The Arrogant Client (Freezell #6) [Completed]

Seven

GRISS

"Griss."

"Inferno."

"Grasa."

"HOOOOOOYYYYYYY!!!" Bulyaw sa akin ng tatlong maria ng Phyrric. Tulala kasi ako dahil hindi ako makamove on sa nangyari sa ospital. Para pa rin akong nanginginig sa nangyari at sariwang sariwa pa rin ang lahat sa alaala ko.

"Ano ba 'yon?" Wala sa sariling tanong ko sa kanila.

"Kanina ka pa namin kinakausap, pero parang may kausap kaming lingaw," wika ni Elle, mas kilala sa codename na Hydra.

"Sinasabi ko ang side mission na ibinigay ni boss Flame, kaso parang ayaw mong tanggapin---"

"MERON!?" Putol ko sa dapat ba sasabihin ni Jo, mas kilala sa codename na Hail.

"Yep. Actually nilalatag namin sa'yo 'yong plano pero parang wala kang interes," matabang na wika naman ni Charisse, mas kilala sa code name niyang Glacier.

"H--Hindi! Hindi! Interesadong interesado ako!" Halos pasigaw na wika ko sa kanila. "May iniisip lang ako," pakalmadong dagdag ko.

"Jowa ba?" Usisa ni Jo.

"Babae ba? Sa lahat kasi ng babaeng agent, ikaw ang babaero," sabat naman ni Charisse.

"Sabihin niyo, 'yong misyon niya. Si Mondragon, matinik daw---"

"SHATTAP!!" Bulyaw ko kay Elle kaya't napatahimik ito sa pagsasalita.

Jusko! Hindi niyo alam ang dinaranas at dinanas ko sa kamay ng Mondragon na iyon!

*****

"WALANG HIYA KA! WALANG MODO! KUPAL! NAPAKAWALANG HIYA MO!!!" Halos mailabas ko ang vocal chords ko sa lakas ng sigaw ko na iyon kasabay ng malakas na paghampas ko sa kanya.

"ARAY!" Angil niya ngunit tuloy lang ako sa paghampas sa kanya hanggang sa dakutin niya ang dalawang kamay ko at itinaas ito.

"WALA KANG HIYA!!"

"Ako ba ang humawak!?" Gigil na sagot niya sa akin.

"KAHIT NA! SINADYA MO---"

"Kung sinadya ko 'yon, baka hindi lang paghawak ang nangyari sa pagitan natin, Griss," biglang sumeryoso ang tinig niya na ikinakaba ko ng sobra.

"W--WALANG HIYA KA PA RIN!"

"Don't worry, sooner or later you'll get use to it. You'll realize how heavenly does it feel," tila ako nahintakutan sa sinabi niya kaya't hinatak ko ang mga kamay ko at mabilis ko siyang nilayasan. "SAAN KA PUPUNTA!?" Dinig kong sigaw ng hari ng kayabangan at kakupalan!

"LALAKLAK AT MAGHUHUGAS NG HOLY WATER DAHIL SA KAWALANG HIYAAN MO!!" Sigaw ko pabalik saka ko nilisan ang ospital ba iyon.

*****

"Ano ba kasing problema---"

"Huwag niyo na akong tanungin, sabihin niyo na sa akin ang side mission. Mas gusto ko iyon kaysa magkwento ng kamalasan na taglay ko," nanlulumo kong pahayag sa kanila. Hindi ko maikwekwento kahit kanino ang kahihiyan na iyon. Halos ayaw ko ngang madantay sa akin ang kanan kong kamay.

"Pumunta ka kay Black, kanina ka pa niya hinahanap ukol dyan," wika sa akin ni Jo na agad ko namang ikinatalima papunta sa opisina ni Missy.

Nang makarating ako ay naabutan ko si Callia, Syreen at Aeiryn na narito habang kinakausap ni Missy.