💖روحك لروحى سكن 💖 مكتمله بقلم اميرة عايش

البارت السابع

    🌹🌹🌹 فى بيت عائله الزناتى🌹🌹🌹🌹

كانت تجلس العائله كالعادة من أجل تناول الطعام ولكن من يوم زواج ماهر ودنيا والكارثه التى حلت عليهم وصدمتهم فى ابنتهم التى ربوها وكانت مثال للشرف والاخلاق والامانه فى الحقيقة بالرغم مرور يومين على هذا اليوم المشئوم الا انهم حتى الآن لم يصدقوا اما بالنسبه للنسيان فهو امر ميئوس منه مدى الحياه فهذا الشرف الذى لايوجد مناقشه فيه ابدا بالنسبه لأى شخص
ترى الشرف هو مجرد دماء عذريه الفتاه مجرد نقطتين من الدماء هل هذا هو الشرف بالنسبه لنا الا يمكن أن نظلم الفتاه لمجرد عدم وجود تلك الدماء بالرغم من إنها تكون اول علاقة لها حيث من الممكن الا تكون لديها العذريه من الاساس فهناك بعض الفتيات ولدوا من دون عذريه يجب أن نفكر فى هذا.

كان الجد حامد يجلس على رأس السفرة وبجانبه من ناحيه اليمين ابنه مصطفى وبجوارة زوجته امينه  وبجوار زوجته ابنه سيف
ومن الناحيه الاخرى يوجد الابن الثانى للجد حامد وهو محمود  وبجانبه العقربه زوجته نعمه  وبجانبها ابنها ماهر وبجانبها ابنتها الشبيها لامها  منى وبجانبها اسيل الابنه المحبوبه
كان الصمت هو سيد الموقف لايقطعه سوى صوت الملاعق والأطباق
قاطع هذا الصمت منى بقولها : جدى انا عايزة اروح الشركه علشان الشغل
نظر الكل إليها بدهشه من طلبها ورغبتها فى الخروج بعد ما حدث
الجد بصرامه : مفيش خروج لأى واحد منكم من هنا
منى بصدمه: يعنى ايه يا جدى يعنى احنا هنتحبس هنا مستحيل
الجد بصرامه : انا قولت كلمتى محدش فيكم هيطبع من هنا لا انتى والا اسيل عايزين تسوءو سمعه العيله أكثر من كدة انا خلاص الحريه ايلى كنت سيبكم فيها خلاص انتهت  
منى بضيق : انا ما يخصنيش حاجة انا عايزة اخرج مش معنى ان واحدة طلعت زباله الكل كدة
اسيل بضيق : اخرسى يا منى دنيا عمرها ما كانت زباله دنيا الكل عارف أخلاقها كويس
نعمه بسخريه: ايوة ما هو واضح
الجد : انا قولت دنيا تعتبروها ماتت خلاص بالنسبه لينا ومش عايز اسمع اسمها هنا ابدا
اسيل : مع احترامى ليكى يا جدى بس انا مقدرش استحمل حد يقول على دنيا حاجة وحشه ومهما قولتوا انا متأكدة ان دنيا شريفه ومحترمه ونظرتى مستحيل تتغير فيها مهما كان دى اختى وانا عرفاها اكثر واحدة
سكت الجميع بعد حديث اسيل ونظرت إليها امينه زوجه عمها بحب شديد وكذالك سيف ووالدها فهما فقط فى هذا المنزل من يعرفون ان دنيا من المستحيل ان تفعل شى كهذا
اسيل : جدى انا عندى امتحان النهاردة فى الجامعه ولازم اكون موجودة فيه
نظر إليها الجد بعض الوقت ثم قال : سيف هيوصلك ويجيبك من النهاردة وغير كدة مفيش خروج ابدا
وكمان ماهر هياخد اجازة شهر من الشغل على أساس انه ضفى شهر العسل وبعد مايرجع هنقول  دنيا عملت حادثه وماتت فيها وهناخد عزاها لحد ما نعرف هربت لفين ونجيبها
كانت النيران تشتعل عند أحد والفرحه عند أحد والامبالاه عند أحد والحزن والالم عند احدهم
           ##################
انتهى الفطار واخذ سيف اسيل معه وكذالك منى  معه وغادروا جميعا كل واحد من أجل عمله وظلت نعمه وامينه فى وجه بعضهم البعض
نعمه بسخريه وتشفى: المفروض ايلى زيك معرفتش تربى انها ما تظهرش نفسها ابدا مش تقعد والا كان فيه حاجة
أمينه بثقه: انا شايفه ان مفيش حاجة استخبه منها وبالنسبه لبنتى فأنا عارفه تربيتى وعارفة بنتى ازاى ومتاكدة مستحيل تكون كدة وكمان انا عارفه ان ربنا هيسهلها أمورها مهما كانت وبنتى هترجع وهترجع كرامتها قدام الكل وترفع رأس ابوها
وتركتها تشتعل غيظا وغادرت بهدوء وفورا ان ذهبت إلى غرفتها ظلت تبكى بشدة فمها حاولت أن تبان طبيعيه الا إنها حزينه على ما حدث وكيف لا تكون كذالك ولقد شك الجميع فى ابنتها وطهارتها ولاتعلم اأين ابنتها وأين أراضيها حتى زوجها شك فى تربيته ولكن لديها ثقه ان الله لن يخزلها ابدا وان ابنتها ستحفظ وتعود وتأكد للجميع شرفها التى هى الاخرىمتأكدة منه .
🌹🌹🌹🌹🌹🌹🌹🌹🌹🌹🌹🌹🌹🌹🌹
          عند ماسه وياسين:

استيقظت ماسه صباحا على صوت العصافير وضوء الشمس الذى ضرب فى عينيها افتتحت عينيها الفاتنه ونظرت حولها تحاول معرفه أين هى ومن هى وماذا تفعل هنا الا ان تذكرت كل ماحدث لها بالأمس وتذكرت ذالك الياسين التى لاتعرف لماذا تشعر بالأمان بوجود فاقت من شرودها على صوت ياسين الماكر: ايه داه معقوله انا حلو كدة 
نظرت اليه ماسه ومن ثم شهقت بقوة عندما وجدت نفسها فى حضنه على السرير وهو ينظر اليها بنظرة جعلت الدماء تندفع إلى وجنتيها بقوة شديدة وجعلت العاشق الولهان يفتتن بها وبحمره خجلها الشديدة
ماسه بأرتباك: انا مق مقصدتش كنت سرحانه
ياسين بخبث : هعمل نفسى مصدق  ثم اكمل بعشق وهيام : صباح الورد والجمال داه احلى صباح مر عليه
نظرت اليه ماسه بخجل شديد: صباح النور
ياسين بخبث ومكر ثعلب: لا مينفعش صباح الخير تتقال كدة 
ماسه ببراءة واستغراب: اومال اقولها ازاى
ياسين بمكر وهو يضع يديه على خده : بوسينى هنا وقوليلى صباح الخير ( كنت متوقعين هقول ايه بوسى فى 😘عيب 😂😂😂لسه المرحله الجايه )

ماسه بخجل شديد : انت بتقول ايه
ياسين وهو  يكتم ضحكته: انت خجلانه علشان قولت فى خدى اومال لوقلت فى وهو يضع يديه على شفتيه هتعملى ايه

انتفضت ماسه من مكانها بسرعه شديدة كمن لسعتها افعى فكان منظرها مضحك جعلت ياسين ينفجر فى الضحك عليها بس براءتها الشديدة ومنظرها المضحك فكان منظر ياسين الضاحك اكثر من جذاب جعل ماسه تنظر عليه من دون ملل وبهيام لاتصدق ان هذا الرجل الوسيم زوجها هى
انتبه ياسين لنظراتها وهيامها به فشعر بالسعادة فهو سيجعلها تعشقه مثلما يفعل واكثر
ياسين بخبث: انا عارف انى مز ومفيش منى اتنين وغمزها بوقاحه  وقبلها على خدها وتوجه إلى الحمام من أجل الذهاب إلى العمل
فى الخارج كانت ماسه تضع يديها على قلبها  تحاول تهدئته بشتى الطرق فكان قلبها يخف بشدة والاخرى مكان قبله ياسين 
ماسه لنفسها بشرود : هو انا ايه ايلى بيحصلى داه اما من وقت ما شوفت ياسين وانا حاسه بمشاعر غريبه خالص انا مش فاكره ياسين والا اى موقف حصل بينا بس فى نفس الوقت بحس بأحساس جميل طول ما ياسين معايا عينيه فيها نظره عشق وصدق مخليانى مش عارفه أسيطر على نفسى معاه نفسى افتكر كل حاجة زمان وكمان ياسين ما قالش اى حاجة عن اهلى انا لازم اسأله عن اهلى

🌹🌹🌹فى كما أخر 🌹🌹🌹🌹
كان تمسك فتاه بالهاتف وتتكلم بدلع شديد
الفتاه برقه : ازيك يا حبيبى عامل ايه
الشاب بحب مصطنع : وحشانى خالص يا روحى انا مش كويس خالص بقالك فتره بعيدة عنى
الفتاه بحب : معلش يا حبيبى بس مقدرتش اتكلم معاك
الشاب بحزن مصطنع : لا انا زعلان منك  انت وحشتينى خالص امته اشوفك بقى
الفتاه بحب : معلش ي روحى قريب هتشوفنى بس اصبر انت وانت كمان وحشتنى خالص
الشاب : يعنى هشوفك النهاردة فى الشغل
الفتاه بحزن : لا يا روحى مش هينفع النهاردة خليها بكرة ايه رأيك
الشاب بضيق: خلاص يا روحى بالرغم حزنى انى مش هشوفك الا انى هستحمل علشانك
الفتاه بسرعه : ماشى ياقلبى هقفل بقى علشان حد بينده عليا
الشاب: ماشى يا قلبى بأى باى

" نصيحه "
لاترخصى نفسكى وتتحدثين مع شاب مهما كان حبه لكى فأنتى لاتعرفين اذا كان هذا الشاب اهلا للثقه او لا واذا كان يحبك او يلعب بكى من أجل نيل مايريد منكى بل حافظى على نفسكى حتى يأتى من يصونك ويكون حلالك "