💖روحك لروحى سكن 💖 مكتمله بقلم اميرة عايش

البارت الثالث والعشرون

يوسف بجديه : ممكن اعرف ايه سبب تغيير اسمك
دنيا بحزن: هبدء من الأول
اسمى دنيا محمود حامد زناتى 
عندى 21سنه طالبه فى كليه صيدله
عندى اخ واحد وهو سيف
وبابا وماما عايشين والحمد لله
انا من محافظه اسيوط

كنت مثال للشرف والأخلاق الكل بيحلف بأخلاقي كتير كان بيتقدملى ناس بس انا كنت برفض علشان عايزة اكمل دراستى
وفى يوم جدى اصر انى اتجوز ماهر ابن عمى وانا كنت رافضه نهائى الموضوع داه خصوصا أن ماهر مش مواصفات الشاب ايلى كنت بتمناه وكمان فاشل وبتاع بنات رفضت الموضوع بس جدو موافقش على رفضى واجبرنى انى اتجوز ماهر
حصل الموضوع بسرعه وانا استسلمت للامر الواقع وقولت يمكن يتغير مع الوقت وفعلا اتجوزنا يوم الفرح
صمتت وابتلعت ريقها بحزن
نظر إليها يوسف بحزن شديد فهو يعلم ما ستقوله يتمنى قتل ذالك الشخص الذى يدعى ماهر
يوسف بحزن: وبعدين
شعرت دنيا بلألم والحزن خاصه وهى تتذكر الذى حدث وكأنه حدث الآن
******** فلاش باك **********
دخلت دنيا بفستانها تشيعها زغرتات وتهانى من الجميع
دخلت واغلق عليهم باب الشقه وهى تنظر إلى الارض بخجل شديد
ماهر بسخريه: اتفضلى يا عروسه
دنيا: انا هدخل اغير هدومى علشان نصلى الاول
ودخلت إلى الحمام وهو ينظر إليها بسخريه وتشفى
خرجت بعد ربع ساعه وقد أبدلت الفستان وارتدت قميص وفوقه اسدال الصلاه
خرجت من الحمام وهى تفرك يديها فى خجل شديد
دخل ماهر إلى الحمام وتوضى وصلوا مع بعض
فضلت دنيا قاعدة لمدة نص ساعه وهى مستغربه من سكوته ومرعوبه
رفعت وشها لقيته باصص ليها بنظرات غريبه
محستش دنيا  غير بايدين بترتطم على خدها بقوة جعلتها تقع بقوة على السرير

دنيا وهى تضع يديها على وجهها : انت بتضربنى ليه
ماهر بمكر : مين ايلى غلطتى معاه يا سافله
دنيا بصدمه : انت بتقول ايه انت مجنون
ماهر بخبث: مجنون داه انا هربيكى مين ايلى غلطتى معاه وخدعك مين هو
وقام بسحبها من شعرها بقوة ونزل بها إلى الأسفل حيث وجود العائله
خرجوا جميعا من غرفهم على صوت ماهر وصدموا عندما راوه يمسك دنيا من شعرها وهى تطلب منه أن يتركها
وقام برميها على الارض بقوة
الجد حامد : فيه ايه يا واد بتعمل ايه فى بنت عمك
ماهر بغضب مصطنع: اسألها  اسألها وقولها غلطت مع مين وعايزة تلبسهالى انا
صدم الكل من كلام ماهر ماذا الذى يقول هل جن
سيف بغضب: انت مجنون ازاى تقول على اختى كدة
يا حيوان انت
ماهر بغضب: حيوان شوفوا بنت عمى ضيعت شرفنا فين مين ايلى اغواها
ايلى كانت عامله فيها الخضره الشريفه ورافضه الجواز علشان الدراسه اتاريها علشان كدة

دنيا ببكاء: كداب والله العظيم ما حد قرب منى والا لمسنى حتى
لم يتجعلها والدته تكمل الكلام وقالت : شوفى بنت ايلى كنتى طالعة بيها السماء دى لازم تموت لازم نقتل عارنا والا ايه يا حاج
دنيا ببكاء وترجى: والله يا جدى ما عملت حاجه  والله يا بابا انا زى ما انا انا تربيتك محدش قربلى  سيف صدقنى والله محدش لمسنى
سيف وهو يحتضنها: انا مصدقك مش دنيا ايلى تعمل كدة ابدا
والدة دنيا: وانا مصدقاكى اكيد فيه حاجة غلط
اسيل ببكاء : انا واثقه فيكى يا دنيا انتى مستحيل تعملى كدة
والدة ماهر: كلكم واثقين فيها لازم نتاكد الأول
والد دنيا كان جالس ولايتكلم ابدا وهو ينظر إلى ابنته بصدمه
والدة دنيا : وعايزة تتاكدى ازاى انا واثقه فى بنتى
والدة ماهر نعمه: نوديها لدكتورة هى ايلى هتاكد
نظرت والدة دنيا إلى ابنتها
دنيا ببكاء: انا موافقه لان عارفه انى محدش لمسنى
والد دنيا : هنوديكى لدكتورة بس اذا انتى طلعتى خاطيه هقتلك بايدى دول
نظرت دنيا إلى والدها بألم شديد
بالفعل اخذتها والدة ماهر وذهبت معهم منى ووالدتها وبرفقتهم ماهر ووالدة
دخلوا لعيادة الطبيبه المختصه التى افهموها الأمر
وكشفت على دنيا وسط بكائها
بعد الكشف خرجت وطلبت من دنيا ان ترتب ملابسها
وكانت برفقتها منى ووالدتها

*******عند سيف ومنى ********
بدات منى فى التغيير من منظهرها الخارجى والأهم الداخلى وبمساعدة اسيل والبحث لتعرف اكثر عن دينها بدات رحله التغير ترى هل ستستمر ام للقدر رأى آخر

عند سيف كان يجلس فى غرفته يعمل على الحاسوب بعقل شارد فيما مضى وما فعلته ابنه عمه وماذا كان سيحدث لها اذا تاخر قليلا
والأهم من هذا كله مظهرها الجديد بعد عودتها فهو لايدرى اذا كانت تتصنع هذا ام تغيرت بالفعل ولكن هل من الممكن أن تتغير فى ليله وضحاها هل هذا معقول
سيف بعد تنهيدة عميقه: بتمنى يا منى تكونى اتغيرت فعلا وايلى حصل يكون درس ليكى بس برضوا لازم ما ابينش قدامها ان واثق فيها لحد ما اشوف نهايتها ايه   اما بقى ابن عمى فلازم اشوف نهايتك ايه لان ايلى انت عملته المره دى ما يتسكتش عليه ابدا

مرت الأيام وتاكد فيها سيف من تغيير منى فهى بدات تتعامل مع الجميع بكل حب واحترام وظهرا تغيرها للأحسن مع الجميع والكل سعيد بتغييرها هذا ماعدا بالطبع بؤره الشر والدتها واخيها الذى لا يهتم بأي شئ سوى نزواته وصرف المال فى كل ما حرم الله فقط
جاء اليوم الذى قررت فيه منى اخبار الجميع بحقيقه الأمر الذى حدث

منى والجميع مجتمع دخلت وجلست قليلا معهم يتحدثون فى أمور عده ثم
منى : لو سمحتوا انا حابه اقول حاجة مهمه
انتبه الجميع لما ستقوله ونظر إليها سيف بحيرة هل من الممكن انها ستحكى لهم ما حدث
الجد حامد: ايه هو الموضوع يا منى
منى بحذر: الموضوع دنيا
والده منى نعمه بسرعه: مالها بتجيبى سيرتها ليه الخاطيه دى
والده دنيا بحده : بنتى مش خاطيه والا عملت حاجة
الجد حامد بصوت حازم: مش عايز اسمع صوت ليكم ايه مش محترمينى انى موجود
وانتى يا منى احنا مش قولنا نقفل الموضوع داه

منى بسرعه: الموضوع مهم يا جدى وانا عارفه ان الكل هيتاثر بالموضوع داه بس لازم اقوله
نظرت والدتها إلى ماهر الجالس بتوتر
الجد بحزم: موضوع ايه
بدات منى تقص عليهم ما حدث بدأيه من اتفاق والدتها وماهر والاتفاق مع الطبيبه
كان الجميع مصدوم مما تقوله منى هل حقا فعلوا كل هذا هل يوجد اناس هكذا ياذون اقرب الناس إليهم هل وصل بهم الحقد إلى هذة الدرجه

والدة ماهر نعمه بصراخه: كدابه اكيد مرات عمك ايلى قالتلك تقولى كدة
قام والد ماهر بضربه على وجهه بقوة شديدة  : انا تعمل كدة يا وسخ وتعمل فى مين فى بنت عمك
ماهر بصراخ: منى كدابه انا معملتش حاجة

سيف بغضب: داه انا هطلع روحك فى ايدى يا زباله
بقى انت تعمل كل داه
انا قولتلك يا بابا دنيا مستحيل تعمل كدة ابدا
كان الجد جالس فى صدمه لما وصل إليه احفادة وأنه ظلم حفيدته دنيا التى كانت مثال للشرف والأخلاق  وأنه هو من اجبرها ان تتزوجه اذا فهو المولام على ما حدث كله
ووالدها الجالس بصدمه انه شك فى ابنته وفى تربيته والحقيقة أن ابن أخيه وزوجه أخيه من فعلوا هذا
والده دنيا الجالسه بلا حول ولا قوة هى تعرف ان ابنتها ليست مذنبه ولكن ان يكون ماهر ونعمه من خططوا لهذا هذا ما صدمها فلقد اعتقد انها ربما ان ابنتها والده من من دون عذريه كما يحدث ولكن الأمر فاق توقعاتها

اسيل الجالسه بصدمه من والدتها واخيها وما فعلوه بدنيا تؤامها كما يطلقون عليهم

********* البارت خلص **********
ياترى 
1. الطبيبه هتقول ايه

2. ايه ايلى  هيحصل للعيله بعد الصدمه دى

3. ايه رأيكم فى البارت 

4. توقعاتكم للبارت القادم

إلى اللقاء فى البارت القادم وارجو ان تخبرونى برأيكم فى التعليقات وايضا عذرا على الأخطاء