أروقة الزمن
فاديه فهمي
....................
اخد موبايلي و جنطه مالته وطلع .. گمت وراه دخلت المطبخ وبديت اشتغل وانظف ومشى اليوم عادي
ثاني يوم اول ماگعدت الصبح حيل اشتاقيتله لان متعوده يوميه الصبح اول ماافتح عيوني ادخل على برامج واراقبه .. صح ميراسل وحتى من اراسله مايجاوب بس على الاقل اعرف اشوكت متصل على الواتساب واراقب اخر ظهوره وينشر حالات اطمن عليه
بس هسع ماكو موبايلي اشلون اراقب .. رحت للمطبخ حظرت الريوك وگعدوا الكل اجوي يتريگون گلت
زهور / يمه انطيني موبايلج اخابر راكان والله گلبي نار عليه اريد اطمن واسمع صوته
إيناس / ديلا عود تمثل انها تحب زوجها وخايفه عليه
زهور / يمه عليج الله
ام راكان / هااج بس لا تحجين هواي وتزعجين الولد
زهور / اخذت التلفون اتصلت
راكان / الو
زهور / الوو راكان اشلونك
بس سمع صوتي سد التلفون بوجهي .. كللش اتفشلت گدامهم وماعجبني تصرفه ما خلاني اسمع صوته
إيناس / هههههههههههههه سد بوجهج موو ههههه خووش يحبج واااظح يموووت عليج
زهور / يمه خابري همين خلي يحجي وياج فتحي سبيكر اسمع صوته عليج الله
ام راكان / اشلون لزگه انتي دجيبي
اخذت التلفون اتصلت وفتحت السبيكر سمعت كلامهم
ام راكان / الو وليدي اشلونك
راكان / هله يمه منو يمج
ام راكان / مرتك واخوك وكلنا گاعدين
راكان / ها خوش جا بعدين نحجي يلا باي
زهور / كلش ضجت ما يخليني اسمع صوته وفشلني گدام الكل وخلاني علج بحلگ ايناس وهيه معوجه حلگها وتضحك بأستفزاز
ام راكان / شصاير ليش هيج يحجي
إيناس / هههه اكييد متعاركين انه مو اگولج راكان ما طايقج ولا يريدج بس مچللللبه ماكو احساس ههههه
اخو راكان (عمار) / هااا زهور چنج ضجتي
زهور / لا ليش اضوج عادي
عمار / ها جا خلي اگولج شي اضوجج ههههه
زهور / مثل شني
عمار / راكان عنده بنات بالتلفون و دوم يراسلهن ويخابرهن
زهور / راكان انه واثقه بي ماعنده هالسوالف وهسع شماتحجون ثقتي ماتنزل
إيناس / و إذا نجيبلج ادلة
زهور / حتى لو تجيبون ادلة وحتى لو تجيبون صور اگول هاي فوتوشوب وجذب
عمار / هاا هيجي يعني
أنت تقرأ
أروقة الزمن
ChickLitأنا امرأة خلقت من قوة النيران ... صبورة صامدة كجبل شامخ وسط الرياح العاتيه .. أنا التي ناضلتّ لنيل كل ماهو مسلوب مني .... لبوة وسط الذئاب المتوحشه .. أكتم صرخات اوجاعي تحت رداء القوة .. واتلحفِّ بالتجاهل اتجاه كل ما يؤلمني. أنا ابنة الرافدين الصامد...
