The Arrogant Client (Freezell #6) [Completed]

Twenty

THERE WERE LOTS OF SUDDEN CHANGE IN POINT OF VIEWS. BE CAREFUL IN READING PARA HINDI MAGULUHAN.

    

GRISS

      

"Neptune!" Naglalandas na ang mga luha ko sa mga mata habang hawak ko ang katawan ni Neptune na tadtad ng bala.

         

"R--Run," hirap na hirap na wika niya sa akin.

        

"Why did you fucking do that!?" Halos hindi ko alam kung anong parte ng dumudugong katawan niya ang tatakpan ko.

           

"L--Leave me. S--Save yourself," sinundan pa ito ng pag-ubo niya na naglalabas na ng dugo.

          

"Bayani," anang isang tinig kaya't napa-angat ako ng tingin at halos hindi maprosesa ng utak ko ang nakikita ko.

         

"A--Anong ginawa mo!?" Galit na turan ko dito ngunit imbes na sumagot at sumenyas ito sa kung saan saka may mga lalaking bigla na lamang tumungo sa amin ni Neptune at binuhat kami.

         

Gusto kong lumaban ngunit nanghihina ako sa nasasaksihan kong kalagayan ni Neptune.

        

"Dadalhin pa ba ang lalaki? Mukhang dehado---"

       

"Huwag kang magmarunong sa akin. Dalhin silang pareho," anang tinig na iyon.

           

Sinasabi ng isang parte ng utak ko na manlaban ngunit bumubulong ang isa na magpatianod na lamang dahil mas mapapahamak si Neptune kung gagawa ako ng hindi maganda.

         

Sa huli ay kapwa kami isinakay ni Neptune sa isang sasakyan.

       

"Lalapatan ko ng lunas ang isang ito, baka hindi umabot," wika ng isa sa mga narito sa sasakyan saka sinira ang damit ni Neptune.

           

"Bakit niyo binaril kung gagamutin n'yo rin naman," puno ng kasarkastikuhan na pahayag ko sa kanila kahit na ang totoo ay alalang alala ako sa kalagayan ni Neptune.

       

"Hindi para sa kanya ang bala, sa iyo sana talaga. Nagkataon na bayani pala itong mang-iibig mo," sagot niya sa akin na ikinakuyom ng mga nakatali kong kamay.

        

"Wala akong naaalalang may atraso ako sa'yo," singhal ko dito ngunit tinawanan lang ako nito.

       

"Wala akong sinabing may atraso ka sa'kin," sagot niya saka itinuon ang tingin sa harap.

        

"Kung ganoon bakit ninanais mo akong patayin!? Sana tinuluyan mo nalang ako!"

       

"Not so easy, Griss. Isa pa, eksperto ako sa paghawak ng baril, bakit sa palagay mo hanggang ngayon hindi pa namamatay iyang mang-iibig mo?" Bakas sa tinig nito ang kayabangan.

            

"Of course you're an expert. Lumaki kang nakikita mo kung paanong humawak ng baril, at isa pa, nananalaytay na nga pala sa dugo mo ang pagiging kriminal," sagot ko rito na muli lamang nitong tinawanan.