💖روحك لروحى سكن 💖 مكتمله بقلم اميرة عايش

البارت الثامن والعشرون

مر يومان يدخل فيهم ياسين إلى الغرفه الموجودة فيها ماسه ويعاملها معامله سيئه أحيانا واحيانا اخرى يسالها لما فعلت به هذا
وماسه تخبره انها لم تخنه أبدا وانها لا تدرى ما حدث وان مها السبب فى كل هذا
وكل هذا و مها تراقب الوضع بتشفى وسعادة وتحاول التقرب من ياسين بكل الطرق لكن ياسين لا يعطيها اى فرصه
منع ياسين اى شخص من الدخول لماسه أو الحديث معها نهائيا

دخلت مها إلى الغرفه الموجودة فيها ماسه بعد أن استطاعت الحصول على المفتاح وقررت تنفيذ خطتها والتخلص منها نهائيا

كانت ماسه جالسه على السرير وعيونها حمراء من البكاء ومنظرها واضح عليه الحزن والألم
دخلت مها تتمختر فى مشيتها وتنظر إلى ماسه بسعادة وخبث ولم تشعر بالشفقه أو الحزن على هذة الفتاه التى وضعتها فى موقف صعب كهذا وهل هناك أكبر من هذا الشئ وهو أن تتهم بالخيانة ولا يصدقق من كنت تعتقد أنه اكثر شخص فى حياتك

مها بقوة: عامله ايه دلوقتى يا ماسه
رفعت ماسه راسها فى البدايه بلهفه عندما احست بخطوات من يدخل ثم سرعان ما تحولت لغضب وهى ترى ماسه
ماسه بغضب: منك لله انا عملتلك ايه
مها بكره: عملتيلى ايه انتى ما تعرفيش عملتى ايه انا  بقالى سنين شغاله هنا من وانا صغيرة وبحب ياسين  وكنت بعمل كل حاجة علشان بس يبص ليه ويفكر فيه واكون مرات ياسين الصياد صاحب كل العز داه تيجى واحدة زيك فى ثانيه تحطميلى كل احلامى وتاخدى ياسين وفلوسه فى ثانيه

ماسه بدهشه: انتى مش طبيعيه بقى بتعمبى كل داه علشان خاطر الفلوس
مها بجنون : طبعا علشان خاطر الفلوس دى اهم حاجة فى الحياه ايلى معاه فلوس بيقدر يشترى كل حاجة
ماسه : الفلوس مش كل حاجة ومش كل حاجة تقدرى تشتريها بالفلوس زى مثلا الحب هتدفعى علشان حد يحبك
مها بسخريه: بلاش كلام الفلسفة داه الحب مش موجود الفلوس بس هى الموجودة والمهمه شوفى نفسك الحب عملك ايه بتتعاملى اسوء معامله هنا
ماسه بضيق: انت جايه عايزة ايه
مها بسخربه: جايه عايزة اشوفك واساعدك
ماسه بسخريه: تساعدينى انتى طيب قولى حاجة غير دى وهتساعدينى ازاى بقى بانك تتهمينى تانى بالخيانة
مها بسخريه: أيوة أنا هساعدك بس علشان تخرجى من هنا ياسين خلاص مش قابلك أبدا والا هيقبلك وكمان ممكن ييجى فى يوم ويعمل فيكى حاجة وطبعا انتى مش عاجبك قعدتك دى وكل شويه ياسين يدخل يهينك ويقلل منك
ماسه بضيق: لا ياسين هيرجع لطبيعته تانى ويعرف انى ما خنتهوش أبدا
مها بخبث: مستحيل يرجع تانى وحتى لو رجع هيكون بيشك فيكى علطول وانتى هتقدرى تعيشى معاه بعد الاهانه والذل ايلى شوفتيه منه
ماسه بضيق منها: ما خلاص بقى ياسين بيحبنى بس يعرف حقيقتك الزباله دى هيرميكى بره القصر
مها بغضب : بقى انا زباله طيب انتى ايلى هتيجى تترجينى اخرجك من هنا
وغادرت بغضب شديد وتركت ماسه تفكر فيما قالته هل ستستطيع العيش مع ياسين مره اخرى بعد كل الإهانات دى
قلبها : بس هو معذور اى حد فى الموقف داه بيكون معمى على عيونه
عقلها : لا مش معذور كان لازم يكون واثق فيكى اكثر من كدة الأفضل اهربى من هنا
قلبها: وهتقدرى تبعدى عن ياسين
عقلها بجبروت: هقدر
قلبها : بس انا مش هقدر