The Arrogant Client (Freezell #6) [Completed]

Fifteen

GRISS

     

Unti-unti siyang naglakad palapit sa amin--- o mas tamang sabihin na palapit kay Ayler.

      

"Have you forgotten everything about me? About us, Ayler Liam Mondragon?" Iba ang kabog ng dibdib ko. Parang gusto ko nalang maglaho.

         

"C--Cyan," dama ko ang pagkakagaralgal ng tinig ni Ayler sa pagtawag lamang sa pangalan niya.

      

Sa tagal kong nawala sa buhay ni Ayler, hindi ko alam kung anong naganap sa mga taon, buwan, araw at oras na 'yon. Wala akong kahit na katiting na ideya kung anong klaseng buhay ang mayroon siya noong mga panahon na wala ako at nagpapakahirap upang makapasok ng Phyrric. Hindi ko na alam kung anong dahilan at bumabalik muli sa buhay niya ngayon si Cyan na kababata niya.

        

"Bakit ka nauutal? Ako lang 'to," nakangiting wika ni Cyan at sa gulat naming pareho ni Ayler ay hinawi nito ang pagkakahawak sa akin ni Ayler saka niya sinunggaban ng yakap ang huli.

          

Parang gustong magrebelde at maghurumentado ng puso ko sa nasasaksihan ko. AKIN 'YANG LALAKING NIYAYAKAP NIYA! PAG-AARI KO 'YANG KUPAL NA 'YAN!

        

"I missed you," wika niya saka bumitaw ng yakap kay Ayler para lamang bigla itong sunggaban ng halik sa mga labi.

       

Hindi ako nakagalaw at nakita kong ganoon din si Ayler. Marahil ay sa gulat at sa bilis ng mga pangyayari, ngunit damang dama ko ang unti-unting pagsakop ng galit at selos sa pagkatao ko.

      

Ilang segundo ang nakalipas ay itinulak siya ni Ayler. "Stop this!" Bulyaw niya kay Cyan na ikinagulat naman nito.

         

"Don't you missed me?" Inosenteng wika nito saka yumuko.

        

Gulat at pagkamangha ang rumehistro sa mukha ko nang bigla na lamang itong yakapin ni Ayler sa harap ko mismo. Nakakalimutan na ba niyang narito ako? Na ako ang girlfriend niya?

      

"I'm sorry, nabigla lang ako. I missed you too," tila iyon ang cue para lisanin ko na ang hayop na opisinang ito.

      

Nanginginig ang mga laman na nagsimula akong humakbang papaalis.

        

"G--Griss," tinig niya na pumailanlang nang hawak ko na ang seradura ng pintuan.

         

"Aalis muna 'ko," wika ko nang hindi man lamang lumilingon sa kanila. Hindi ko kaya. Para akong dinudurog.

       

"Bakit ka naman aalis?" Boses iyon ni Cyan. I don't know but it is somehow iritating kahit ang totoo ay friendly ang pagkakasabi niya no'n.

      

Humarap ako saka ngumiti sa kanila at nakita kong naka-angkla sa braso ni Ayler si Cyan, na animo nagpaulan sa akin ng mga patalim. "Catch up with your missed days," wika ko.

       

"But I missed you too, Griss. Our beloved baby girl," wika niya sa akin at ngumiti ng ubod ng tamis. It was genuine. Nakakainsulto. Para akong gago ngayon dito sa kinatatayuan ko.