أروقة الزمن

بارت الخامسه و العشرون

أروقة الزمن
فاديه فهمي
.....................

ام راكان / راكان يكول مااجي لان جبت سيد علمود يعقد بس جاي يگول ماطول الابنيه ما مكملة العده انه ما افوت بشغلة الحرام

زهور / مو انتي اصريتي نعقد؟ يلا هسع اتصرفي .. مو انتي گلتي سألت ساده وگالو عادي ماكو مشكله؟  منو جنتي رايحه سائله هااا؟ لو من شفتي واحد بيده سبحه رحتي لزمتي وسألتي

ام راكان / اي سئلت والسيد گال عادي بس هسع هذا السيد إلي جاي يعقد جاي يگول ميصير وانه ماافوت بشغلة الحرام

زهور /ها يمه يلا اتصرفي انه شسوي هسع

بسمه / انه من البدايه گلت حرام بس ام راكان عاندت

ام راكان / سمعي زهور هسع انتي خابري راكان واحجي وياه قنعي يجي لان هو قافل ويگول مااريد الابنيه انتو ورطوني ليش بكيفه قابل على الاقل روحوا طگوا صور خوما صرفنا هلگد فلوس على الصالون والبدله عالفاضي

زهور / استغفر الله دجيبي اشوف انطيني التلفون

هيه اتصلت بأبنها وانطتني التلفون گلت عسى لعل اقتنع يجي ضل التلفون يدك اخر شي جاوب

راكان / خير يمه مو گلتلج مااااا اجي افهمي

زهور / راكان هاي انه زهور اشبيك اتخبلت شني يعني ما اجي ترى ميصير هيج

راكان / هذا اخر كلام عندي لا اجي ولا شي و اي واحد يتصل بعد بخصوص هالموظوع ارزله كافي عاد

زهور / امبين من صوته كلش متعصب وحجى بنبرة حاده وسد التلفون بوجهي اهنا حسيت نفسي اشگد رخيصه كلمن يجي يطعن بيه ويجرحني وينسحب ببساطه ... انطيتها التلفون وايدي ترجف ونزلت دموعي وگفت مثل المصدومه وممستوعبه

جتي نجمه گالت شكو .. اهنا فقدت السيطره على نفسي گمت ابجي بحرگه والكل يباوعون عليه واتأثروا بالبجي مالتي امي شالتني ردت انزع البدله ام راكان گالت

لا تنزعين خلي نروح نسوي حفله بسيطه احنا النسوان بيناتنا نغيير جو ماطول لابسه البدله وعود من تخلص العدة مالتج يعقد عليج

ما خلوني انزع البدله رحنا لبيت جدي اهناك جنا مقررين نسوي الحفله واجتمعن البنات ركصن اشويه وكلمن رجعت لبيتها وانه نزعت البدله اجى اخويه گال

هاا زهور شني السالفه ليش الولد ميريدج

زهور / متت من گال هيج حسيت بنفسي اشگد انهانيت وهذا حاله حال شهاب كلهههم جذابين ماكو واحد احسن من واحد كلهم من نفس الطينه وانه جنت راسمه احلام ورديه وياه هسع فزيت من احلامي گلتله

وليييي امشي منا شني جاي تتشمت يعنييي ..لا تشووفني خلقتك لا ادفنك بمكانك

بدون ماامسح المكياج طلعت من بيت جدي ارجع مشي لبيتنا وامي ونجمة يمشن ورايه واختي واخويه الصغار يركضون وانه اصيح كلهم نفس الخ....... مااريده مستحيييل ازوجه اذا من البدايه هيج تاليها اشلووون