أروقة الزمن
فاديه فهمي
......................
سنة 2018
گاعده بأمتحان الرياضيات وكلشي ماقاريه راح يخلص الوقت وورقتي فارغه اباوع للأستاذ وجها يسد النفس وجه البوم مطنكر وگاعد بس يصيح يلااا جاوبوا راح يدك الجرس .. طالبات منسجمات يحلن بالأسئلة وانه ورقتي طويله عريضه ممكتوب بيها غير ( زهور اسماعيل امجد) صف ثاني متوسط
مليت من الگعده قابل شني منتظرة ينزل وحي. گمت شلت الورقه خليتها گدامه عالميز گال ها
زهور / شني ها؟ هاك كملت
استاذ / ولج احنا وين گاعدين شني هاك شايفتني ولد صغير گدامج؟ متستحين انتي منين جايه
دنكت راسي يمكن غلطت بس اووي شسويله هو اصلآ شكله جان امبين روحه بخشمه وبس يريد يطلع قهره من احد
استاذ/ گوووومي هدى اخذي هاي للإدارة وثاني مرة متفوت لدرسي اذا متجيب ولي امرها
اوهوو اشلون بلوه ويه هذا دنطيني صفر وفضها شكو تفشلني گدام خمسين طالبه ..گامت هدى اخذتني للإدارة اترزلت رزاله ناشفه ورجعت للصف
ضل يخزر بيه بعدين دك الجرس وطلع الله لا يشوفني خلقته .. بدن البنات يتناقشن بالأسئله وانه ميته جووع جتي زينب گالت خاب اشلون لسااان عندج ولج عيب هيج تحجين ويه استاذ
زهور / زينب تروحين من يمي لا ابتلي بيج من غير شي طالع روحي صوت معدتي زرف اذني عصافير بطني تزقزق
زينب / اشلون جاوبتي
زهور / ولجججج مخلصه البنزين اشلون اجاوب يعني وانه جوعانه وناسيه فلوسي بالبيت اففف
زينب / گومي انه انطيج روحي اشتري
زهور / مااريد شي بس مصدعه كافي تلغين
گامت راحت دك الجرس دخلنا للدرس الاخير انكليزي گوه اتحملت الدرس وانه بين نايمه وبين گاعده ..
خلصنا الدوام طلعت من المدرسه ادور السايق ماكو والبنات كلهن راحن ضليت وحدي وحدي واگفه بالشمس هسع يجي اشويه ويجي ورا نص ساعه يلا شفته اجى مشيت اتجاه السياره واحس راح انفجر الشمس سمط جد جدي
صعدت گعدت سديت الباب قووي گلتله اكووولك انته وينك صارلي ساعه انتظرك بالشمس اشلوون هيج تتأخر متگول ابنيه منتظرتني
سايق / اسف خيتي السياره عطلت صلحتها واجيت
زهور / هاا عاطله ... بس هااا ثاني مرة لتوگف السياره بعيد تعال گدام الباب تهي بهي واگفلي بعد 10 ايام قابل انه مجبوره امشيلك
سايق / صار ادللي بس اعصابج
زهور / لاا تنسى جاي ننطيك فلوس مو ابلاش تجي ولا الك فضل عليه
أنت تقرأ
أروقة الزمن
Chick-Litأنا امرأة خلقت من قوة النيران ... صبورة صامدة كجبل شامخ وسط الرياح العاتيه .. أنا التي ناضلتّ لنيل كل ماهو مسلوب مني .... لبوة وسط الذئاب المتوحشه .. أكتم صرخات اوجاعي تحت رداء القوة .. واتلحفِّ بالتجاهل اتجاه كل ما يؤلمني. أنا ابنة الرافدين الصامد...
