجع هو الرياض قبلي فا جيت اسالك متى ناوي ان شاء الله
حمد : بكرا يناسبك
شهاب اللي كان جالس ساكت التفتت له هز راسه بالايجاب ميس ابتسمت
ميس : خلاص الصباح !!
حمد : اي الصبح
ميس : تمام اجل
بعد ماجلسو معاه طلعو لمطعم كلو وبتمشو عاى الكورنيش بعد ما انتهو توجهو للبيت
شهاب : روح رتب نفسك واذا خلصت نجلس
ميس عقدت حواجبها : فيه شي ؟!
شهاب : لا مافي
ميس ارتاحت انه مافي شي وراحت لغرفتها بدت تجهز ثيابها وتذكرت تتصل على طلال اتصلت مارد عليها وكملت ترتيب بعد ماخلصت كانت طالعه وسمعت صوت جوالها انتبهت انها نسته رجعت وخذته
ميس : هلا والله
طلال : ياهلا فيك ياعيني
ميس : الحمدلله على سلامتك
طلال ابتسم : يسلمك ياروح طلال
ميس انحرجت وماردت
طلال ضحك : للحين تستحي ؟!
ميس : بس
طلال حاول يكتم ضحكته: تمام تمام  شفيك كنت منشغل بالعياده ماقدرت اني ارد
ميس بتذكر : اي كنت بقول لك اني بجي للرياض بكرا الصبح
طلال بصدمه: ليه ماقلت لي علشان اجهز الشقه
ميس : ماهو هذا السالفه اللي بقولها لك
طلال استغرب : فيه شي ؟!
ميس : بظل مع شهاب
طلال سكت فتره : ليه
ميس : كذا يقول مايسوى تروح وكلها يومين ونرجع
طلال بتفكير : تمام موافق بس على شرط تجي تزورنا
ميس ابتسمت : من عيوني
طلال : يسلم لي عيونك ياروحي
ميس : يلا الحين بروح تامرني بشي ؟!
طلال : لا سلامتك ياروحي انتبه لنفسك بكرا
ميس سكرت منه وطلعت طلعت رقم فهد واتصلت عليه
فهد : ياهلاااا على اللي طرينا عليهم
ميس : بختصر
فهد : مالت انا كنت عارف عندك شي ومو لله
ميس : يصير اخذ اجازه؟
فهد بتفكير : بتاخذ اجازه انت بكامل قواك العقلية
ميس : خلاص كنسل
وصلت للصاله اللي كان جالس فيها يشرب كوب حليب دافي
فهد بتسرع : لا لا انتظر والله امزح خلاص تعال اسمع كم يوم تبي
ميس : للحين ماحددت بس حطه يومين
فهد : تمام يلا اجل عزمت تروح للرياض اخيرا
ميس سكتت فتره : اي بروح
فهد : انتبه لنفسك وربي يحفظك
ميس : ابشر وانت بعد
سكر منها وجلست بجنب شهاب بتعب : شهاب
شهاب التفت عليها : عيونه
ميس سكتت تناظر يدينها : خايف
شهاب حس فيها وسندها عليه حطت راسها على صدره  : لاتخاف مارح اتركك بروحك
ميس : مو على
شهاب : اجل
ميس : خايف بس مدري وش السبب
شهاب : لاتفكر وبعدين تتعب من التفكير علشان كذا ريح نفسك
ميس سكتت وماحست بنفسها لانها لما تكون بجنب شهاب تحس بالامان والهدوء دخل عليهم راجح
راجح انتبه لها نايمه وبهمس : جهزت السياره علشان بكرا ورتبت فيها الاشياء تحتاج شي ثاني
شهاب : روح ارتاح علشان بكرا فيه طريق ومشوار
راجح : تمام
تركه وراح لغرفته اما شهاب اللي اخذ اللحاف اللي بجنبه وغطاها وسند رجولها على الكنب غطاها وقفل الانوار