💖روحك لروحى سكن 💖 مكتمله بقلم اميرة عايش

البارت السادس عشر

رجع ذالك الشاب بعد ما شاف ماسه برفقه ياسين الصياد وما اغاظه أكثر تلك اليد التى كان يحاوط بها ياسين ماسه من خصرها وكانه يعلن انها ملكيه خاصه به وحدة

قام الشاب بالاتصال على صديق له فاسد مثله
وطلب منه كل المعلومات عن ياسين الصياد وايلى ساكنين عنده فى البيت وخاصه الفتره ايلى فاتت
؛ تمام بس ما تتاخرش عليه ؛ ماشى خلال يومين بالكتير وتكون جبتلى كل كبيرة  وصغيرة عنه
؛ ما انحرمش يا صحبى  ؛ سلام

الشاب بغضب  : هعرف بتعملى ايه مع ياسين الصياد معقوله تكونى عشيقته بس لو كدة داه انا هشرب من دمك

دخل الشاب منزله  بوجه مكفر غاضب وفى نفس الوقت سعيد غاضب لوجودها مع ياسين الصياد وسعيد لأنه اخيرا قابلها وهينتقم منها لهروبها وهياخد كل ايلى عاوزه منها

🌹🌹🌹🌹🌹🌹🌹🌹🌹🌹🌹🌹🌹🌹🌹

*********** عند ماسه وياسين **********
عادت ماسه برفقه ياسين إلى القصر وتوجهوا إلى جناحهم من أجل أخذ شور والاسترخاء وكانت ماسه  سعيدة بهذا اليوم وكمان شفقانه على ياسين فهو بيتعب خالص فى شغله طول اليوم إجتماع وملفات ومشروع هى نفسها زهقت
كان ياسين سعيد لسعادتها الظاهرة وكد ايه هى بتكون سعيدة  من اقل حاجة
يا سين لماسه : مبسوطه يا ماستى
ماسه بسعادة: جدا يا ياسين بس انت بتتعب خالص
يا سين بأبتسامه: انا اتعودت على كدة من سنين وانا بشتغل فالموضوع بقى عادى
ماسه بحزن عليه : طيب ما تأخد اجازه يا ياسين وترتاح شويه كدة غلط على صحتك
ياسين بسعادة  لقلقها عليه : قلقانه عليه يا ماستى
ماسه باندفاع: طبعا لازم تقلق مش جوزى حبيبى
ولما أدركت ما قالته حطت ايديها على بوقها ووشها جاب ألوان الطيف
ياسين بسعادة شديدة انهت تعبه : بقى انا جوزك حبيبك يا ماستى مالك وشك كدة  انتى كدة بتغرغرى بيه وانا ابن ناس ومحترم قوى 
ماسه بضحك وكسوف: بقى انا بغرغر بيك يا باشمهندس
ياسين بضحك : اااه لما تظهر الفراوله ايلى فى خدودك وتخليكى تزيدى فتنه فوق فتنتك وجمالك اعمل انا ايه مش يبقى كدة بتغرغرى بيه
ماسه بسعادة: يعنى انا جميله يا ياسين
ياسين بسعادة وهو يقبل يديها بعشق: انتى مش جميله انت الجمال كله يا قلب ياسين كفايه جمال قلبك الابيض ايلى مفيش اجمل منه داه والا اطهر منه
احتضنت ماسه يا سين بكل السعادة والعشق الذى تكنه لهذا الرجل الذى لايوجد له مثيل وتشعر بالأمان بقربه والسعادة
احتضنها ياسين بسعاده الاخر وشدد  من احتضنه لها فهو يكون سعيد عندما تحتضنه هى بكل هذا الحب والاحتواء الذى يشعر به داخل تلك الصغيرة يشعر انه طفل فى حضن امه وكم هذا يسعد الرجال ان يشعر باحتواء زوجته له ويشعر بأنه طفل فى حضنها
خرجت ماسه من حضن ياسين بعد عدة دقائق  لم يشعروا بها هما الاثنان على صوت الطرقات على الباب  وكأنهم يريدون هذا الحضن فقط ليشعرون بالراحه والأمان
ياسين بغيظ من هذا المتطفل: مين
مها الخادمه بغيرة : انا مها الاكل جاهز يا بيه
ياسين بهدوء نسبى: ماشى جايين
غادرت ماسه وهى تخرج دخان من اذنيها بغضب وتود الفتك بماسه لانها اخذت ياسين وامواله منها فمن الغبيه التى لاتقع فى عشق ياسين الصياد بجماله وشخصيه الجذابه وامواله الكثيرة