أروقة الزمن

بارت الثالث عشر

أروقة الزمن
فاديه فهمي
....................

حسيت ايد انحط براسي شلت راسي لگيتها مرة جبيره گعدت يمي گالت يمه شمالج ليش گاعده

بسمه / ماكو شي يمه لعب نفسي بس

گالت يمه انتي من شكلج امبينه حامل

بسمه / لا عيني مااعتقد

گاللت انه اعرف وعندي خبرة من اباوع على مرة اعرفها حبله او لا وامشي حللي واتأكدي

شالتني گمت رجعت للبيت وانه افكر اي يمكن صدك. وانه هم شاكه بروحي.. گعدت بالحوش من التعب زينب اجتي گلتلها يمممكن انه حامل فرحت وگامت اتباركلي وانه بعدني ممتأكده

واجى اسماعيل همين خبرته طار من الفرحه ضل يگول اسماعيل بشحمه ولحمه يصير اب موو

الظهر گال گومي نروح لبيت اهلج مااريد اهنايه تحللين بالمستوصف اخذج لمستشفى العام بالمدينه ..صدك طلعنا بالتكسي للزبير وصلنا ليم اهلي استقبلونا مثل كل مرة بفرحه وگلتلهم سبب زيارتنا فرحوا اكثر

رحت ويه امي حللت بالمستشفى طلعت حامل حيل فرحت بس امي حسيتها خافت عليه خافت جسمي ميتحمل الحمل والولاده لان هيه تعرف بحالتي الصحيه مو تمام ومناعتي ضعيفه بس انه مااهتميت كل ابالي اصير ام شعور متنوصف

طلعنا من المستشفى مريت للسوك امي اشترت كومة ملابس للطفل اشترينا الوان زهري وازرق لان منعرف جنسه وهيه ما قصرت اشترت من كلشي

ردجعنا للبيت الكل عرفوا وباركولي واسماعيل فرحته متنوصف بتنا يمهم الليله وثاني يوم طلعنا لفاو

اسماعيل گال بعد متتقربين من النهر ومتشيلين اي شي وجان توه مستلم راتب اشترى جهاز غطاس وركبلي حنفيات بالبيت وجابلي تنور غازي گال شغلج كله تقضيه بالبيت ومتطلعين بعد

فرحت حيل و خصوصآ من رجعت شكريه للبيت وبحضنها بنوته مسميتها ميس بوستها وباركتلها ومشت الامور طبيعيه

فتت بشهر الرابع بيوم گعدت رحت للديوان اريد انضفه لگيت هايشه واگفه عالحصيره وموسخه عليها

صحت بسرعه على زينب
بسمه / ولج خيييييه تعالي شووووفي الهايشه موسخه عالحصيره

جتي ركض وشالت بيدها عوده وگامت تضرب بي الهايشه وطلعتها من الديوان وانه ضليت طاكه من الضحك لزمت بطني گعدت بالگاع كلما اشوف فضلات الهايشه شكبرها اضل اضحك

طلعت شكريه على صوتنا اتگول

شكريه / خاايبه شبيج نصي صوتج متگولين اكو زلم بالبيت ادري متستحين على روحج

لزمت حلگي كمت وگفت عدلت روحي اشرتلها عالحصيره وخرت ايدي جريتها بضحكه طويله هاي اول مرة اشوف فضلات هايشه هالكبرها هههه