أروقة الزمن
فاديه فهمي
..........................
ابوي/ اذا احط شي بعگلي انفذه انفذه مو مرة اللي تمنعني إذاااااا الشرع محللي هالشي وانه مامقصر وياج ولا راح اقصر سدي الموظوع وارضي بالواقع
امي / وانه مامقصره وياك واذا على الجهال خلفتلك 5 وإذا على الخدمات الكل يحلفون بيه وامك راضيه عني بس فهمني شني السبب إلي يخليك تجيب ضره عليه
بيبي / يمه وليدي گول يالله لا تسوي الشغله عناد حرمتك بنت اوادم ومااذكرلك زينياتها جااا انته مو دومك تمدح بيها شمالك هسع تريد تجيبلها ضره
ابوي / يمممه لخاطر ربج اسكتي انه مقرر وإلي عليج تسوي تمشين تطلبيها البنيه من غيرر نقاش وكلام زاااايد
حجى هيج وطلع من البيت اول مره اشوف ابوي بهالعصبيه وميشوف گدامه صاير نار هو صدگ ميحب احد يناقشه ويعانده بس ابد ميوصل لهالمرحله بالعصبيه
ضليت اباوع امي بطنها واصل لخشمها بالشهر الثامن وتكسر الخاطر تملخ بروحها وتضرت خدودها وتردد حسبي الله ونعم الوكيل عباس يجيبلي ضره انه بحلم علم اكيد يشاقه گولولي بشني مقصره وياه يمممه فدوه انتي امه ويسمع منج امنعي وصيري وياي محروگ گلبي
بيبي واگفه وساكته تباوع لأمي بحزن وقلة حيله متدري شتگول لان تعرف ابنها اذا گال شي يسوي وميتراجع
دنكت راسي مشيت للغرفه گعدت ابجي وجتي سحر گعدت يمي تبجي وجاي نسمع صوت امي تعيط وتصرخ وتندعي على ابوي .. مسحت دموعي گمت بدلت ملابس طلعت غسلت ورديت للغرفه مااشتهي اتغذا طلعت كتبي احل واجباتي حسيت الدنيا تفتر بيه
فتحت عيوني امي وبيبي گاعدات فوگ راسي يحطن ملح بحلگي ويضربن على وجهي عرفت اغمى عليه وهاي مو اول هالشي دوم يتكرر ويايه حتى بالمدرسه اطيح ومااتذكر شي بعدين افتح عيني معلمات واگفات يمي وحده لازمه ايديه تفركه وحده تحط ملح بحلگي ومن هالسوالف
سمعت امي اتگول
امي / الحمدلله فتحت عيونها الضاهر جان ضغطها هابط
بيبي / و انوب ويه بنيتج متوديها للطبيب دشوفيها چنها عمرها سبعين سنه
امي / اي ان شاءالله باجر العصر اوديها
اشويه صحصحت وامي وكلتني والتهت ويايه ونست موظوع ابوي وگعدت كملت واجباتي وصار الليل ابوي رجع للبيت واتعشينا طفت الكهرباء امي كالت صبا وسحر شيلوا الفرشه افرشولنا بالحديقه نگعد
فرشولنا وگعدنا وعمي جاب كرزات وعصاير وجانت گعده حلوه لوما ابوي گال
ابوي / يمه باجر اخذي وياج كريمه (بنت عم ابوي) امشو خطبولي بت صديقي مراد
بيبي / عباس اذا عندي خاطر يمك عوف موظوع الزواج
كمال / زواج؟ منو يزوج يا الله اعدل گعدتي راح تخطبولي
أنت تقرأ
أروقة الزمن
Literatura Femininaأنا امرأة خلقت من قوة النيران ... صبورة صامدة كجبل شامخ وسط الرياح العاتيه .. أنا التي ناضلتّ لنيل كل ماهو مسلوب مني .... لبوة وسط الذئاب المتوحشه .. أكتم صرخات اوجاعي تحت رداء القوة .. واتلحفِّ بالتجاهل اتجاه كل ما يؤلمني. أنا ابنة الرافدين الصامد...
