أروقة الزمن

بارت الواحد والعشرون

أروقة الزمن
فاديه فهمي
...................

نجمة / مشيت يمه سمع صوت رجلي اندار باوعلي نزل التلفون من اذنه وسده گلتله ويامن جنت تحجي؟

جميل / حبيبتي مو گلتلج هذا صديقي وشفتي اشلون چلب صارله ساعه يحجي لذلك ما جنت اريد اجاوب

نجمة / مدري ليش گلبي مامرتاح بس نوعآ ما صدكته ومشيت السالفه

ثاني يوم حجيت ويه امه گلتلها فدوه گلبي ممرتاح احس بي بعده يحجي ويه طليقته

ام جميل / لا شسالفه شني هالتفكير وبعدين هو ابني واعرفه عافها وخلص طلعت من حياته

ورا اسبوع اجى ضايج وتعبان گلتله شكو صاير شي؟  گال الناس يريدون فلوسهم وماادري منين اجيب گلتله شكو بيها انه ابيع ذهباتي .. بالبدايه عارض الفكرة وگال انتي عروسه اشلون يصير وكذا بس اصريت لان حبيت اساعده بشي

اخذ الذهبات كلهن وباعهن واتعدل مزاجه وانه هم فرحت لان گدرت اقدمله شي وافرحه .. ورا 10 ايام وانه جاي اطبخ سمعت صوته يتعارك ويه امه ويگوللها

جميل / منيييين اجيب يمه منييين والله ماعندي

ام جميل / وانه شعللليه تبوك تنهب تداين المهم اريددد فلوسي افتهمتتتت

نجمة/ مااهتميت الهم شعليه والتهيت بشغلي .. اشويه وصاحني

جميل / نجمممممة تعالي اهنااا ولج

نجمة / غسلت ايدي رحت يمهم وانه مستغربه همه جاي يتناقشون وانه شكو

جميل / تعالي اشوف ولج صدك انتي گايله انه بعدني جاي احجي ويه طليقتي؟

نجمة / انداريت على امه گلتلها انه وين گايله هيج شي وحتى اذا گايله انه گتلج مجرد شك وممتأكده وشبسرعه وصلتيله الكلام

ام جميل / ديلاااا طلعيني جذابه هم اشلون نسوان اخر زمن دشوفي البقيه اشلون يساعدن ازواجهن وانتي ولا هامج شي

نجمة / لحظه بالله شقصدك شسوي يعني

ام جميل / موو هاي امج اتحملت فقر وضيم ابوج سنين ووكفت وياه وساعدته ليش ما طلعتي عليها

نجمة / اولا انتي جاي تتعاركين ويه ابنج ليش دخلتيني ودخلتي امي بالموضوع وثانيآ حبيبتي انه مو مثل امي واهل امي جان عدهم وساعدو امي هواي بس انه اهلي ماعدهم وانه اصلا مااطلب منهم

ام جميل / ديلاااا منج ومن النسوان متعرف شي عن زوجها للعلم زوجج مديون 7 ملايين خلي يصيررر عندك علم

نجمة / انصدمت من گالت هيج بسرعه باوعت لجميل اشرلي براسه رفع حواجبه بمعنى اييي يعني شني .. گلتلها اشلوون 7 مو انتو گلتوا مليونين ليش جذبتوا ليش من البدايه ما گلتوا 7

ام جميل / اييي طبعا منگولج اشلون تريدين نگولج يعني

نجمة / حسيت انخدعت لا وجاي يحجون بكل بردوة الدم ولا كأنه مجذبين ولا صاير شي اتسودنت وگمت اصيح بوجههم گلت ...ضميتوا عني الحقيقه وهسسسسع جاااي تگووولون المرة لااااازم تساااعد زووجهاا موو . اشلوون تريدون اسااعده شسووي اطلع اشتغل؟  موو عيب عليكم و خزي تقبلوهاا على نفسكم؟