أروقة الزمن
فاديه فهمي
......................
ام راكان / هاي هيه انه قررت ومااريد اعتراض وهذا احسن قرار للكل
راكان / يمه انه گلت الطفل يموت يعني يموت وانه كلمتي تمشي بالبيت مااريد نقاش
ام راكان / هذا رزق من الله والكل يتمنوه حرام نموته ومابيها شي إيناس تصير احسن ام اله
راكان / يمه من احجي باليمين لا تحجين باليسار مااريد هذا الموظوع مرة ثانيه
زهور / راكان گام طلع برا وانه حيييل ضجت ليش انه اشبيه حتى إيناس تربي طفلي شو لا ميته ولا مطلگه شني هالظلم ماكو ام تنطي طفلها
گمت طلعت برا اسمع امه تحجي ورايه وتگول الك بيها ارادة ربيييي تنطي البخت على إلي متستاهل واول ما جتي حبلت و إيناس صارلها سنوات وماكو شي
مشيت غلست عليها بس هوه وينه البخت .. و سبحانه وتعالى يعرف إيناس شني گلبها وشني شوفت لبنت زوجها بس نضل ساكتين احسن
رحت غرفتي گعدت دمعت عيوني ولازمه بطني وفجأة انداريت وهمين شفت النسوان 3 گاعدات عالجربايه ورايه گمت اتعوذ من الشيطان و اصل عالنبي وگمت وگفت بعيد عنهن وغمضت عيوني انفتح الباب
راكان / خير همين ليش خايفه
زهور / ها لا ماكو شي
اجى لزم وجهي بيده وباوعلي بحنيه گال
راكان / حبيبي ياعمري انتي تدرين انه احبج موت واعشقج
زهور / راكان / انه احبك اكثر والله
راكان / اعرف والله واعرف ضوجتج خلص انسي وجيت اعتذر منج تعالي صغيرونتي نلعب لعبه شرأيج
زهور / ههههه لعبة شو ؟
راكان / انه اصعد عالجربايه وانتي اذا لزمتيني الج هديه يلا حبي بدينا
زهور / ركض صعد عالجربايه وانه اتحمست للعبه ومسحت دموعي مشيت يمه الزمه وضل يگمز صعدت عالجربايه ودفعني وهو يضحك
هم زين لزمت نفسي وما وگعت وهو نزل يركض بالغرفه
راكان / هههههه ممممم ما تگدرين تلزميني يلا تعاالي لا تستسلمين تعالي
ركضت يمه شالني وشمرني عالجربايه بقوة وضل يدغدغ بيه ويضرب على بطني وضهري بقوة بحيث گام يأذيني ضرباته
زهور / كافي .. كافي راكان خلااص تعبت بطني گام يأذيني
راكان / يا الله يا الله
زهور / شني يا الله
راكان / لا هيج اشاقه صدگ بطنج يوجعج؟
زهور / اي والله حيل أذيتني اجاني مغص
راكان / خووش يلا نامي انه طالع
زهور / ضجت من تصرفه المفروض هسع يهتم بيه وبسببه انه اتأذيت بس افتهمت هو هيج سوا علمود الطفل يموت
أنت تقرأ
أروقة الزمن
ChickLitأنا امرأة خلقت من قوة النيران ... صبورة صامدة كجبل شامخ وسط الرياح العاتيه .. أنا التي ناضلتّ لنيل كل ماهو مسلوب مني .... لبوة وسط الذئاب المتوحشه .. أكتم صرخات اوجاعي تحت رداء القوة .. واتلحفِّ بالتجاهل اتجاه كل ما يؤلمني. أنا ابنة الرافدين الصامد...
