💖روحك لروحى سكن 💖 مكتمله بقلم اميرة عايش

البارت الرابع

زعلانه بسبب ان مفيش تصويت معقوله الروايه مش حلوة 😓😓
🌹🌹🌹🌹🌹🌹🌹🌹🌹🌹🌹🌹🌹🌹🌹

استغربت إسراء من هذة السيدة الطيبه التى لاتريد حتى معرفة قصتها

يا الله هل يوجد هناك ناس بهذا القلب وهذه الطيبه
إسراء بأبتسامه: لا لازم تعرفى حكايتى
الحاجة زينب : براحتك يا بنتى قولى ايلى عيزاه يمكن داه بريحك

إسراء بدموع : الموضوع هو **** *** بدات إسراء تحكى لتلك السيدة الحنونه قصتها بكل تفاصيلها وهى تبكى بشدة والسيدة التى أمامها حزينه عليها وعلى ما حدث لها وتبكى معها
انتهت إسراء من سرد قصتها إلى السيدة زينب ونظرت إليها وجدتها تبكى

قامت الحاجة زينب وتوجهت إلى إسراء الجالسه فى المقعد المجاور وقامت بأحتضانها والتربيت على رأسها بحنان امومى كبير مما جعل إسراء تبكى بحرقة وتخرج كل ما يكبت فى صدرها من الم فى هذة اللحظه مرت ساعه كامله ولم تتوقف فيها تلك الفتاه عن البكاء الشديد والحاجة زينب تربت عليها الا ان هدئت تمام

الحاجة زينب بأشفاق وحزن عليها : ارتاحتى دلوقتى يا بنتى
إسراء: ايوة انا كويسه دلوقتى
الحاجة زينب : ماتزعليش يا بنتى داه إختبار من ربنا ليكى ولازم تصبرى وربنا بيقول " لايكلف الله نفسا إلا وسعها " يعنى لو ربنا عالم إنك مش هتقدرى على الاختبار داه مكنش وضعهولك علشان كدة لازم تصبرى وتحتسبى داه عند الله وبأذن الله هتتجازى بس صبرك داه .

إسراء بابتسامه: ما تعرفيش كلام حضرتك داه ريحنى ازاى وحسيت أن خلاص كل حاجة هتتحل من عند ربنا

الحاجة زينب : ايوة طبعا يا بنتى قومى كدة خودى حمام كدة علشان تفوقى كدة وعقبال ما تعملى داه هكون حضرت الاكل

إسراء بفرحه : هو حضرتك هتخلينى افضل معاكى هنا
الحاجة زينب بتأكيد: أكيد طبعا فأنتى قومى كدة يا الاه بسرعة وبعدين ايه حضرتك دى

إسراء بأبتسامه: اومال اقولك ايه

الحاجة زينب: قوليلى مثلا يا خالتو او عمتو او ماما زينب

عندما سمعت أسراء قول الحاجة زينب ان تناديها بماما زينب رأت تحول نبرتها إلى الحزن وتسألت عن السبب هل يمكن لانها ليس لديها أطفال ولكن أين زوجها او عائلتها اتعيش بمفردها

إسراء بابتسمه: انا هقولك ماما زينب اجمل

ترقرقت الدموع فى عين تلك السيدة اللطيفة بشدة واحتضنت إسراء قليلا ثم وجهتها إلى الغرفة واخرجت لها ملابس جميله وطلبت منها التوجه الى الحمام ثم توجهت تلك السيدة إلى غرفة أخرى وقامت بتبديل ملابسها وتوجهت بسرعة إلى المطبخ وشرعت فى تحضير الطعام إلى حين خروج إسراء
🌹🌹🌹🌹🌹🌹🌹🌹🌹🌹🌹🌹🌹🌹🌲
فى مكان نذهب إليه لأول مرة يجلس ذالك الرجل التى يبدو عليه الكبر من شعرة الذى خطه الشيب ومعالم وجه التى تعدت الستين عاما ولا يخفى عنا نظرات القسوة والطمع التى توجد فى عينيه .