The Arrogant Client (Freezell #6) [Completed]

EPILOGUE

GRISS

      

Narito kami ngayon sa Phyrric ni Ayler at si Ayrill naman ay isinama ni tita Aiyell para mamili ng mga gagamitin niya para sa pagpasok niya sa eskwela. Kahit na nagpilit kami ni Ayler na kami na ang bibili, si tita Aiyell pa rin ang nasunod kaya't wala kaming nagawa. What tita Aiyell wants, tita Aiyell gets talaga.

     

"Buntis!" Sigaw sa akin ni Syreen kaya't agaran akong napalingon sa kanya. Lumapit siya sa amin ni Ayler saka tinignan ng masama si Ayler. "Tulis naman talaga."

         

Nginisian siya ni Ayler. "Iba ang karisma ng isang Freezell Mondragon," pagyayabang nito.

        

Napailing si Syreen at ngumisi. "Hinding hindi ako maiinlove sa isang Freezell na may tama sa ulo. Itaga mo 'yan sa abs ni Ji Chang-wook!"

      

"Huwag kang magsalita ng tapos," napalingon kami sa pagpasok bigla ni Aeignn sa senaryo.

       

"Aeignn," bati ni Ayler dito.

        

"Kuya," sagot naman nito pabalik. "Mom is asking the two of you at the interrogation room."

           

Nagpaalam ako kay Syreen saka na namin tinahak ang daan patungo ng interrogation room. Malapit na kami nang may makita akong babaeng hindi pamilyar sa akin na nakaupo sa isang bench.

          

"Aeignn." Pukaw ko sa atensyon ni Aeignn kaya't napalingon siya sa akin.

      

"Why?" Tanong nito.

        

"Sino 'yong babaeng 'yon?" Usisa ko. Hindi lang ako sanay na may ibang mukha sa loob ng Phyrric. Kilala ko rin kasi ang mga babaeng umaaligid sa mga Freezell kaya't naninibago talaga ako.

         

"She's Lindzzy Sebastian, a college student," tipid na sagot sa akin ni Aeignn.

       

"Obvious naman 'yon, naka-uniform pa. I mean, anong ginagawa niya rito? New agent ba---"

       

"Definitely not. She's so timid," maagap na sagot sa akin ni Aeignn.

   

"So, ano palang ginagawa niya rito?"

       

"She's with---" hindi natapos ni Aeignm ang sasabihin niya dahil may biglang umakbay sa kanya. It was Leik Andrey Freezell-- Laugthner. Pinsan din nila Ayler.

        

"Aeignn! Kanina pa kita hinahanap," nakangiting wika nito saka bumaling sa amin. "Nandito pala kayo. Hi kuya Ayler and Griss!" Masayang bati ni sa amin.

        

Bumati lamang ako pabalik dito. Hindi mo iisipin na malokong bata itong si Leik dahil ngayon ay nakasuot ito ng pormal na damit.

       

"Kapid na kapid ang pagiging professor ah brader!" Pang-aasar ni Ayler ngunit ngumisi lang si Leik at nagkibit balikat.