💖روحك لروحى سكن 💖 مكتمله بقلم اميرة عايش

البارت الرابع عشر

قررت خلاص انى هخلص الروايه علشان خاطر حبايبى ايلى بيتابعونى وحبو روايتى وباذن الله هخلصها علشان خاطر عيونكم وحتى لو واحدة بس عجبتها الروايه هكملها برضوا علشان خاطر الشخص داه
🌹🌹🌹🌹🌹🌹🌹🌹🌹🌹🌹🌹🌹🌹🌹

********عند الفتاه والشاب *********
كانوا يتكلمون فى الهاتف كالعادة وهو بيخدعها علشان يأخد ايلى عاورزه وهى زى الهبله ماشيه وراه وبتسمع كلامه
الشاب بضيق : بقولك ايه مينفعش كدة انتى قولتى استنى شويه وتيجى واهو عد شهر وانتى برضوا زى ما انتى
الفتاه بأرتباك: يا حبيبى طيب انا اعمل ايه فيه تحكم فى الخروج خالص وكمان حكايه الجواز العرفى دى مش مريحانى خالص
الشاب بغضب : يعنى ايه
الفتاه بحالميه: يعنى يا حبيبى فيها ايه لما تتقدملى وانا هخلى بابا وجدو يوافقوا
الشاب بضيق : لا طبعا انا مقبلش مراتى تكون أعلى منى فى المستوى وانا قولتلك لازم اخليكى تعيشى فى مستوى افضل من بيت أهلك مش اقل واهلك مش هيوافقوا وانا عايز بس اضمن إنك ملكى

الفتاه بتصديق : بجد ياروحى( طلعت روحك يا بعيدة 😒😒)
الشاب بمكر : بجد يا عمرى ( يتقصف عمرك😒😒)
الشاب بخبث : وبعدين الجواز داه مش حرام والا حاجة مش لما الناس بتتجوز عند مأذون بيديهم قسيمه جواز
الفتاه : ايوة
الشاب بخبث وشيطنه: شوفتى هى نفسها لاننا برضوا هيبقى معانا ورقتين زى القسيمه واذا كان على أن الكل يعرف اننا اتجوزنا فمتقلقيش يا روحى كلها شويه وكله هيعرف بس اظبط امورى الأول
الفتاه بتصديق: يعنى الموضوع داه فعلا صح ومش حرام
الشاب فى نفسه : على اساس ايلى بتعمليه انتى ايه مش حرام برضوا بس برضوا هاخد ايلى انا عايزة منك وارميكى زى الكلبه والا تسوى حاجة
الفتاه بدلع: حبيبى انت روحت فين
الشاب بحب مصطنع: موجود يا روحى  بس بتخيلك وانت اخيرا مراتى وفى حضنى وبعدين الجواز داه مش حرام عارفه ان اغلب زملائى اتجوزوا كدة وبعدين كتبوا رسمى وكل حاجة كانت تمام

الفتاه باقتناع مع القليل من التردد: خلاص يا حبيبى طالما انت عارف وواثق أنا هعمل كدة استنانى بعد بكرة لما نطلع الرحله ايلى بتاعت الشغل دى هعرفك هنتقابل فين
الشاب بسعادة: اخيرا يا روحى هتكونى ملكى لوحدى انتى مش عارفه انا سعيد ازاى دلوقتى هستنى على نار
الفتاه بدلع وسعادة لاعتقادها انه يريد لأنه يحبها : للدرجه دى سعيد
الشاب بفرحه: جدا جدا يا قمر الفتاه بدلع: طيب يا بيبى سلام بقى
الشاب بخبث: سلام يا موزه
بعد أغلاق الهاتف:
الشاب بخبث: اخيرا هتكونى ليه واقدر احط راسك ورأس اهلك فى الطرب وانتقم منه وظل يضحك كالمجانين
( طبعا حكايه الجواز العرفى وأنه حرام والا حلال  كلنا عارفين طبعا انه حرام بس فيه البعض مننا بيحللوه لنفسهم وللاسف بسبب بعدنا عن الدين بقينا مش عارفين اذا كان داه حلال والا حرام والشاب يضحك على البنت بسبب انها ضعيفة دينيا ويقنعها بأنه حلال زى كدة بالظبط والبنت بتقتنع وتسلم وترمى شرف اهلها فى الارض لمجرد ان داه شخص بتحبه وهو بيحبها 
لو فعلا بيحبك مكنش رخصك كدة ايلى بيحب بيحافظ على ايلى بيحبه مش بيرخصها لو فى يوم طلب شاب منك كدة وقا لك الاسطوانه المشروحه داه حلال وانا بحبك وهتقدملك داه كذاب حتى لو بيحبك ومثلا اتجوزتوا مش هيكون فيه ثقه بينكم ابدا والشك هيكون محور حياتكم حافظى على نفسك يا بنت الناس للشخص ايلى يستاهلك ويدخل من الباب مش زى الحراميه من الشباك.
🌹🌹🌹🌹🌹🌹🌹🌹🌹🌹🌹🌹🌹🌹🌹