مرافق♥️ { مكتملة}

بارت ٩

طلع طلال وبقى شهاب معها
ميس ناظرته وتعابيرها كلها تدل على الخوف والتوتر : تبي شي ؟! بروح لغرفتي
شهاب استغرب تصرفها : لا ليه تروح لغرفتك اجلس معي
ميس : لا معليه بروح عندي كم شي ارتبه
شهاب : تمام بس تخلص تعال عندي
ميس هزت راسها بالايجاب
تركته وراحت لغرفتها جلست على السرير اول ماسمعت صوت الرعد ثاني مره فتحت الباب ودخلت
بالرياض
جاسر : بس هذي الاوراق اللي طلبها استاذ شهاب
ادهم : اي ليه
جاسر : ادهم اجلس بسالك سوال
ادهم جلس : فيه شي ؟!
جاسر : بقول لك تعرف احد بالمكتب قريب من الاستاذ مراد
ادهم بتفكير : فيه بس انها بنت من الموظفات
جاسر عقد حواجبه : طيب وايش علاقتهم ؟!
ادهم بتذكر : دقيقه الموضوع كان ان هذي الموظفه تعاملها مع مراد ماكان عدل الوضع وبنفس الفتره اللي طردها استاذ مراد جات للاستاذ شهاب وقالت له انها رح تساعده بمعلومات عن استاذ مراد
سكت وجاسر كان مركز معاه : وبعديين ؟!
ادهم : واستاذ شهاب بيومين اخذ منها معلومات مع اني ما احس انها مهمه يعني عن روتينه ومن يتعامل معاهم
جاسر بتفكير : وبكذا شهاب طاح بالمصيده
ادهم بعدم فهم : تكلمني استاذ
جاسر بتدارك : لا مشكور يا ادهم فيك تروح الحين
ادهم استئدن وطلع
جاسر ببتسامه : يعني تلعب مع شهاب ال ** وتبي الموضوع يمر بسهوله
اتصل على مؤيد اللي كان نايم ولا رد عليه قرر ينتظر لما يقول لمؤيد ويقول له على اللي بيسويه
بالدمام
شهاب كان جالس : تاخر
وقف وراح بتجاه غرفتها دق الباب مافي رد فتح الباب ماحصلها استغرب : تميم ؟!
ميس سكتت فتره ماتبي يعرف عن مكانها وينتقدها او يقول شي فيها بس لما استمر ينادي : انا هنا
شهاب التفت لناحية الصوت : بالدولاب ؟!
ميس كانت عيونها مليانه دموع سكتت وماتكلمت اكتفت بانها تمسك باب الدولاب بالقوه قرب من الدولاب حاول يفتحه بس ماقدر : تميم بعد عن الباب وتعال معي
ميس : تكفى شهاب اتركني الحين
شهاب سمع صوت الرعد وتذكر تصرفاتها : انت تخاف من الرعد
ميس لما سمعت الصوت رجفت : اي
ارتخت يدينها من الباب شهاب لما انتبه للباب انه ماعاد مسكر بقوه فتح الباب وشافها جالسه بالدولاب وترجف وعيونها مليانه دموع
شهاب بتعابير بارده : تعال تميم
ميس رفضت مسكها وشدها له ضمها بقوه : خلك كذا لما تهدا انا معك مارح اتركك تواجه خوفك بروحك
ميس حاولت تبعد عنه بس شده لها كان اقوى فا ماقدرت تسوي شي
خفف مسكته لها وجلس على السرير ميس بدت عيونها تثقل اول مره تحس بهالامان والدفا من بعد ما ماتو امها وابوها وتركوها للحياه كانت عايشه مع ميرفت صح بس ماعمرها نامت وهي بهالخوف ماحست بنفسها ونامت بعد ساعتين دخل للبيت وبدا يدورهم دخل لغرفتها شافها نايمه وسانده راسها على صدر شهاب وهو نايم استغرب وش صار بغيابي تجاهل كل الافكار وركز بفكره ان ميس كانت نايمه ومطمنه بنومتها
بالرياض
كان بالصاله جالس وطلع اخوه من الغرفه
سيف : اقول يزن حمد متصل عليك ؟!
يزن : اي واتصلت مايرد
سيف جلس بجنبه : اي هذا اشوفه مايرد استغربت
يزن : يمكن مشغول او طالع
دق جوال سيف
سيف فتح الكام : ياهلااا
حمد ببتسامه: هلا فيكم شخباركم
يزن : بخير وانت
سيف : عال العال
حمد: بخير ماعلي والله كيف امور الدوام ؟!
سيف بتنهيده : لاتذكرني من جانا نقل احس روحي بتطلع
حمد بغضب : بسم الله عليك كم مره قلت لك لاتقوول كذا ؟!
يزن : وهو صادق ليه تهاوشه انت هناك وامي وابوي هناك واحنا هنا كيف كذاا
حمد : بالويكند بجيكم
سيف بحماس : صدددق مع من ؟!
حمد ناظره فتره : لاتقول تبيني اجيب تميم
يزن : اي اي جيبه معاك خلونا نغير جو
حمد : لا لا لان صديقه عنده وعمه اللي كان يكلمنا عنه تذكرونه
سيف عقد حواجبه : اي طلال اتوقع اسمه صح
حمد : اي هو جاي له ولا ادري متى بيروح
يزن : بس انا محتار في شي
سيف : وش
يزن : شهاب ذا هو نفسه شهاب ال ** ولا
سيف بتفكير : صاددق والله ماجات ببالي
حمد : ماعلينا اذا عمه بيجلس عنده مارح اتكلم معاه بموضوع السفر اما اذا لا بكلمه يمكن بعد خويه مايجلس عنده
يزن : اي والله تكفى كلمه خله يجي وتنفك عقدة الرياض منه
حمد : تمام
نرجع للدمام
ميس صحت من النوم ودخلت للحمام طلعت وبدلت لبسها ماتتذكر وش صار بس تتذكر شي واحد اللي هو كانت تبكي بالدولاب وش صار بعدين من جابها على السرير
طلال فتح الباب بشويش : صح النوم ياجميل
ميس التفتت ببتسامه: صح بدنك
طلال : بخير وانتي كيف نومتك
ميس : الحمدلله الا اقول انت اللي جبتني لسرير ؟!
طلال : لا شهاب ولما جيت شفتك نايمه
ميس تنهدت : تمام وينه هو ؟!
طلال : طلع مع ذا اللي كان هنا معاه يقول مشوار قريب ويرجع
ميس : تمام يلا نروح انا وانت ؟؟
طلال بستغراب : وين ؟
ميس ببتسامه : نمشي على الكورنيش ولا ماتبي
طلال ببتسامه : الا ليه ما ابغى
ميس : اجل يلا البس شي يناسب وحلو وكشخه ودافي
طلال بستغراب : وش له هذا كله
ميس : لاننا بنطلع للبحر وبجنبه مجمع كوفي ومطاعم منه ناكل ومنه نغير جو ومنه ناخذ قهوه
طلال : تمام يلا اجل
راح طلال للغرفه يبدل اما هي راحت برا بالحديقه جلست تفكر بالايام الجايه ايش رح تسوي دق جوالها وفزت بخوف
ميس : نعم ؟!
فهد : وينك ياحلو
ميس : اختصر
فهد بنبره حزن : حرررام عليك طفشان خلنا نطلع
ميس : بطلع مع عمي
فهد : قول له تكفى ابيييي اطلع طفشان
ميس : فهدد
فهد بغزل : عيييون فهد خلنا نطلع عاد بلا نذاله
ميس انتبهت لدخول شهاب
شهاب : سلام
ميس : وعليكم السلام
طلع طلال من البيت : هلا والله شهاب
شهاب ناظرهم اثنينهم : طالعين ؟!
ميس : دقيقه شهاب ياعم فهد معاي بالدوام يقول انه يبي يطلع معنا عادي
طلال ببتسامه : خله يجي اتعرف على اللي حولك
فهد بشهقه من الجوال : يالظالم بس معي بالدوام حرام عليك عشرت عمر
ميس بنبره تشديد : ٣ اشهر بس ترا المهم تجهز يلا
فهد : طياررره
سكر بوجهها التفتت على شهاب : بنطلع للشاطي وبنفس الوقت بناكل وناخذ قهوه وبنجي
شهاب هز راسه : لا مارح اروح روح انتو وانبسطو
دخل للبيت وتوجه لغرفته طلال التفت عليها
طلال : فيه شي ؟!
ميس رفعت كتفها : مدري والله دقيقه
طلعت برا وانتبهت له جالس بسيارته راحت له ودقت النافذه
راجح : هلا
ميس : طلعتو مكان مع شهاب
راجح : اي ليه
ميس بجديه : فيه شي ؟! صاير شي
راجح : لا لاتحاتي مافي شي
ميس بتاكيد : راجح ترا اعرف شهاب اكثر منك تكلم فيه شي
راجح : جاته مكالمه من شوي وقلبت مزاجه
اما شهاب اللي كان بغرفته يتذكر مكالمة جاسر له
جاسر : وهذا اللي صار يعني اللي وظفتها تاخذ منها اخباره صارت تنقل له اخبارك بالملي
شهاب بعصبيه : بس كيف عرفت اني هنا كيف اني مع تميم ؟!
جاسر : مو الاصح انك تسال تميم عن هالسوال يمكن يكون عنده اجابة
شهاب : تمام يلا سكر وصلت البيت
رجع للواقع على دقت الباب
شهاب : ادخل
ميس فتحت الباب وواستندت عليه : شهاب ماودك تروح معنا
شهاب : لا روحو انتو قلت لكم
ميس بجديه : شصاير معك من اللي قالب حالك
شهاب اساله او لا : تميم بسالك
طلال جاء من وراهم : يلا ياعيال خلونا نطلع
ميس : يلا شهاب قوم والسوال تساله لما نروح يلا قومم
شهاب وقف : تمام علشان خاطر عمي ولا لو علشانك مارحت
ميس ابتسمت انه غير رايه : اقول امش ولاتكثر حكي
طلعو وراحو كلهم شهاب وراجح قدام طلال وميس وراء مرو فهد وجلس بجنب ميس اول ماوصلو
فهد بهمس : اوووه يالجمال
ميس اللي ماكنت حوله وسمعته التفتت وشافت من يقصد ضربته : استح على وجهك شوي
فهد بحلطمه : وش قلت يعني
ميس : اقول امش بسرعه
طلال ببتسامه لفهد : شوف اللي بجنبك
ميس فتحت عيونها : حتى انت طلال
راجح : انت تتكلم معه كذا عادي باسمه
طلال : تميم الوحيد اللي ياخذ راحته بكل شي
شهاب كان ساكت وماعنده اي ردت فعل ومو معاهم همست لطلال
ميس : خذ العيال بشوف شهاب شفيه وبنجي وراكم
طلال ناظر شهاب اللي سرحان : تمام اصلا كنت بقول لك
مشو قدام مع طلال لانه جذبهم بالكلام
ميس : شفيك شهاب مو على بعضك من رجعت
شهاب انتبه لها : ها لا ولاشي بس اقكر
ميس : وش السوال اللي كنت بتقوله
شهاب : بقول لك بس اتمنى ماتزعل بقول لك سبب هالسوال بس خلني اعرف اول
ميس : طيب قول
شهاب : فيه احد تتواصل معه من الشركة قبل
ميس وقفت بتفاجئ: وش هالسوال
شهاب : تكفى جاوبني وقول لي الصدق
ميس : اي فيه بس ما اكلمها دايم
شهاب : بنت ؟!
ميس : اي جواهر المسؤولة عن الاستيراد
شهاب مسكها من كتفها : يعني انت تقول لها عن كل شي قلت لها عن اني عندك هنا ؟!
ميس انصدمت من ردت فعله : لا ماقلت لها انك عندي اصلا ماتدري اني اعرفك بس تتكلم كثير عنك وامس ارسلت لي
شهاب : ايش ؟!
ميس طلعت جوالها وفتحت الرسايل كانت موجوده رسالتها شهاب بدا يقرا من جواهر
تميم انت تعرف اخبار الشركة عندنا او عن استاذ شهاب
ميس : لا ماعرف من طلعت ماعاد عرفت شي
جواهر : بس استاذ شهاب رايح للدمام تتوقع جاي يرجعك ؟!
ميس : لا ماتوقع انا واحد من موظفينه وانفصلت
جواهر بضحكه : اها تمام يلا اجل يمكن رايح يضبط اوراق ماقلت لي
ميس : ايش
جواهر : انت استقريت بالبيت اللي قلت لي عنه
ميس : اي يلا تامريني بشي
جواهر : لا سلامتك بدري
ميس : لا بطلع عندي شغل مهم
جواهر : تمام انتبه لك
شهاب بانت العروق برقبته ان شخص يستغفله بشركته
رقى للمحادثات انتبه ان محادثات ميس لجواهر رسميه واللي ماخذ راحته جواهر رجع الجوال
ميس : مو ناوي تفهمني
شهاب : فيك تقول ان جواهر هذي جالسة تراقبك
ميس بصدمه: تراقبني ليه ؟!
شهاب حرك شعره بنزعاج : مدري بعرف واقول لك بس لاتبين لها شي وتجاهل رسايله هالفترة
ميس مو فاهمه شي بس انا واثقه فيه : تمام
مشو للداخل ومر اليوم بسلام عليهم وكان حلو بعد مافضفض شهاب عن اللي بخاطره
بالليل طلع من غرفته متوقع رح يحصلهم بالمجلس لان الجو بارد طلع برا وحصل طلال جالس وقدامه النار تشتغل لما قرب منه انتبه لها حاطه راسها على فخذ طلال ونايمه قرب منهم وجلس
شهاب بهمس: برد مو زين ينام هنا
طلال ابتسم : علشانك ماتعرف حب تميم لهالنومه
شهاب : ليكون بتصحيه علشان يدخل ينام
طلال : لا بشيله وادخله وصح يقول لك اترك راجح ينام معي
شهاب بصدمه: معه ؟!
طلال ضحك : لا معي انا مو مع تميم
شهاب اخذ نفسه : اها
طلال : شفيك تنهدت كذا
شهاب : لانه مو راضي ينام عندي انصدمت من الكلام
طلال هز راسه بالنفي وبعدها شوي شالها للداخل اما ششهاب طلع وراح للسياره
شهاب : ادخل نام داخل
راجح : لا بنام هنا مابي اكلف عليكم
شهاب بجديه : انزل هذا كلام تميم مو كلامي
راجح نزل وراح مع طلال للغرفة ينامون وشهاب راح غرفته علشان ينام