أروقة الزمن
فاديه فهمي
....................
دورت بعيوني على امي وانه واگفه بباب الهول وگوه اجر النفس الف فكرة وفكرة جتي ابالي حدما وصلت بس الحمدلله شفتها گاعده يم ابوي من شافتني گامت .. وانه ما صدگت شفتها بخير وسلامه ركضت عليها حظنتها وانه ابجي
زهور / يمه متت خوف عليج اهئ .. عب..عبالي صايرلج شييي
بسمه / اشششش لا تبجين عمري فدوه لدموعج شيلي راسج اشوف باوعي عليه ... من اليوم ماكو بعد شهاب سمعتي
زهور / باوعت بعيونها دمعتها بطرف رمشها وگالت ماكو شهاب بعد .. شتقصد يعني اشلون ماكو شهاب
اسماعيل / سمعيني يبه على جثتي تفوتين لذاك البيت بعد .. وشهاب انسيييي ابن الكلب وثقت بي انطيته مرة تالي هيج يسوي صدك حقيير واذا يتجرأ خلي يجي هسع يطلعج من هذا البيت
ابن عمي / گومي يله زهورة امشي گوليله روح ماارجع وياك
زهور / بقيت بصدمه فاتحه عيوني كل واحد يحجي وانه اباوع عليه يعني صدك كل اهلي واگفين ويايه وما عافوني ياربي انه بحلم لو بعلم من الفرحه مااگدر انطق بعد
صبا / هيج واحد حقير مينراد گومي اطردي الله ياخذه عليش متحملته وباقيه وياه
زهور / كلش جنت محتاجه هذا التشجيع فگمت بسرعه والگاع ميشيلني من الفرحه ركضت برا وگفت يم السياره گلتله امشييي مو جايه وياك .. حجيته وانه مبتسمه
شهاب / مو يمكن اتعودتي تباتين عدهم ولج گ....... مو گلتلج 5 دقايق؟ گلتلجججج لو لااااا يله صعدي بسررعه
زهور / لاااا ترفع صوتك عليه فهمت لو لااا عبالك ما عندي اهل يوگفون بضهري ويسندوني امشي ولي تحلم بعد ارجع وياك .. حجيت وياه بكل ثقه وكبرياء فشفته اتعصب ونزل من السياره وهو فاتح عيونه
شهاب / اشگلتي اشگلتي عيديها بالله؟ ولج حيوانه من اشوكت تطولين لسانج عليه هااااا
ضرب ايده بقوة للسياره وهو يعيط بس انه واگفه بوجها مثل الجبل ومخليه ايديه على خصري واباوعله بطرف عيني وميخوفني صياحه بعد
شهاب / لا تستفزيييينيييي ولججج شني هالنظرة امشييي صعدي للسيارة حساابج بالبيت خ......
زهور / إلي عندي گلته ومااريد اشوفك مرة ثانيه فهمت لو لاا يله باااي
حجيت اخر جملتي وياه وانه اتمايع وانداريت مشيت بكل ثقه فتت للبيت وهو واگف مصدوم ويعيط ولج انه اشوفج منووو شهاب إلا ما ترجعين واشوفج نجوم الظهر رجعي اهناا ...........
زهور / بقى يعيط ورايه ولا اهتميت اصلا .. طبكت الباب بوجها وفتت للبيت ركضت لأمي گعدت يمها وحظنتها
بسمه / ياروح امج انتي لا تخافين مانعوفج بعد
زهور / والله يبه جان المفروض هسع تطلع تلزكه جم بوكس تغيير ديكور وجها لان صدك يستاهل
أنت تقرأ
أروقة الزمن
Chick-Litأنا امرأة خلقت من قوة النيران ... صبورة صامدة كجبل شامخ وسط الرياح العاتيه .. أنا التي ناضلتّ لنيل كل ماهو مسلوب مني .... لبوة وسط الذئاب المتوحشه .. أكتم صرخات اوجاعي تحت رداء القوة .. واتلحفِّ بالتجاهل اتجاه كل ما يؤلمني. أنا ابنة الرافدين الصامد...
