أروقة الزمن

بارت اثنان وعشرون

أروقة الزمن
فاديه فهمي
.....................

زهور / ضليت بالحوش ابجي حدما هدئت وفتت للبيت گعدت بالمطبخ اجتي المرة اعتذرت مني على الموقف إلي صار گلت عادي متعوده ولا يهمج

ضليت ملتهيه ويه الخطار قضيت وقت حلو افضفضلها همومي وهيه تسمعني وتنصحني بس من يجي شهاب مااگعد وياه بنفس المكان لان ينزل عليه دك رزايل گدام الخطار ويفشلني ويضحك

طبخت الهم انواع اكلات من الدولمه وانواع كيك وبرياني و ام شهاب متكدر تمنعني وتستحي تحجي گدام الخطار

صار الاربعين الايرانيين اتفقوا ويه اهل شهاب يروحون للزيارة فصدك جهزوا نفسهم ام شهاب وابوه واخته بالليل يطلعون واجوي خالات شهاب هنه وبناتهن وولدهن ودعوهم وداع چنهم اول مرة يروحون للزيارة بجوا بجي حتى انه اتأثرت وبجيت وياهم صح همه اذوني اهل شهاب بس نسيت كلشي حظنت امه بجيت ودعتها

جنت اتمنى اروح وياهم وبنفسي ازور الكربلاء بس شهاب ما قبل اروح وابوه گال البيت الج وبأمانتج بين ما نرجع .. وراحوا وخالات شهاب كلمن رجعت بيتها ضلينا اول ليله انه وشهاب بالبيت

اتعشينا صار وقت النوم اريد انام طفيت الضوه عاط شهاب لالا لا شغلي الضوه

رجعت شغلته گتله شكوو

شهاب / ولج اشبيج تطفين الضوه والبيت تصير ضلمه راح تجينا الحراميه

زهور / طكيت ضحك گلت خوش شقه شني صاير خفيف الدم والله ضحكتني .. ورجعت طفيت الضوه مشيت للجربايه عااااط بصووت

شهاب / ولججح شغلي الضوه انه خااايف اشبيج شني نسيتي ماكو بالبيت غيرنا انه وانتي

زهور / حسيت بي صدك خايف هههه ردت اشاقه وياه وهو لازم عيونه ومغمض مشيت دگيت عالشباك .. اتخببببل بمعنى الكلمه وگام يرجف

متت من الضحك مشيت شغلت الضوه گام شال المخده گال امشي گدامي ننام بالهول لان جبير اشويه واحس بأمان

زهور / شهاب كافي لا تزوده اشبيك انته رجال اشلون خايف انه ابنيه ومااخاف

شهاب / امشي لا اطيح حظج والله اذا احد فات علينا اگوله هاي مرتي وذيج ذهباتها اخذها وعووفني

زهور / هههههه ميخالف راضيه بس انه قافله البيبان اطمئن ونام

شهاب / گتلج امشي ويايه افرشيلنا بالهول

زهور / باوعت على وجها اشلون مصوفر وصدك خايف ولا چنه رجال عبالك ولد صغير گلت امري لله امشي وشلت الدوشك فرشت بالهول ومددت وهو اتمدد واتقرب مني

شهاب / يله ولج اريد حقي

زهور / خاطر الله شهاب مااريد والله تعبانه اليوم هواي تعبت ويه اهلك خلينا ننام