Fucker Series#2: Two Blue (COMPLETE)

CHAPTER 14

Ang lolo ni U ay nakalipat na sa Villa at nandoon din ang mga tauhan na pinapunta ng matanda.

"Mr. Chu, gusto kong gumawa ka ng paraan upang makilala ko ang kambal. Huwag mo silang sasaktan."

"Sige po."

Umalis si Mr. Chu na kanang kamay ng matanda at pumunta siya sa panganay na anak na si Hongwu. Si Hongwu ang sumama sa matanda pabalik sa bahay ng magulang ni U at tagapagmana ng negosyo ng kanilang pamilya.

"First master Sy Hongwu, kukuhanin ko ang mga impormasyon patungkol sa kambal."

"Ito"

Ibinigay ni Hongwu ang isang flashdrive kay Mr. Chu.

"Salamat"

Nang makuha ni Mr. Chu ang flashdrive ay agad siyang umalis at pumunta sa kuwarto niya upang isaksak iyon sa kanyang laptop. Nakita niya ang kakarampot na impormasyon patungkol sa kambal.

Name: Cerulean Blue F. Jones "Lian"

Age: 7 years old

Gender: Female

Address: Dalli Residence

School: Brent  International School

Name: Prussian Blue F. Jones "Sian"

Age: 7 years old

Gender: Male

Address: Dalli Residence

School: Brent International School

Napakunot ang noo ni Mr. Chu dahil sa napaka-kaunting impormasyon na nakuha ni Hongwu. Ang ibig sabihin hindi basta-basta ang mga taong nasa likod ng kambal. Tiningnan ni Mr. Chu ang impormasyon patungkol sa Dalli Residence. Laking gulat niya na ito ay isang exclusive subdivision na pagmamay-ari ni Hier A. Dalli. Kasama sa sampung pinaka ligtas tirhan sa buong Asya ang Dalli Residence. Sobrang higpit ng pamamalakad sa seguridad sa Dalli kaya naman kahit isang eksperto ang kumuha ng address nang palihim ay hindi nito makakayang gawin. Ang laging lumalabas lang ay Dalli Residence. Walang nagawa si Mr. Chu kundi tingnan naman ang eskuwelahan ng kambal. Nagulat siya dahil sa pinaka-prestihiyosong eskuwelahan sa bansa nag-aaral ang kambal. Hindi niya maisip kung paano magkikita ang kanyang amo at ang mga apo nito. Puwera na lang kung maglalabas sila ng malaking halaga upang gawing investment sa eskuwelahan ng kambal at magkakaroon ng tiyansang makapasok doon ang kanyang amo. Tinawagan niya ang kakilala niya na magiging daan upang maisagawa ang plano.

"Hello Master Kim"

"Ikaw pala Mr. Chu"

"Gusto kasi ni Master Sy na mag-invest sa Brent International School."

"Para ba sa magiging anak ni U?"

"Uh... Oo gano'n na nga."

"Sige ako na ang bahala, basta huwag mong kakalimutan ang ipapatayo kong JK malls sa Beijing sa susunod na taon."

"Makakaasa ka Master Kim."

Nang maputol ang tawag ay pumunta si Mr. Chu sa kanyang amo.

"Master Sy, maglalabas tayo ng pera para makapag-invest sa eskuwelahan ng kambal para magkaroon ka ng tiyansang makapasok sa loob at makilala ang dalawang bata."