Fucker Series#2: Two Blue (COMPLETE)

CHAPTER 12

Dahil hindi ako nag-update kahapon kaya nagdalawang update ako ngayong araw.
Sa mga nanghuhula sa kung ano ang mangyayari, keep it up! malay niyo tama 'yong hula niyo.

Maraming salamat sa mga nagbabasa lalo na sa mga bumuboto at nag-iiwan ng komento.

Love lots mga cactus!

-En

*******

Umuwi ang kambal mula sa school at agad nilang niyakap si Louise.

"Tara na, magbihis muna kayo"

"Okay po."

Matapos magbihis ng kambal ay gumawa sila ng takdang aralin.

"Lian, 3+2 ang sagot mo 6? Bilangin mo nga."

"Pakopya na lang kasi."

"No, ayoko ko! Tita, si Lian oh!

"Napaka sumbungero naman! Ikaw nga nagpapasulat sa akin lagi sa school di naman kita sinusumbong."

"Assignment lang 'yong pinasulat ko. Hindi lahat, ikaw kokopyahin mo lahat."

"Sige, 'wag kang kokopya sa spelling bukas."

"Sian! Lian!"

Nanigas ang dalawa nang marinig ang pagtawag ni Louise.

'Patay'

Umupo si Louise sa upuan na nasa harap ng kambal at tinitigan ang dalawa.

"Nagkokopyahan kayong dalawa, alam niyong hindi tama ang ginagawa niyo pero nangongopya pa rin kayo."

"Tita, si Sian po kasi nauna. Nangopya siya sa spelling kasi po 'di siya marunong."

"Anong ako? Ikaw kaya! Di ka kasi marunong magbilang. Mali-mali 'yong bilang mo."

"Tumigil kayo!"

Tumigil naman ang kambal. Alam ni Louise na lahat ng mag-aaral ay dumadaan sa puntong nangongopga sila kahit hindi man nila sinasadya.

"Sasabihin ko sa guro niyo na paghiwalayin kayong dalawa. Parehas kayong Jones kaya magkatabi kayo pero simula bukas magkahiwalay na ang upuan niyo at babantayan ko kayo habang gumagawa kayo ng mga takdang aralin niyo."

"Tita~"

"Huwag niyo akong daanin sa pa-cute niyo. Kapag hindi kayo nagtigil sa kopyahan na 'yan makakarating ang lahat sa daddy niyo."

Agad na napalunok ang kambal at iisipin pa lang nila ang kahihinatnan kapag nalaman ni Blue ang lahat ay hindi nila mapigilang mamutla.

"Tita huwag niyo pong sabihin kay daddy."

"Okay, basta huwag niyo ng ulitin ang mangopya"

"Okay po."

Nagpatuloy ang dalawa sa paggawa ng kanilang takdang aralin samantalang si Louise naman ay pumunta sa kusina at nagpahanda ng meryenda para sa dalawang bata.