أروقة الزمن

بارت التاسع عشر

أروقة الزمن
فاديه فهمي
.......................

مدري جم ساعه ضليت گاعده وانه على نفس الگعده الخوف اكلني مغمضه وبس اصلي عالنبي فزيت من انفتح الباب لگيت شهاب فات يمي شلت راسي ودموعي بطرف عيني باوعت عليه واگف عاگد حواجبه يباوعلي گال

شهاب / اوهووو شني هالحركات الطفوليه

فات طبك الباب حيل مشى وگف گدام المرايه گال گووومي ميت جوع حظريلي زقنبوت

زهور / ش...شهاب انه خا....خايفه

شهاب / ولججج موو كافي ضيم الدوام انوووب ارجع الگيج مصوفره شنننني شايفه شي حشرة؟

زهور / ولك يا حشرة شهاب اهئ .. شهاب اليوم اختك طاحت ومن رحتلها گالت اكو بغرفتج دم وگماط خوفتني

شهاب / ههههههههههه اييي شني يعني

زهور / اختك جانت تحجي بثقه وچنها فعلآ شايفه شي

شهاب / اييييي تشوف شغلات وشي عادي يلاااا كومي ولي جيبيلي اكل

زهور / گمت مسحت دموعي بس بعدني حيل خايفه ورجعت القرأن لمكانه طلعت من الغرفه وانه ادعي مااشوف نرجس خاف تتهجم عليه

فتت للمطبخ تلاگتني امه دنكت راسي رحت اخذت ماعون صبيت ماعون تمن باوعت امه على ايدي گالت

ام شهاب / اويلللي المن كل هاي التمن

زهور / يمه هو ماعون شسالفه هسع وليد بخاشوكتين يمسح الماعون مسح

ام شهاب / انه ما جنت اصبله هلگد تمن مبين هواي تاكلين انتي قللي عيني منين نجيب

زهور / استغفر الله علساس متعرف بأبنها ابو الكرش من ياكل عبالك يترس گونيه مو معده مااهتميت لكلامها صبيت المرگه هم حطيتهن بالصينيه رحت للغرفه خليت الصينيه اجى گعد نام نومه عالأكل بين مااكل خاشوكه هو ياكل ثلاثه

كملنا الاكل شلت الصينيه رحت غسلت المواعين سمعت صوت اذان الظهر رحت اتوضيت رجعت للغرفه لگيته نايم فرشت السجاده اريد اصلي عاط

شهاب / خييير ان شاءالله خاف تريدين تصلين

زهور / انته مو نايم؟ اي اصلي

انداريت اريد ابدي بالصلاة حسيت ايد سحبني من ورا لزم شعري يجره

زهور / اخخخخ شعري اشبيك عوفني شكوو

شهاب / سمعيني ولج چليه ماعدنا وحده تصلي بالبيت افتهمتي .. صلاة انسي ماااااا اقبل واحنااا مو مال صلاة ليش الله شمنطينا حتى نصلي ونعبدددده

زهور / اشبيك شهاب ليش تكفر هسع انته مدتصلي وانته حر انه شكوو عوفني امشي نام

شهاب / ولججج جم مرررة گلتلج لااا تعانديني هااا .. حيوانه مو انتي إلي تئمريني تگوليلي امشي نام .. شيييييلي هال..... من الگاع كتلج ماكووو صلاة