أروقة الزمن

بارت السادسه و العشرون

أروقة الزمن
فاديه فهمي
.....................

ورا اسبوع همين بالعصر اتصل راكان گال زهوره اخذي اذن انه جاي ابات يمج مشتاقلج .. فأخذت اذن من ابوي مثل مرة الاولى وانه طايرة فرح ورحت لبست دشداشه لونها جوزي واسود وبيها فتحه من يم الرجل وجايه مخصر عالجسم .. وخليت مكياج خفيف بس حمرة ومسكارا وايلاينر وگعدت بالغرفه انتظره ماگدرت اطلع لان ابن خالتي جاي يمنا

ضليت اراسله اشوكت تجي يلا لا تتأخر وكذا ودير بالك تسوق سريع وطكت روحي حدما اجى

بجيته ابن خالي طلع من البيت انتظرته يروح حتى اطلع استقبل حبيبي

مثل كل مرة استقبلته بالأحضان وشوق وهو جايبلي بقلاوة بيده وبعد كيس مدري شني بي انطاه لأمي

گعد ويه ابوي وانه گمت ويه امي نحظر العشا .. گلينا بتيته وطماطه وكبه ورتبنانهن بالمواعين ويه خيار و وطرشي وفرشنا السفرة انه گعدت بدون مااكل ضليت صافنه على حبيبي

راكان / زهور اكلللي ترى ازعل منج

زهور / الاكل يتعوض بس شوفتك لا

راكان / هاا هيج يعني خلص انه هم مااكل

زهور / لا حبيبي ماشي وهاي اكلت

ضلينا ناكل وكملنا گمت اسوي جاي ومن مرة الاولى عرفت هو يحب گهوه ردت اسويله گال

راكان / زهوره رايحه تسوين گهوه مو؟

زهور / اي حبي ليش

راكان / انه جبت گهوه من البيت هههههه مرت اخويه سوتلي تخبل گهوتها فد شي .. انتي هم شربي منها اكيد تعجبج

زهور / متت من الغيره اشصار شني سالفة مرت اخوه كل مرة يمدحها بس مو بكيفه انه اسوي الگهوه واطيب من مالتها

صبيتها بالفناجين وجبتله گلتله انه سويت الگهوه انته خطاري ولازم تشرب من ايدي والحمدلله هالمرة طلعت طيبه فشربناه وديت الفناجين للمطبخ لگيت صوت الرساله سحبت التلفون لگيتها من بنت خالي

كتبتلها راكان يمي باجر نتراسل فگالت تمام اخذي راحتج .. عفت التلفون رجعت لگيت راكان گاعد وحده اهلي يريدونا نبقى وحدنا فجيت گعدت يمه گال

راكان / انه شگلتلج

زهور / شگلت؟!!

راكان / اي هاي بدايتها ونسيتي .. انه مو گلتلج شالج مينزل من راسج؟

زهور / بس ماكو احد غير اهلي

راكان / جا والولد إلي طلع من بيتكم

زهور / ها قصدك ابن خالي بس ترى ما شافني وماطلعت من الغرفه جنت اتراسل وياك .. وماكو شي بيناتنا غير السلام

راكان / المهم شالج مينزل من راسج بعد سمعتي لو لا

زهور / ماشي حبيبي تدلل