💖روحك لروحى سكن 💖 مكتمله بقلم اميرة عايش

البارت الثالث عشر

********* عند إسراء***********

بعد أن انتهى العز الخاص بالحاجة زينب الذى كان اسطوريا لانها امراءه محبوبه حضر ناس كتير لجنازتها قدموا اهل الحاجة زينب واجب الضيافه إلى الناس ثم غادروا مثلما رجعوا
توجهت إسراء إلى الشقه وهى مش عارفه هتعمل ايه قاطع تفكيرها فى مصيرها صوت صاحب العماره وهو ينظر إلى إسراء بخبث وشهوه ( جاتك القرف )
صاحب العماره : انسه إسراء
إسراء بحزن وضيق بسبب نظراته: نعم يا عم حمدى
العم حمدى: دلوقتى انا عايز الشقه علشان ائجرها
إسراء بصدمه لطلبه هذا فى هذا الوقت
العم حمدى بطمع: بس يا انسه إسراء انا عارف إنك معندكيش حد تروحى ليه وانا ممكن اساعدك
إسراء باستغراب: تساعدنى ازاى
العم حمدى بطمع وشهوة: تقدرى تعيشى فى الشقه علطول
إسراء بتوجس: وايه المقابل
العم حمدى بشهوة: تتجوزينى
إسراء بصدمه: نعم
العم حمدى بخبث: بقولك تتجوزينى وتعيشى معايا دايما وهتكونى صاحبه العمارة
إسراء باشمئزاز: انت مجنون يا راجل انت انت عارف بتطلب ايه عيب على سنك داه انت أكبر من بابا ومتجوز ومخلف
العم حمدى بضيق: هو انتى تطولى مش كفايه بنت شوارع وهلمك فى البيت بدل ما انتى ملكيش حد واضح انك مش بتحبى الحلال خلاص ممكن نمشيها حرام
إسراء باشمئزاز وضيق: اخرس انا أشرف من مليون واحد زيك والله لولا انك قد بابا انا كنت عرفتك مقامك والشقه ماما زينب دافعه ليك ايجار الشهر هيخلص الشهر وهمشى من هنا
وتركته يغلى من الغضب وغادرت بسرعه وفتحت الشقه ودخلت وظلت تبكى على ما يحدث معها وتدعو الله ان يخفف عنها
شعرت إسراء بالوحشه فى المنزل فلم تعد تسكنه تلك الملاك فى هيئه إنسان
تذكرت إسراء آخر حديث بينهم قبل وفاتها مباشرة
الحاجة زينب لاسراء: اسمعينى يا إسراء يا بنتى الدنيا مش باقيه لحد ابدا وهييجى لكل واحد يومه ايلى هيقابل وجه كريم لازم تعملى حساب لاخرتك خليكى زى ما انتى يا إسراء نقيه مهما تتحطى وسط القزرات واختبارات الدنيا الجوهرة بتبان من وسط النحاس وانتى جوهرة وهتلاقى ايلى يقدرها ويعوضك ما تنسنيش يا إسراء وابقى ادعيلى دايما

إسراء ببكاء : فعلا الدنيا مش باقيه لحد واهو انتى سبتينى ربنا يرحمك يا ماما زينب انتى اكيد فى مكان احسن من هنا

قامت إسراء من مكانها وراحت تتوضى وتصلى وتبكى وتدعو الله ان يرحم تلك السيدة العطوفه وان يجمعها بها فى الفردوس الأعلى
نامت إسراء بسرعه من الإرهاق الشديد وقد قررت أن تقوم بجمع جميع ثيابها وان تقوم بالتبرع بها واى شئ يخص تلك السيدة قررت أن تتبرع به ليزيد من ميزان حسناتها ولكن هناك خاتم هى لن تتخلى عنه وهو الخاتم ايلى ايدتوه الحاجة زينب لاسراء .
🐘🐘🐘🐘🐘🌹🌹🌹🌹🌹🐘🐘🐘🐘🐘
*********عند وكر الافاعى **********
المراه بغضب: وبعدين بقى احنا لحد دلوقتى مش لاقيين البنت ايه الارض انشقت وبلعتها
الشاب بغضب: انا مش عارف راحت فين دى ملهاش اى حد والا تعرف اى حد
الرجل بضيق: يوووه بس بقى خلينى افكر واشوف هنعمل ايه
المراه بشك: بقولك ايه يا راجل انت انا مش مرتحالك أوعى تكون فاكرنى مختوم على قفايا ومش عارفه ايلى بيجره ورايا
الرجل باستغراب ودهشه: انتى يا وليه انتى بتكلمينى انا كدة وهو ايه ايلى بيجراه من وراكى
المرأه بصراخ: أوعى تكون فاكر انى مش عارفه انك بتحب مقصوفه الرقبه وأنك كمان بتتمنى تكون ملكك وكمان لم كنت بتروح بالليل والزفته نايمه وتقعد تتفرج عليها بنظراتك دى ايلى بتتمنى تلتهمها كدة وكمان غير والبنت كانت صغيرة كنت بتتحرش بيها والبنت مش فاهمه انا بقه شاكه إنك تكون مخبيها علشان تاخد منها ايلى انت عاوزه الأول ويمكن كمان تكون طابخها انتى وهى العقربه دى