💖روحك لروحى سكن 💖 مكتمله بقلم اميرة عايش

البارت العاشر

كان ياسين مشغول فى العمل ولكن كان يفكر فى ماسه وأيضا من يريد قتله قاطع سيل أفكاره دخول يوسف إلى المكتب بدون طرق الباب كالعادة
ياسين بضجر: يا ابنى فيه باب محدش عرفك انه بنخبط عليه قبل ما ندخل
يوسف بالامبالاه: لا محدش قالى وحتى لو قالوا انا عجبنى كدة ودى تصرفاتى دايما يعنى مش جديدة
ياسين بخيبه أمل: مفيش فايدة فيك ابدا
يوسف بضحك : حلو وانت واثق كدة يا ياسو
ياسين بجديه : عرفت مين ايلى عايز يخلص منى
يوسف بخبث : على أساس انت مش عارف
ياسين بجديه: لا حابب اتأكد بس
يوسف : هو فعلا ايلى انت بتفكر بيه
ياسين بغضب : هو الراجل داه مفكر انى نسيت ايلى عمله  زمان والا ايه حابب يزود عقابه عندى بس انا هخلص منه على نار هاديه ودفعه التمن غالى قوى
يوسف بغضب هو الآخر: داه حسابه كبر معايا قوى الراجل داه لازم نخلص منه بس الأول ندفعه التمن غالى قوى داه حسابه كل مره بيكبر عندى انت عارف انا أكتشفت ايه بالصدفه داه ايلى اكتشفته كفيل انه يخلينى اولع فيه أكتر واكتر
ياسين باهتمام: اكتشفت ايه يا يوسف
يوسف بغضب : اكتشفت انه هو ايلى ********     **،،،،،،،،،،،،،،،،  ******* وغير كمان *******
ياسين بصدمه : انت متأكد يا يوسف
يوسف بحزن : ايوة ياياسين كل داه اكتشفتوا بالصدفه النهاردة لما طلبونى فى الشغل كان على قضيه تبع شحنه مخدرات كبيرة هتدخل البلد وطبعا عرفنا أن الحيوان داه هو ايلى صاحب الشحنه دى بس مفيش دليل ولازم نمسكه متلبس بس لما كنت براجع كل حاجة عنه تانى لقيت حاجه غريبه

ياسين باهتمام: لقيت ايه
يوسف : لقيت انه بيعمل **،،،،،،،،؟؟؟ ******* ولما تتبعت الموضوع اكتشفت الكارثه دى
ياسين بهدوء مخيف : كدة لازم نبدء نلعب معاه بهدوء علشان نربيه لازم ناخد حقنا منه الحيوان داه بس لازم نعمل كل حاجة بحزر شديد لأنه شخص  ذكى بس مثيله يقع فى ايدى ووقتها هخليه بتمنى الموت والله لهوصله بخير المشنقه بس بعد ما اعذبه واخد حقنا منه
يوسف بجديه : متقلقش كدة كدة هيوصل لحبل المشنقه الحيوان داه بس اهم حاجة هنعمل ايه مع ***  ،،، ***
ياسين بجديه : بصى تعمل *******     ،،،،،،،،،، ****** وسبب الباقى عليه ماشى
يوسف باهتمام: تمام
ياسين وهو يقوم: طيب خلينا نروح علشان تعبان شويه
يوسف بضحك : تعبان برضوا معقوله ياسين الصياد أسد  الاقتصاد بيتعب يا ابنى داه الشغل داه حياتك  قولى ما تتكثفش يا ياسو انك مشتاق للبيت وايلى فى البيت
ياسين بضيق منه : انا مش عارف انا مستحملك ازاى لحد دلوقتى
يوسف بسهوكه: لانك بتحبنى ومتقدرش تستغنى عنى يا بيبى
نظر إليه ياسين نظره اشمئزاز مصطنعه وقام بلبس جاكت البدله واخذ هاتفه ومتعلقاته ودفع يوسف امامه وهو يقول : طيب امشى قدامى بدل ما اخلص منك
🌹🌹🌹🌹🌹🌹🌹🌹🌹🌹🌹🌹🌹🌹🌹
******فى أحد الدول الأوربية *********
طلب الشاب من السكرتيرة عن طريق الهاتف دخول جلال الذى كان يتكلم مع السكرتيرة كلمات مقززه وهى مستمتعه واتفقوا على أن تقابله فى المساء
جلال وهو داخل ومد يده لمصافحه الشاب : اهلا بك مستر بيتر تشرفت بلقائك
مستر بيتر : اهلا بك مستر جلال تفضل اعذرنى على ابقائك جالسا هكذا فأنا كنت مشغول قليلا
جلال بضيق خفى : لا لايهم مستر بيتر فأنا اعلم بأنشغالك الكبير فى العمل
مستر بيتر ببساطه: حسنا مستر جلال ماذا تريد إن تشرب
جلال : لا لا اريد شيئا لقد شربت فى الخارج
مستر بيتر : لا لايجوز مستر جلال لابد من أن تشرب شيئا معى اولا 
جلال : حسنا مستر بيتر اذا كنت مصرآ اطلب لى قهوه مظبوطه
مستر بيتر : حسنا لك ذالك مستر جلال  وهو يرفع سماعه الهاتف ويطلب من السكرتيرة كوبين من القهوه
بيتر بجديه : لقد طلبت موعدا وقلت انه من أجل عمل هام ترى ما هو العمل
جلال بجديه : طبعا شركتك معروفه من الافضل الشركات المصنعة للسيارات الحديثه وفى الواقع انا اريد ان افتح فرع جديد خاص بالشركة الخاصه بى على استيراد السيارات ولذالك أريد عمل صفقه معك على أن تورد لى السيارات الأحدث
مستر بيتر بتفكير: حسنا مستر جلال اعطينى فرصه لافكر بالأمر وادرس الموضوع جيدا
جلال وهو يشرب القهوه: حسنا خذ وقتك مستر بيتر ولكن تأكد أن هذة الصفقه رابحه بكل المقاييس
مستر بيتر بجديه : سادرس الصفقه اولا ثم سوف ارد عليكى
جلال وهو يقوم ويصافح بيتر: حسنا مستر بيتر إلى اللقاء وارجو ان يكون بيننا عمل
🌹🌹🌹🌹🌹🌹🌹🌹🌹🌹🌹🌹🌹🌹🌹
عاد كلا من يوسف وياسين إلى المنزل فى المساء دخل ياسين إلى القصر الخاص به عندما سأل الدادة  عن ماسه أخبرته أنها فى الجناح الخاص بهم منذ نصف ساعه تقريبا  فتوجه مباشره إلى الجناح وفتح الباب مباشرة واذا به يتصنم مكانه من الصدمه ( طبعا اتوقعتوا ماسه خارجه من الحمام ولافه الفوطه والكلام من داه 😂😂😂😂😂بس لا هخيب امالكم😂😂)
كان ينظرإلى الجناح بصدمه شديدة وأعين مفتوحه إلى آخرها واذا به يجد ماسه واقعه على الارض ومغمى عليها لاتدرى ما حولها ابدا
تدارك ياسين نفسه وذهب إليها بسرعه ونزل على ركبتيه
ياسين بهلع وهو يضربها برفق على وجنتيها: ماسه ماستى مالك يا حبيبتى فيكى ايه ماسه
حملها ياسين بخوف شديد وهو ينادى على الدادة ويوسف: ماما فاطمه يوسف ماما فاطمه يوسف
جاء يوسف بسرعه وكذالك الدادة فاطمه بفزع لسماعهم صياح ياسين الذى هز القصر بأكمله
الدادة بخضه وهى ترى ماسه فى ايدى ياسين وفاقدة للوعى: يلهوى ماسه مالها يا ياسين
ياسين ليوسف الذى دخل للتو: اتصل يا يوسف بالمستشفى وقولهم يبعتوا دكتورة بسرعه فاهم يا يوسف دكتورة خمس دقايق وتيجى
يوسف بسرعه: حاضر حاضر
كان ياسين يضع ماسه على السرير ويدسرها بالغطاء ويجلس بجوارها ويمسك يديها بخوف
ما يطمئنه هو أنها تتنفس
ياسين بصراخ ليوسف: ماجاتش ليه يا يوسف
يوسف بزعر هو الاخر : اهدء يا ياسين هتوصل قريب
وبالفعل ماهى الا دقائق ودخلت الطبيبه مع الخادمه وطلبت من ياسين ويوسف الخروج
كان ياسين يرفض بشدة الخروج ولكن سحبه يوسف معه وظلت الدادة بالداخل
كان ياسين يدور امام الغرفه بخوف شديد ويوسف يستند بظهره على الحائط
مرت ربع ساعه وخرجت الطبيبه التى وقف بسرعه ياسين وتوجه إليها
ياسين بسرعه: اخبارها ايه ايه ايلى حصلها هى فاقت
الطبيبه بعمليه: اهدء يا باشمهندس هيا كويسه بس من ايلى عرفته انها فاقدة الذاكرة واضح انها كانت بتحاول تتذكر الماضى بالقوة وداه اثر عليها وأدى إلى اغمائها وكمان واضح إنها كانت مضايقه فلازم تبعدوها عن التوتر او الزعل وكمان ياريت متحاولش إنها تتذكر غصب عنها لان داه بيأثر على الدماغ ودى الادويه بالشفا ان شاء الله 
ياسين بسرعه : طيب هتفوق امته
الطبيبه بعمليه: كمان شويه
استأذنت الطبيبه وتوجه ياسين بسرعه إلى الداخل وكذالك يوسف الذى ذهب خلفه والدادة بعد أن استدعت الخادمه لإيصال الطبيبه
ياسين وهو يجلس بجوار ماسه بعد أن قبل خدها بحب
ياسين للدادة: ايه ايلى حصل يا ماما فاطمه  النهاردة معاها وانا فى الشغل وضايقها
الدادة بحزن: والله يا ابنى بعد ما انت مشيت قعدت معايا وحكت لها موضوع مها
غضب ياسين بشدة من مها وكذالك فرح من رد ماسه عليها
ياسين بغضب: مها حسابها معايا واضح انها اخدت مقلب فى نفسها
يوسف : وبعدين كانت فين قبل ما تطلع اوضتها
الدادة : كانت فى الجنينه قالت هتفرج عليها ومارضيتش حتى تتغدى قالت مش جعانه وبعدين من نص ساعه قالتلى حاسه بصداع وهتطلع ترتاح شويه فوق
ياسين للدادة: طيب يا ماما  أطلبى منهم يجهزوا  اكل كويس ليه ولماسه ويجبوه على جناحى ومها انا هعرفها مقامها بس الصبح
الدادة: حاضر يا ابنى
استأذنت الدادة وكذالك يوسف وغادروا
بعد مغادرتهم تمدد ياسين بجوار ماسه واخذها فى احضانه بحب وخوف شديد
ياسين بهدوء وهو يقبل جبينها: متتخيليش وقعتى قلبى عليكى ازاى وخوفت حسيت ان قلبى هيقف يا ماستى الغاليه

********* البارت خلص *********
ياترى 1. ايه هو السر ايلى عرفه يوسف
2. مين الشخص ايلى هيدمروه
3. مين جلال
4. رأيكم فى البارت

إلى اللقاء فى البارت القادم وارجو ان تخبرونى برأيكم فى التعليقات وايضا عذرا على الأخطاء