أروقة الزمن

المشهد

- يابووو عماد على بختك اجوك بنات وشفتهن وجنت تنتظر الوليد وهسع شرف الوليد وانته ماكو .. ألهي بحق محمد وأل محمد يرجعك النا سالم غانم ويفض هالحرب.

- صباوي يمه انتي هنايه ابدالي بالبيت كوني أم لأخواتج ولتحسسيهن بغيابي وفتحي عينج عليهن.

- ياهووش يا حيوان اذا ترفع صوتك على امك مرة لخ إلا اگص لسانك الضاهر دللناك كثيررر انگلع بررررررا عندك حرمه معدله شايلتك فوگ راسها وجاي تلعب بذيلك ..

- اصصصص انطم يالخايب شنهي هالخرابيط منو فاتح بيته لمنو انته وليدي وهيه بنتي انچب واگعد لتضل تتطافر چنك قرد

- لبست البدله ومجهزين الضيافه وجايبين كامره وگاعدين ننتظر العريس هسع يجي ساعه يجي اشويه ويجي صار المغرب خير شر هو ماكو مابين گمت نزعت البدله سبحت لبست ثوبي وگعدت.

- زهور امشي شوفي اكو بغرفتج گماط فوگ الچربايه ملطخ بالدم وحرمه شايله سچين تفتر بالغرفه والحيطان كلها دم ..

- طبيت للغرفه الاضويه خضره ورجال جالس جسمه ضخم كلش ولحيته واصله لصدره ومنزل راسه ويحركه يمين يسار وگدامه گبر ومخلي جمجمة انسان ميت بالجهة اليمنى ويردد كلمات ممفهومه

- زهوره ارجع اوصيج اهلي وجهالي اهم شي ديربالج عليهم .. گتله ولا يهمك والله احطهم ابطن عيني واحبهم اكثر منك ... ضمني على صدره وگال يبنت الناس مو گادر اصبر خلي نعرس هسع .

مرحبا حبايبي رجعتلكم بقصة جديده بعنوان (أروقة الزمن) قصة حقيقيه لأبنيه بصراويه عانت ما عانت من المرض والألم فياترى بزواجها تتغير حياتها للأحسن لو للأسوء؟ وشنو مصير بناتها وقدرهن من الحياة؟ .

وهذا ☝️ مشهد من القصه وان شاءالله عن قريب راح ابدي بالنشر انتظروني ومن انشر بارت الأول احددلكم مواعيد نشر بقية البارتات وهسه انطوني رأيكم بالسرد وكولولي شنو افتهمتوا من المشهد ..